A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

cucuàre , vrb Definizione coment'e fàere cucú!, faendhosi bíere e cuandhosi luego Sinonimi e contrari cuai, cuerrai.

cucuàtzu , nm Definizione pistadura ufrada, in tretu de ossu Sinonimi e contrari cucubaju, giumbu, tzulumbone, tzumburisone Terminologia scientifica mld Etimo srd.

cucuàu , nm Definizione pistadura de sa carre (o pedhe) chi si ufrat, in tretu de ossu Sinonimi e contrari cucubaju, giumbu, tzoellu, tzulumbone, tzumburisone Terminologia scientifica mld Etimo srd.

cucubàju , nm: cucuvaju Definizione pistadura chi si ufrat, in tretu de ossu; mància in conca, unu tretu iscucau; unu pigione puru (s'istria) Sinonimi e contrari biaconcu, cucuàgiu, cucuatzu, cucuau, giumbu, tzulumbone, tzumburisone Terminologia scientifica mld Traduzioni Francese bosse, loupe Inglese bump Spagnolo chichón Italiano bernòccolo, bitórzolo Tedesco Beule.

cucubberríta , nm Sinonimi e contrari ciciugojuadu, lepirisposu Frasi su cucubberrita in s'umbrosu est froriu Terminologia scientifica rba Etimo srd.

cucubíu , nm, nf: cucuvia Definizione genia de pigione chi faet su niu in terra: abbitat e nidat in Sardigna, est una de is atrapaditas Sinonimi e contrari acucadita, alàuda, alimannu, arenarza, atacaterra, atrapadita, chinisera, cucullia, iscrianissa, piatarita, ungallonga Terminologia scientifica pzn, lullula arborea familiaris, melanocorypha calandra, calandrella brachydactyla, alauda arvensis cantarella.

cucuciàre , vrb: acuguzare, cucutare, cucutzare, cucuzare, cuguciare, cugugiare, cugutzare, cuguzare Definizione betare a pitzu a cugudhu, po ammontu, pònnere ammontu; foedhandho de sonos fortes, cuare e no lassat intèndhere àteru / cuguzare cosa a unu, a carchi cosa = pònnere ammontu in pitzu Sinonimi e contrari acarragiai, acavacai, afianzare, ammantai, assacarrare, cobèrrere, cutzicare, imbusciae | ctr. iscuguzare Frasi una néula carca at cuguzadu su campu ◊ in domo bi aiat una fressada de lana pro si cuguzare su note ◊ su nie at cuguzadu onzi logu ◊ sa pinneta fit totu cuguzada a perrones d'élighe ◊ cugúzali una cobertedha a su pitzinnu, no tenzat fritu! 2. s'uraganu che cuguzat sas boghes de dolore ◊ depent àere àpidu un’impudu lébiu chi però luego aiant cuguzadu cun carchi iscusa (N.Falconi) Etimo srd. Traduzioni Francese couvrir Inglese to cover Spagnolo cubrir, tapar Italiano coprire Tedesco decken.

cucúciu , nm Definizione genia de petenadura de is pilos de sa fémina coment'e imbodhigaos a tedile in sa sedha de su cúcuru Sinonimi e contrari cacariolu, cocoiledhu, concajoni, cucale, cuchedha Etimo srd.

cucúdhu crucúdhu

cucuéntu , nm Definizione su giogu a muscatzega, a ingertare in cale manu serrada a púngiu est cuada una cosa Sinonimi e contrari culipunta Terminologia scientifica ggs Traduzioni Francese colin-maillard Inglese blind man's buff Spagnolo gallina ciega Italiano mósca cièca Tedesco Blindekuhspiel.

cucuerrài , nm: cucuperra, cucuperrai Definizione genia de pigione mannu, chi abbitat meda in Sardigna, curiosu ca faet sa cria in su niu de àteros pigiones (chi deasi dhos frochint e apustis atendhent is pigionedhos puru) e po cussu si narat fintzes de gente, de unu trasseri, trampaneri, furbu Sinonimi e contrari cucu, cucuevai, cucuggregu, cucumareu, pachedhu 1 Frasi su cucuerrai s'intendit cantendi Terminologia scientifica pzn, cuculus canorus kleinschmidti Etimo srd. Traduzioni Francese coucou Inglese cuckoo Spagnolo cuclillo Italiano cùculo Tedesco Kuckuck.

cucuète, cucuèto , nm Definizione giogandho a bínchidas (a cartas o àteru deasi) bínchida manna, bínchere totu sa posta / giare unu c. = fàghere capoto.

cucuevài , nm Definizione genia de pigione mannu, chi abbitat meda in Sardigna, curiosu ca faet sa cria in su niu de àteros pigiones (chi deasi dhos frochint e apustis atendhent is pigionedhos puru) e po cussu si narat fintzes de gente, de unu trasseri, trampaneri, aprofitadore Sinonimi e contrari cucu, cucuerrai, cucuggregu, cucumareu, pachedhu 1 Terminologia scientifica pzn Etimo srd.

cucufíu , nm Definizione pigione de su note Sinonimi e contrari iltria Frasi no apu prus torrau a intendi pispisus de sa noti, margianis, cucufius, araxis e fragus arestis de su saltu Terminologia scientifica pzn.

cucuggrégu , nm Definizione genia de pigione mannu, chi abbitat meda in Sardigna, curiosu ca faet sa cria in su niu de àteros pigiones (chi deasi dhos frochint e apustis atendhent is pigionedhos puru) e po cussu si narat fintzes de gente, de unu trasseri, trampaneri, aprofitadore Sinonimi e contrari cucu, cucuerrai, cucuevai, cucumareu, pachedhu 1 Terminologia scientifica pzn Etimo srd.

cucúi cúcu

cucúi 1 cucú 1

cucuínu conchínu

cucuínu 1 , agt Sinonimi e contrari biaitu, sambíngiu, vírghinu Terminologia scientifica clr Traduzioni Francese violet Inglese violet Spagnolo color violeta Italiano violétto Tedesco violett.

cucúja , nf: cucuza Definizione sa méndhula candho est pitichedha, cun su chiu apenas ingendrau e a corgiolu modhe modhe; a logos dhu narant a sa síndria Sinonimi e contrari cucusa, cucuta 1, mendhuledhu, mendhulita Frasi chie si che lu màndhigat a cucuja no ndhe at a méndhula ◊ si picabat sos birdes, in beranu, pro andhare a cucuja ◊ est límpia che chibu de cucuja Terminologia scientifica rbr Etimo srd. Traduzioni Francese amande fraîche très tendre Inglese green almond Spagnolo almendra pequeña Italiano càtera Tedesco frühzeitige Mandel.