Ditzionàriu in línia
de sa limba e de sa cultura sarda

cucuàre , vrb Definitzione coment'e fàere cucú!, faendhosi bíere e cuandhosi luego Sinònimos e contràrios cuai, cuerrai.

cucuàtzu , nm Definitzione pistadura ufrada, in tretu de ossu Sinònimos e contràrios cucubaju, giumbu, tzulumbone, tzumburisone Terminologia iscientìfica mld Ètimu srd.

cucuàu , nm Definitzione pistadura de sa carre (o pedhe) chi si ufrat, in tretu de ossu Sinònimos e contràrios cucubaju, giumbu, tzoellu, tzulumbone, tzumburisone Terminologia iscientìfica mld Ètimu srd.

cucubàju , nm: cucuvaju Definitzione pistadura chi si ufrat, in tretu de ossu; mància in conca, unu tretu iscucau; unu pigione puru (s'istria) Sinònimos e contràrios biaconcu, cucuàgiu, cucuatzu, cucuau, giumbu, tzulumbone, tzumburisone Terminologia iscientìfica mld Tradutziones Frantzesu bosse, loupe Ingresu bump Ispagnolu chichón Italianu bernòccolo, bitórzolo Tedescu Beule.

cucubberríta , nm Sinònimos e contràrios ciciugojuadu, lepirisposu Frases su cucubberrita in s'umbrosu est froriu Terminologia iscientìfica rba Ètimu srd.

cucubíu , nm, nf: cucuvia Definitzione genia de pigione chi faet su niu in terra: abbitat e nidat in Sardigna, est una de is atrapaditas Sinònimos e contràrios acucadita, alàuda, alimannu, arenarza, atacaterra, atrapadita, chinisera, cucullia, iscrianissa, piatarita, ungallonga Terminologia iscientìfica pzn, lullula arborea familiaris, melanocorypha calandra, calandrella brachydactyla, alauda arvensis cantarella.

cucuciàre , vrb: acuguzare, cucutare, cucutzare, cucuzare, cuguciare, cugugiare, cugutzare, cuguzare Definitzione betare a pitzu a cugudhu, po ammontu, pònnere ammontu; foedhandho de sonos fortes, cuare e no lassat intèndhere àteru / cuguzare cosa a unu, a carchi cosa = pònnere ammontu in pitzu Sinònimos e contràrios acarragiai, acavacai, afianzare, ammantai, assacarrare, cobèrrere, cutzicare, imbusciae | ctr. iscuguzare Frases una néula carca at cuguzadu su campu ◊ in domo bi aiat una fressada de lana pro si cuguzare su note ◊ su nie at cuguzadu onzi logu ◊ sa pinneta fit totu cuguzada a perrones d'élighe ◊ cugúzali una cobertedha a su pitzinnu, no tenzat fritu! 2. s'uraganu che cuguzat sas boghes de dolore ◊ depent àere àpidu un’impudu lébiu chi però luego aiant cuguzadu cun carchi iscusa (N.Falconi) Ètimu srd. Tradutziones Frantzesu couvrir Ingresu to cover Ispagnolu cubrir, tapar Italianu coprire Tedescu decken.

cucúciu , nm Definitzione genia de petenadura de is pilos de sa fémina coment'e imbodhigaos a tedile in sa sedha de su cúcuru Sinònimos e contràrios cacariolu, cocoiledhu, concajoni, cucale, cuchedha Ètimu srd.

cucúdhu crucúdhu

cucuéntu , nm Definitzione su giogu a muscatzega, a ingertare in cale manu serrada a púngiu est cuada una cosa Sinònimos e contràrios culipunta Terminologia iscientìfica ggs Tradutziones Frantzesu colin-maillard Ingresu blind man's buff Ispagnolu gallina ciega Italianu mósca cièca Tedescu Blindekuhspiel.

cucuerrài , nm: cucuperra, cucuperrai Definitzione genia de pigione mannu, chi abbitat meda in Sardigna, curiosu ca faet sa cria in su niu de àteros pigiones (chi deasi dhos frochint e apustis atendhent is pigionedhos puru) e po cussu si narat fintzes de gente, de unu trasseri, trampaneri, furbu Sinònimos e contràrios cucu, cucuevai, cucuggregu, cucumareu, pachedhu 1 Frases su cucuerrai s'intendit cantendi Terminologia iscientìfica pzn, cuculus canorus kleinschmidti Ètimu srd. Tradutziones Frantzesu coucou Ingresu cuckoo Ispagnolu cuclillo Italianu cùculo Tedescu Kuckuck.

cucuète, cucuèto , nm Definitzione giogandho a bínchidas (a cartas o àteru deasi) bínchida manna, bínchere totu sa posta / giare unu c. = fàghere capoto.

cucuevài , nm Definitzione genia de pigione mannu, chi abbitat meda in Sardigna, curiosu ca faet sa cria in su niu de àteros pigiones (chi deasi dhos frochint e apustis atendhent is pigionedhos puru) e po cussu si narat fintzes de gente, de unu trasseri, trampaneri, aprofitadore Sinònimos e contràrios cucu, cucuerrai, cucuggregu, cucumareu, pachedhu 1 Terminologia iscientìfica pzn Ètimu srd.

cucufíu , nm Definitzione pigione de su note Sinònimos e contràrios iltria Frases no apu prus torrau a intendi pispisus de sa noti, margianis, cucufius, araxis e fragus arestis de su saltu Terminologia iscientìfica pzn.

cucuggrégu , nm Definitzione genia de pigione mannu, chi abbitat meda in Sardigna, curiosu ca faet sa cria in su niu de àteros pigiones (chi deasi dhos frochint e apustis atendhent is pigionedhos puru) e po cussu si narat fintzes de gente, de unu trasseri, trampaneri, aprofitadore Sinònimos e contràrios cucu, cucuerrai, cucuevai, cucumareu, pachedhu 1 Terminologia iscientìfica pzn Ètimu srd.

cucúi cúcu

cucúi 1 cucú 1

cucuínu conchínu

cucuínu 1 , agt Sinònimos e contràrios biaitu, sambíngiu, vírghinu Terminologia iscientìfica clr Tradutziones Frantzesu violet Ingresu violet Ispagnolu color violeta Italianu violétto Tedescu violett.

cucúja , nf: cucuza Definitzione sa méndhula candho est pitichedha, cun su chiu apenas ingendrau e a corgiolu modhe modhe; a logos dhu narant a sa síndria Sinònimos e contràrios cucusa, cucuta 1, mendhuledhu, mendhulita Frases chie si che lu màndhigat a cucuja no ndhe at a méndhula ◊ si picabat sos birdes, in beranu, pro andhare a cucuja ◊ est límpia che chibu de cucuja Terminologia iscientìfica rbr Ètimu srd. Tradutziones Frantzesu amande fraîche très tendre Ingresu green almond Ispagnolu almendra pequeña Italianu càtera Tedescu frühzeitige Mandel.