A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

salòne, salòni , nm Definizione camerone, logu fraigau a bisura de aposentu mannu Sinonimi e contrari camarone Terminologia scientifica dmo.

salòtu , nm Sinonimi e contrari saba 1.

sàlsu , agt, nm Definizione chi portat sale; su sabore de su sale, su sale de s'abba de mare e de àteras abbas salamatas Sinonimi e contrari salidúmini / ttrs. sarumu Etimo ltn. salsus Traduzioni Francese salinité Inglese saltiness Spagnolo salinidad, salobridad Italiano salsèdine Tedesco Salzigkeit, Salz.

saltafóssu , nm Definizione carrotza tirada a cuadhu po ingòllere gente Etimo itl. saltafossi.

saltài , vrb: saltare, saltiare, sartai, sartare, sartiae, sartiai, sartiare Definizione su si pesare in artu, fàere brínchidos (fintzes po che passare a s'àtera bandha de calecuna cosa o tretu); su si pesare in artu de comente una cosa atumbat a logu tostau, o a terra; foedhandho de animales mascos, artzare a pitzu de sa fémina po dh'improssimare Sinonimi e contrari brincae, essire, giancai, rebbotiare, sadhigai / ciúghere Modi di dire csn: sartai su coru, is ogus = essire o rúere o fagher rúere a terra su coro, sos ogros, pàrrere chi ndh'est essindhe su coro, sos ogros; sartiare su logu a unu = andaisindi, bessirinci debressi, currendi, a sàrtidu; su ballu sartiau = dillu, dènnaru, arrosciada Frasi sos pitzinnos fughiant sartiandhe su muru ◊ andha, sàltia, curre, ajó, ajó! ◊ su muru de sa corte che crabolu, malannu, già l'ischiat saltiare! ◊ sériu fuit su manzanu chi faghiat praghere a cúrrere e sartiae 2. a chini tenit feli ndi dhi sartit su coru! ◊ pariat chi mi ndi fiat sartiau su coru a foras! (A.Garau)◊ chi dhi giau una sciarrocada de martedhu a conca ndi dhi fatzu sartiai is ciorbedhus ◊ sigomente commo cummandho deo, sartammi su logu! ◊ sàltiami su logu! 3. su trau at sartiadu sas tràilas, su mascru at sàrtiat sas berbeghes, su pudhu at saltiadu una pudha ◊ su porcarzu at fatu sartiare una sue Etimo ltn. saltare Traduzioni Francese sauter, monter Inglese to jump, to mount Spagnolo saltar, montar Italiano saltare, montare Tedesco springen, bespringen.

saltàina , nf: sartàghina, sartàghine, sartàgnia, sartaina, sartàina, sartàine, sartàini, sartània Definizione genia de istrégiu largu a costaos bàscios e apertos, a un'asa, po còere (ma mescamente fríere) cosa / min. sartainedha, sartainedhu, sartaniedha; pesàresi che oxu in sartàina = furriàresi cràdios, cun arrennegu; mariasartàine = parapunta, ispadaluchente, sennoredha (bobboi, genia de tzuga manna) Sinonimi e contrari càcaba, cardera, fressonera, grassonera, ischiscionera Frasi in cuchina bi teniat turudhas, sartàghinas, copertores, lapioledhos e àteros cracajolos ◊ po mei podit fai pingiadas e sartànias, su tiau! ◊ s'at cotu chibudha cun os in sa sartainedha ◊ sa sartàina de arrustiri castàngia est totu istampada ◊ istaniada mi dh'eis sa sartainedha? 2. si funt pesaos che oxu in sartàina e ante fatu s'isciòpero generale Terminologia scientifica stz Etimo ltn. sartagine(m) Traduzioni Francese poêle Inglese frying pan Spagnolo sartén Italiano padèlla Tedesco Pfanne.

saltainàda , nf: sartaniada Definizione cropu giau cun sa sartàina; su tanti de cosa chi cabet (a còere) in sa sartàina Etimo srd.

saltàlzu , nm: sartarzu Definizione chie trebballat in su sartu, in campu Sinonimi e contrari campagnitu, sartaresu | ctr. bidharesu Frasi tzírriant àteros zòvanos, operajos e zoronaderis, ischentes, disocupados e saltalzos (A.Cossu)◊ su sartarzu est istracu, pustis de una die de tribàgliu ◊ fut raru su saltalzu chi essiat a fora de bidha chena iscurtare sa missa sa domíniga Etimo srd. Traduzioni Francese campagnard Inglese peasant Spagnolo campesino Italiano campagnòlo Tedesco Landmann.

saltànu , nm: assaltanu* Sinonimi e contrari abbolotu, agiàgaru, ispavúciu, ispràmminu, salarzu, trambullu Frasi catziendhe, paret su monte totu postu in saltanos e s'adhe in abbísciu (P.Casu).

saltàre saltài

saltarédhu , nm Definizione su gremixedhu chi faet in su casu martzu Sinonimi e contrari botabbota, giambaghe, ilbótigu, sartasarta Terminologia scientifica crp, piophila casei Etimo srd.

salteadòre , nm Definizione furone, chie est avesu a sa fura, acostumat a betare is farrancas a sa gente chi agatat po che dhi furare sa cosa Sinonimi e contrari arpiadori, arrapiante Etimo spn. Traduzioni Francese brigand Inglese brigand Spagnolo salteador, ladrón Italiano brigante Tedesco Räuber.

salteàre , vrb Definizione lòmpere a unu po che dhi furare sa cosa Sinonimi e contrari acometare, assachitzare, assaltiare, assaltizare, atacai Etimo spn. saltear.

saltiamúru , nm Definizione genia de giogu Frasi giogaimus a pípiris de nughe e de méndhula, a su saltiamuru, a sa chintada Etimo srd.

saltiàre saltài

saltiarèdha , nf Definizione genia de erba bona po cura de infetu in sa cudis o carre a parte de fora Terminologia scientifica rbc.

saltiavénu , nm Sinonimi e contrari fuisèssini, lantzinavenu, liscierba, schiligavenu, signurica Terminologia scientifica anra, chalcides chalcides Etimo srd.

sàltidu , nm: sàltiu, sàltziu, sàrtidu, sàrtiu, sartu, sàrtziu Definizione su si pesare de terra a cropu, de botu, fintzes movendhosi a un'ala po che passare a s'àtera parte de una cosa o tretu, su calare a cropu de logu artu a terra; foedhandho de animale mascu, su si che pònnere in pitzu de sa fémina po dh'improssimare; tretu coment'e in buidu tra duas cosas, genia de diferéntzia, de cambiamentu Sinonimi e contrari bótiu, brinche, brínchidu, brínchili, brincu, sàdhidu, sédhida / coberimentu Modi di dire csn: sàrtiu mortale = zenia de brincu chi faghent sos zogantes de logu artu a cucurummedhu a una o a tantas bias in s'ària e ruindhe ritzos; andai a sàrtidus = su contràriu de pàsidu, fintzas fàghere sa cosa a tretos; passàreche a sàrtiu tràigu = in su chistionu, lassai a pèrdiri calincuna cosa, sartaidha apostadamenti Frasi che bentu currias e a sàltios ti bidia (F.Sechi)◊ comenti bit unu margiani, su caboni tirat unu sàrtiu e nci àrtziat a una mata ◊ a sartu-rucra giampat muros, trainos e cresuras (L.Marteddu)◊ dae inoghe a cue brinco a sàltziu tundhu ◊ in tres sàrtzios si che ponet in sa punta de s'àrvore 2. su mascru petzi est faghindhe sàrtios, como chi sas berbeghes sunt in more Etimo srd. Traduzioni Francese saut Inglese jump Spagnolo salto Italiano salto Tedesco Sprung.

saltifàghere , vrb: satisfàghere, satisfai, soddisfai Definizione fàere o lassare bene cuntentos Sinonimi e contrari acuntentae, apagnai.

saltifasciòne, saltifassiòne , nf: santifassone, satisfassione, satisfatzione, satisfatzioni, soddisfassione, sodisfacione, sudisfatzione Definizione cuntentesa chi si provat po calecuna cosa andhada comente si boliat, in bonu Sinonimi e contrari acuntentamentu, astifascione, conciolu, contentu, istifascione, satisfamentu Frasi no mi dispacet fin'a chi li dia saltifascione ◊ at donau a genti meda sa satisfatzioni de biri pinturas e disignus ◊ candho est cotu a satisfassione si li abbundhat su sólitu latinu…◊ ti fato unu cantu ca mi as dadu satisfatzione Traduzioni Francese satisfaction Inglese satisfaction Spagnolo satisfacción Italiano soddisfazióne Tedesco Befriedigung.