A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

cucuméu : cucumèa

cucumiài, cucumiàu, cucummàu , nm: cucummiau Definizione genia de pigione chi essit mescamente su note; dhue at unu pische puru cucumiau, su papagóciula (uranoscopus scaber); su cucumiai est fintzes unu frore de campu Sinonimi e contrari cucumea*, cucumeo 2. colao dónnia tantu a lis zúghere unu lizu areste o unu matu de cucumiai ◊ bi aiat froriu un'issummàssia de cucumiais ◊ su cucumiai est unu frore bellu Terminologia scientifica pzn, carine noctua sarda Traduzioni Francese chouette Inglese owl Spagnolo lechuza Italiano civétta Tedesco Steinkauz.

cucummedhàle , nm Sinonimi e contrari coliminzu, cucumenale, pinnacúcia, pópula Etimo srd.

cucummédhu cucumbédhu

cucummiàu cucumiài

cucummiàu 1 , nm Definizione genia de frore chi faet a patatedha ladita, asuta Sinonimi e contrari cacacú, ciciugojuadu, lepirisposu, ortiedhu, sennoredha Terminologia scientifica rba.

cucuncéu , nm Definizione (cucu in celu) cosa chi artzat a in artu meda in s'aera e mescamente su iscúdere a in artu pedra o àteru a manu / pesai cosa a c. = a puntichelinu Sinonimi e contrari punticheli Etimo srd.

cucuníu , nm Definizione su frore de su samucu, nau deosi ca su frutu faet a pibionedhos tundhos Sinonimi e contrari pibirimou Terminologia scientifica rbr Traduzioni Francese fleur du sureau Inglese elder flower Spagnolo flor del saúco, sayuguina Italiano fióre del sambuco Tedesco Blume des schwarzen Holunders.

cucupèrra, cucuperrài cucuerrài

cúcura cócura

cucuràciu , agt Definizione nau de ccn., chi portat sa sedha de su cúcuru unu pagu a punta Etimo srd.

cucuràle, cucuràli , nm Definizione sa sedha de sa conca e fintzes montigu, cúcuru de monte; cosa chi si ponet a usu de cabitzale, o a sa parte de conca, acanta; cosa modhe fata a tedile de pònnere in cúcuru po pigare pesu; sa conca de su fusu de filare, sa pedrighedha istampada chi si dhue ponet; s'istampu (o bentosa) chi si faet in su cúcuru de su forru Sinonimi e contrari cucurile, cugurútzulu / monticru / cabita / cócura, furriedhu, furtiedhu, irotu, lódiru, múscula, ruédhula, rueledha, ruella, vertichedhu Frasi sos sordatos ant postu sas tendhas a intundhu de unu cucurale ◊ cuatru cucuralis de su Gennargentu passant is 1800 metrus 2. corcadu, s'erva li faghiat de modhitza e su bàtile de s'àinu a cucurale ◊ sa robba, su note, ponedila a cucurale: mira chi giughes fatu su matzone! Terminologia scientifica crn Etimo srd. Traduzioni Francese sommet, calotte Inglese crown, top Spagnolo cumbre (f) Italiano cocùzzolo Tedesco Gipfel, Scheitel.

cucuramédhu , nm Definizione cugumedhu padezonadu, genia de codrolinu chi assimbígiat a s'ou: portat in su truncu unu pigiolu biancu chi dh'imbodhigat e creschendho si segat, sa conca o capedhu in colore de s'orrúbiu de s'ou Sinonimi e contrari cachedha Terminologia scientifica atn, Amanita caesarea Etimo srd. Traduzioni Francese oronge Inglese mushroom (ovulus) Spagnolo oronja, amanita de los césares, yema Italiano fungo òvolo, òvolo buòno Tedesco Butterpilz.

cucuràtzu , nm Definizione cúcuru, tretu de logu chi faet a sedha Frasi in pitzus in su cucuratzu dhoi at unu castedhu Etimo srd.

cucurèdha , nf Definizione min. de cúcura; terrenu chi faet unu pagu a cúcuru / c. de sas ungras = sa conca de sos pódhighes Sinonimi e contrari irotu, lódiru, ruédhula, vertichedhu / monticru Frasi est tochedhandhe a su muru chin sa cucuredha de unu pódhiche Terminologia scientifica slg Etimo srd.

cucuredhósu , agt Definizione nau de terrenu, chi est a cucuredhos, totu a montigos, no est bene in paris Frasi cussa est terra cucuredhosa ma adata po bíngia (M.Atzori) Terminologia scientifica slg.

cucurédhu , nm Definizione min. de cúcuru: chirrione o matucone de pilos; terrenu chi faet unu pagu a cúcuru, prus in artu Sinonimi e contrari cherrione, cirru, ciufu, pubusa, pubusone 1, tipisone / monticru Frasi unu cucuredhu de pilos Cognomi e Proverbi smb: Cuccureddu Traduzioni Francese mèche Inglese lock Spagnolo mechón Italiano ciòcca Tedesco Strähne.

cucuredhúdu , agt Definizione chi faet o est a bisura de cúcuru, chi faet a punta, chi essit / ovu, sanzolu c. Sinonimi e contrari cucurúciu Etimo srd. Traduzioni Francese proéminent Inglese prominent Spagnolo sobresaliente Italiano prominènte Tedesco hervorragend.

cucuréntzia , nf Definizione su tretu prus artu de sa bardúfola; su tretu prus artu de sa conca Sinonimi e contrari cúcuru Etimo srd.

cucurgiólu , nm Definizione tretu de terrenu prus in artu, a montighedhu Sinonimi e contrari concalinu, sedhitola Terminologia scientifica slg Etimo srd.