A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

spedriàu , pps, agt Definizione de spedriai; nau de terrenu, chi dh'ant illimpiau, ndhe ant pinnigau sa pedra Sinonimi e contrari cdh. spitrichinatu.

spedritziài , vrb: ispeldisciare*, sperdiciai, sperdissiai, sperditziai Definizione perdimentare sa cosa, ispèndhere dinare chentza contu e chentza cabu, po nudha, po cosas chentza importu o pagu sérias; irmundhiare, distrúere cosa Sinonimi e contrari aperdimentare, burrusciare, desbaratare, distrúere, isbaire, ispazetare, ispèldere, istravuciare, sparafiai | ctr. collire, contivizare Frasi sa cosa prus giusta est de bíviri sena si privai de su chi serbit ma puru sena sperditziai ◊ issu no fut che cudhus chi si sperditziànt fintzas a s'úrtimu sodhu in divertimentus ◊ narasidhu a non dhu sperdiciai, su dinai!

spedritziàu , pps, agt, nm: isperditziau*, sperdiciau, sperdissiau Definizione de spedritziai; chi o chie distruet is benes, sa cosa, dha perdimentat chentza importu, chentza bisóngiu Sinonimi e contrari ibbaidore, ispennijolu, istrubberi, istruibbenes, sperdicieri, stragioni | ctr. aorradori, arreguadori, arrisparmiosu 2. furiat una fémina tropu spedritziada: dhi praxiat a comporai totu su chi dhi beniat a conca ◊ àteru dinai puru bollis, sperdiciau! ◊ ses papendu e bufendu a travessu cun is amigus, spedritziau! Traduzioni Francese gaspilleur Inglese spendthrift Spagnolo despilfarrador Italiano scialacquatóre Tedesco Verschwender.

spedrítziu , nm: isperdíciu*, sperdíssiu, sperdítziu Definizione su ispèndhere o pònnere cosa meda, tropu, chentza bisóngiu Sinonimi e contrari burrúsciu 1, dispéndiu, disperdíssiu, istrubberia, stràgiu / cdh. spaldítziu | ctr. avitu, rispàrmiu Frasi gei ndi faint de sperdítziu de dinai, cussus amministradoris!… ◊ tronu malu, oi soi donandumí a su sperdíssiu! ◊ oi biveus in tempus de sperdítziu Traduzioni Francese gaspillage Inglese waste Spagnolo derroche Italiano dispèndio Tedesco Aufwand, Verschwendung.

spédriu , agt: ispérdidu, spérdiu Definizione chi si ch'est ispérdiu, andhau male deunudotu (nau mescamente de òperas), lassau idorrúere coment'est su logu solu, chentza contivigiare, candho no dhue abbitat gente Sinonimi e contrari irbandhonadu, sderrutu, solu Frasi seu crésciu corriatzu che tiria in is costeras spédrias de su monti Traduzioni Francese perdu, isolé Inglese wild, secluded Spagnolo apartado, retirado Italiano selvàggio, sperduto Tedesco wild, weltverloren.

spégu , nm: ispéigu*, spéigu Definizione pegus mortu, pérdiu, ibbandhonau, mescamente su chi abbarrat de ossos e de pedhe Sinonimi e contrari carunza, cóntzica, iscórtigu, moltolzu Frasi innòi si pigat fragu de spéigu.

spegulài speculài

spegulàri , nm Definizione fai su s. = fàere totu su chi si podet, su possíbbile.

speigài, speigàre , vrb: ispeigai* Definizione bogare de fundhu, distrúere deunudotu, mòrrere, bochíere; fintzes istratallare, fàere istesiare Sinonimi e contrari arroinare, irmundhiare, ispedichinare / bocare 2. speigau dh'agatint!

speigràxu , agt: ispeigaxu* Definizione chi costumat a cricare pegos mortos, chi dhi praghent is mortòrgios po sa petza Sinonimi e contrari petaju.

spéigu spégu

spéli , agt: ispeli* Definizione nau de una genia de pane fatu de landhe impastau cun terra (troco).

spèlta , nf Definizione trigu farru Terminologia scientifica lrs, Triticum aestivum ssp. spelta.

spéltu , agt: spertu, spretu Definizione chi est abbistu meda, chi cumprendhet luego Sinonimi e contrari abbillu, abbistu, ischidadu, schidu Frasi oi ti biu spretu meda Etimo ctl., spn. despert, despierto Traduzioni Francese sagace Inglese astute Spagnolo sagaz Italiano sagace Tedesco scharfsinnig.

spèndi, spèndiri , vrb: ispèndhere* Definizione giare, impreare o pònnere a calecuna cosa, nau mescamente de dinare, de benes chistios, de fortzas e àteru, in càmbiu de calecuna àtera cosa o bene, po un'iscopu, po unu lúcuru, po torracontu, po comporare Sinonimi e contrari galtare | ctr. balanzare, introitare Frasi su vicàriu, fatzat una missixedha istrinta istrinta… de spendi pagu! ◊ si fut fata curai spendendu totu su dinai ◊ pagu spendit, pagu bufat, no che cudhus chi s'isperditziant fintzas s'úrtimu sodhu ◊ si andaus in logu de arbergu si spendit una perra de conca!

spéndinu , nm Sinonimi e contrari abbaeta, impanniada, pagnada, sproidórgiu Terminologia scientifica dmo.

spendirítzu , agt, nm Sinonimi e contrari ispendhidore, ispennijolu / cdh. spindaríciu Traduzioni Francese dépensier Inglese squandering, squanderer Spagnolo manirroto Italiano spenderéccio Tedesco verschwenderisch.

spéndiu , pps: ispéndhidu Definizione de spèndiri Sinonimi e contrari ispesu.

spéndula , nf: ispéndhula*, spíndua Definizione genia de tubbu, de cannone, ue essit abba calandho de artu a càntaru; tzurru mannu de abba chi essit de unu monte e fintzes una genia de iscrébigu, de iscabiossu, orroca arta de ue s'abba de un'erriu orruet a bàsciu Sinonimi e contrari istrampu, turràrgiu Frasi su pipiu si ndi andat acanta de sa spéndula po intendi su sciorrocu de s'àcua 2. as a biri una spéndula de luxi e is ogus e s'ànima ti at a iscrariai (S.A.Spano) Traduzioni Francese cascade Inglese waterfall Spagnolo cascada Italiano cascata Tedesco Wasserfall.

spendulài , vrb: ispinduai Definizione nau de abba, essire a tzurros, benare a forte, a ispéndula Sinonimi e contrari irrusciare, spiciurrai, tzurrai Etimo srd.