A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

fangòtu fagòtu

fàngu , nm Definizione sa terra candho est tropu càrriga de abba, a mesapare de abba, a ludu, tropu modhe Sinonimi e contrari ladrau Frasi s'istrampada chi damus nos bàrriat de fangu fin'a chizos chi a nos innetare no tet bastare s'abba de su mare Etimo itl. fango Traduzioni Francese vase, boue Inglese slime Spagnolo lodo Italiano mélma Tedesco Schlamm.

faniàlla , nf: fenialla, finialla, firinalla, frignalla, frinialla Definizione orrughedhos de pane, cosighedha coment'e farinedhos chi abbarrant de cosa matuca Sinonimi e contrari afrantzuchena, arremusulla, arrogalla, biculaza, chirchiza, cífrinu, fafaruza, farenàgia*, farrutza, firina, fratamuza, frataza, paparida, piciualla, pispisa, tzimuca Frasi apu a pediri a is istedhus una firinalla de s'eternidadi insoru (T.Cardia)◊ a su papagallu dhi donaus unu paghedhu de frignalla de pani Traduzioni Francese miette Inglese crumb Spagnolo miga Italiano bríciola Tedesco Krümel.

fàniga , nf: fànua, fànuga, fànuva, fàona, fàuna, vànuva Definizione genia de ammontu de istràciu, téssiu cun cotone e fitas de àtera orrobba de dónnia colore (trastos bècios segaos a tiras); genia de ammontu grussu Sinonimi e contrari fàmuna, frassada, manta / cdh. ànua / ammontu, coguzu Frasi arratirandi sa fàniga e is lantzorus puru! ◊ padrina mi at arregalau una fànuga de villudu candu mi seu cojada ◊ no tenimus fàunas de incarrazu ◊ a su letu meu bi beto una fàuna de bàtoro impostas ◊ cantu fint modhes sas fàonas chi l'ammuntaiant!… Terminologia scientifica ts Etimo ctl. vànova Traduzioni Francese couvre-lit, édredon Inglese quilt, bedspread Spagnolo cubrecama (m), colcha, cubierta gruesa Italiano coprilètto, piumóne Tedesco Tagesdecke, Federbett, Plumeau, Daunendecke.

fannàre , vrb Sinonimi e contrari andai, bandai* Frasi a fannare abbellu siet, no est a cúrrere chin su càmiu, no! ◊ a nch'imbolare sa grassa de Deus no fannat bene!

fannúga , nf: frannuga Definizione matéria chi si faet a inghíriu de s'unga; filu de unga o tzudha de is pódhighes: pigighedhu o limbedhu de carre chi si ndhe artzat apresu de is ungas (is frannugas) Sinonimi e contrari didusuisui, inghiriabódhighe, inghiriúngia, paneunga, podhighesuisui, sosoi, suisui, ungaúngiu / filinzone, filistru, filiuncu, panarighe, panaritzu, perunga, peunga, pibitzili, pilinzone, pilisungra, tanarígia Etimo ltn. panuc(u)la Traduzioni Francese envies des ongles Inglese hang nail Spagnolo uñero, panadizo Italiano paneréccio, pipita delle ùnghie Tedesco Fingergeschwür, Niednagel, Neidnagel.

fànta , nf Sinonimi e contrari fancedha Etimo itl. fante Traduzioni Francese maîtresse Inglese lover Spagnolo amante Italiano druda Tedesco Konkubine, Kebse, Kebsweib, Beischläferin.

fantallícu , nm: fantelicu, fantellicu, fentallicu, vantelicu Definizione genia de trastu de pònnere ananti acapiau a chintzu po no s'imbrutare faendho faina (ma fintzes orrugu de orrobba chi si acàpiat pendhe pendhe in bentre a su mascu po no improssimare is brebès fora de tempus) Sinonimi e contrari antaledha, àntela, davantabi*, fadreta, falda, fascadòrgia, frandha, panneananti, saúciu Frasi cussa est una fémmina cadhòcia, sempri cun su fentallicu brutu, totu a màrcias Terminologia scientifica bst Traduzioni Francese tablier Inglese apron Spagnolo delantal Italiano grembiule Tedesco Schürze.

fantàllu , nm: afantallu* Sinonimi e contrari arrosta, bentallu.

fantàna , nf: funtana, puntana Definizione benu de abba chi essit de sa terra, in pitzu, in calecuna atza o trèmene, o fintzes in fossu fundhudu tundhu fatu apostadamente cricandho s'abba e a muru totu a inghíriu (su buidu chi abbarrat si narat incalu); càntaru de abba intubbada in bidha / erba de funtanedhas = folladedha (Glechoma hederacea) Sinonimi e contrari antana, mígia 1, mitzadroxu, mitzarxu, orgale, orgosa, muntana / pussu Modi di dire csn: sa funtana est faenno = est boghendhe abba, s'abba de sa funtana est currindhe; bogai funtana = fàghere su putu; sa mama de funtana = zenia de fémina fata a pessamentu, a zisa de sa mama de su sole, pro fàghere a timire sos pisedhos; funtana sansa = mígia de àcua minerali; fai una funtanedha in sa farra = fàghere unu fossighedhu pro bi poder betare cosa impastendhe Frasi in cuss'ata de roca bi essit una bella funtana de abba ◊ bi at funtanas chi bundhant abba a cora totu s'annu e àteras chi si che sicant in istiu 2. si nc'est ghetau a funtana ◊ s'àcua dha piscaus de funtana cun sa cracira ◊ cussa teniat gana de istudiai cantu ndi tenia dèu de mi nci ghetai a funtana! ◊ a piciochedhu m'iant portau a bogai funtana in su sartu (F.Secci) 3. che funtana mi bundhant sos ojos ◊ is làgrimas calant in is trempas che funtanedhas de arriu Terminologia scientifica slg. Etimo ltn. fontana Traduzioni Francese source, fontaine Inglese spring, fountain Spagnolo fuente, manantial (m) Italiano sorgènte, fontana Tedesco Quelle, Brunnen.

fantasía , nf Definizione abbilesa de pentzare, de immaginare cosas chi no si agatant, chi no funt, cosas diferentes de is chi si connoschent Sinonimi e contrari inventiva, pantasia Frasi ite chircas, mente mia, chi ses tantu fastizosa, sempre bolendhe prenetosa cun s'alada fantasia? ◊ tengu alliongiaus apari bisus e fantasias ◊ sa mente truncat sa trobea de sa rejone e pesat bolu peri sos chelos de sa fantasia ◊ s'ómine chentza fantasia est che unu frascu segau! Etimo itl. Traduzioni Francese imagination Inglese fantasy Spagnolo fantasía Italiano fantasìa Tedesco Phantasie.

fantàsima, fantàsimu , nf, nm Definizione un'èssere pentzau coment'e cosa chi faet a tímere; calecuna cosa chi no faet a bíere bene e chi faet a tímere Sinonimi e contrari mantama, mantuma, pantama*, papàntule, pupurru / puba, úmbara Frasi fit ancora sa mente in su mamentu chi apenas fit presente isparessiat, ammentu de fantàsimos e caras (S.Baldino)◊ cudhu bandhidu fit coment'e unu fantàsimu Traduzioni Francese fantôme Inglese ghost Spagnolo fantasma Italiano fantasma Tedesco Gespenst, Hirngespinst.

fantasiósu , agt Definizione de sa fantasia, chi pertocat sa fantasia, chi est fatu a fantasia, pentzau, immaginau; chi paret cosa de fantasia de cantu est bellu, ispantosu Sinonimi e contrari ispantosu, meravizosu, pantasiosu Etimo itl. Traduzioni Francese qui a beaucoup d'imagination, fantastique Inglese fanciful Spagnolo fantasioso Italiano fantasióso, fantàstico Tedesco phantastisch.

fantàsticu , agt Definizione de sa fantasia; chi est ispantosu, bellu meda, meravigliosu Sinonimi e contrari istravanau, meravizosu Etimo itl. fantastico.

fantelícu, fantellícu fantallícu

fantería , nf Definizione is sordaos a pei, in s'esércitu.

fanteriài , vrb: afateriai*, fateriae, fateriai, fateriare Definizione istare faendho calecuna cosa, a su faghe faghe, torrandho a fàere, nau siat po su mannu chi cricat de fàere calecuna cosa de giudu e siat po su piticu chi faet cosas giogandho Frasi sa fémina est fanteriendi po aprontai sa cena ◊ fait e fatériat totu issu: no bollit a nisciunus!◊ fae e fatéria su ci ti paret!

fanteriàsa , nf Sinonimi e contrari grabbella, mantedhàdile, passariàngia, pitigrussa, pitilongu, sinnora Terminologia scientifica pzn, lanius senator badius.

fanteriàu , pps, agt Definizione de fanteriai; afateriau, chi istat sèmpere faendho Sinonimi e contrari afainadu, infatzendhau Frasi su procu ndi bodhit totu de su fundu de su lachitu, cun barras allurpias, de s'orbescidroxu fanteriau a papai (E.Sanna).

fantíza, fantízu , nf, nm Definizione fastídiu mannu de dispraxere Sinonimi e contrari ifadu, ifestu Frasi a cussu malu issonu, su babbu lasseit andhare un'úrulu chi fagheit trèmere sa domo e sa mama iscancheit in utos a fantizos (P.Deledda) Etimo srd.