A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

làvra làbara

lavròdha , nf Definizione lavra grussa, manna Etimo srd.

lavronàre larbonàre

lavròne , nm Definizione terrenu aprontau po dhu arare Sinonimi e contrari nabroni*.

làvru làbru

làvru 1 làbara

lavrudhíu , agt Definizione chi portat lavras chi essint meda a denanti, murrudu; nau de ccn. po ofesa, chi est a murru bocau, primau.

lavrúdu labrúdu

làvura làbara

lazàra, lazàre , nf Definizione formighedha pitica, in colore de castàngia Sinonimi e contrari formica, formígula, lugiana 1 Terminologia scientifica crp.

lazarédhu , nm Definizione una genia de pane modhe grussu chi si faet po sa chida de domíniga de passionu (cida de Làzaru), coment'e acapiau a lobos de pasta etotu Terminologia scientifica pne.

lazaròla , nf Definizione genia de matighedha chi assimbígiat a su calàvrighe / l. de monte = (Sorbus aria), zenia de àrbure chi assemizat a sa superba (e a sa lazarola) e faghet una linna tosta meda Sinonimi e contrari zarola Terminologia scientifica mt, Crataegus azarolus Traduzioni Francese azerolier Inglese azarola tree Spagnolo acerolo Italiano lazzeruòlo Tedesco Azarole.

lazarólu , nm Definizione ozaloru, ma nau in sensu genéricu de istrégiu Frasi lu faghet a bisura, su logu, cun cussos lazarolos brutos chi mi ndhe mintet in domo!…

lazaròne , nm Definizione chie si cumportat male meda, malebortzedidu, cane de istrégiu Sinonimi e contrari argamile, ascamile, mascatzone.

lazína , nf Definizione lazu de abba ludosa, madrina, ludrura.

làzu , nm Definizione abba apaulada, nau fintzes de abba meda in terra aintru de domo, isciustura manna, madrina Sinonimi e contrari lacuedha, lacuina, lagazu, ludrina, paule Frasi fróbbiche custu lazu de abba chi as fatu in su pamentu! ◊ in dogni logu si formant iscolos formendhe lazos, trainos, rizolos (P.Sulis) 2. tessimus mizas de chistiones chena lòmpere a puntos de frimmesa ca intro de su lazu 'e sa brutesa bi lograt su fior'e sas persones (F.Dedola) Etimo cdh. laàggju Traduzioni Francese flaque Inglese puddle Spagnolo poza, charca Italiano guazzo Tedesco Lache, Pfütze.

lè , nf: lee Definizione pàgia de fae, de pisu, tega chentza granu Terminologia scientifica rbr.

lè 1 , nf: lege, lei 1, leze Definizione régula, norma connota o chi at istabbiliu sa gente, oe prus che àteru est cosa chi decidit e iscriet s'autoridade chi guvernat su logu, mescamente is organísimos eletivos chi tenent coment'e impreu principale cussu de regulare su cumportamentu de sa natzione, de istabbilire diritos e doveres de citadinos e de sótzios o impresas, ite si podet o si depet o no si podet fàere; fenómenu o fata naturale chi no fadhit, chi est o faet sèmpere de sa matessi manera, cussa chi s'isciéntzia analizat e ammostat cun precisione e métidu matemàticu, e chi po cussu etotu, una borta iscobertu e giadas unas cantu cunditziones, si ndhe podet ischire innanti s'arresurtau; a logos, costuma, prus che àteru cussa de giare, chie ndhe tenet, casu, petza o àteru a Paschighedha o a Pasca manna; a bortas si manígiat in su sensu de sa fortza púbblica, sa giustítzia, is carabbineris Sinonimi e contrari costuma, régula / cumandamentu Modi di dire csn: bogare una leze = fai, aprovai una lei; fàghere sa leze = arrispetai sa costuma, sa manera de fai de sa genti; fàghere su 'e sa leze = fai comenti narant is leis, pruscatotu candu unu circat su deretu cosa sua; atrupelliai is leis = apetigai, dispretziare sas lezes; sas lezes de Deus = lezes de natura e mescamente sos cumandhamentos de Sas Iscrituras; fai sa lei a manu de… = comente andhat bene a…, comente cheret ccn.; ghetai a unu a sa lei = cumbínchere a unu a fàghere su 'e sa leze, a si regulare cun sa leze; giúghere sa lei deavatu = zúghere sa zustíssia ifatu chirchendhe Frasi comenti dha poneis: ballit prus s'ómini o sa lei? ◊ est essida sa leze de no fumare in logu serradu ue bi at zente ◊ leges chi no bochint su delincuente bochint in sas intragnas s'innotzente, cun s'istruminzu! 2. est una leze chi calesisiat materiale cun s'aumentu de sa temperadura creschet de mannària 3. bi so andhadu pro fàghere sa leze, ma no bi creo ◊ oe apo cotu sa peta pro fàghere sa leze, ma no ndhe aia gana (G.Ruju) 4. si mi faghet cussa, deo andho a su pretore e fato su de sa leze! ◊ totu a manu tua non fatzu sa lei! ◊ bai e bàtia cussus pipius, assumancu dhus as a ghetai a sa lei cristiana! 5. a palte su giodhu, àteras istrinas, sas lezes, si faghiant a parentes e amigos in ocasione de festas impoltantes 6. si no abberides cramamus sa leze! Cognomi e Proverbi prb: leges medas pópulu míseru ◊ fàmine no at leze ◊ chie cumandhat faghet leze Etimo ltn. lege(m) Traduzioni Francese loi Inglese law Spagnolo ley Italiano légge Tedesco Gesetz.

lèa , nf: lei, rei 1 Definizione orrugu mannu e tostau de terra comente essit arandho (o marrandho) candho sa terra no est in sa méngius mota e mescamente si est terramíngiu de lugiana; orrughedhu de sàmbene cagiau / min. liutza; arrogai is leis = sleorai, iscrevare Sinonimi e contrari bàldile, cheba*, ibbàldula, léura, liutza / gepa Frasi su ranu, semenendhe, brincaiat in sa lea pariat biu ◊ in s'aróngiu tocat a isciasciari sa lea Traduzioni Francese motte Inglese clod Spagnolo terrón Italiano zòlla Tedesco Scholle.

leàda , nf: alleata, leata Definizione su pigare; puntu o tretu ue si pigat calecuna cosa; sa cora in su tretu ue s'iscassat e si leat s'abba de un'erriu po dh'intrare a unu possessu; surcu maistu, su chi in is aròngios arregollet s'abba de is surcos abbàrgios; una parte manna de unu logu, de unu sartu, de prus a mancu su territóriu de is sitos acanta de pare; manera de fàere Sinonimi e contrari aferrada, picada 2 / cassiadorju, lavadoja, liadroxu, tenidórgiu, sciogadroxu / bandha, filada, iscroca, trechinzu | ctr. lassada Modi di dire csn: sa l. de s'abba, de sa currente, de su gasu; fàghere sa leada = iscassiare s'abba, pònnere o fàghere su netzessàriu pro pòdere leare carchi cosa; leada in giru = búglia; sos de sa l. = is chi bivint in bixinau, is chi tenint terras acanta 2. fia abbendhe s'ortu e mi est mancada s'abba ca mi che l'ant segada in sa leada 3. ancora vives cun sa tasca a pala girendhe in die bona, in die mala sa tanca, sa cussorza, sa leada ◊ Pàulu e Bàrnaba fint in ziru preighendhe e sa peràula de Deus s'isparghiat in totu sa leada ◊ s'olia est a leadas, ocannu 4. cussu faghet sas leadas de sa muninca! Etimo srd. Traduzioni Francese prise Inglese zone, plug Spagnolo toma, zona Italiano présa, allàccio, zòna Tedesco Griff, Zone.