tortèsa , nf: trotesa Definizione
su èssere trotos, su dha pentzare a trotu, su abbetiare chentza arrexone; cosa pentzada o fata po male
Sinonimi e contrari
tortíghine,
tortiorja,
tortura
Frasi
po sa trotesa sua at fatu deasi!
Etimo
srd.
Traduzioni
Francese
sottise
Inglese
silliness
Spagnolo
estupidez
Italiano
stoltézza
Tedesco
Torheit.
tortía , nf Definizione su pecu de chie no bolet intèndhere arrexone Sinonimi e contrari dortidúdine, perronia, tortíghine, tostorrímine.
tortíghine , nm Definizione
manera de èssere o de fàere de unu, su èssere arrevèscios, trotos, malos, su no bòllere cunsiderare e ne fàere is cosas giustas e giare arrexone a chie dha tenet
Sinonimi e contrari
arrevesciori,
dortidúdine,
dortímine,
maldade,
travessura
| ctr.
giustidadi,
bonesa
Frasi
fachet su male, si ndhe acatat puru ma no l'atrogat: custu est tortíghine! ◊ candho bi at pessones de bona voluntade si podet adderetare calesisiat tortíghine
Etimo
srd.
Traduzioni
Francese
iniquité
Inglese
iniquity
Spagnolo
iniquidad
Italiano
iniquità
Tedesco
Ungerechtigkeit.
tortigiài , vrb: atrotoxai,
totorgiai,
tratoxai,
trotigiai,
trotixai,
trotoigare,
trotosare,
trotoxai Definizione
atrotigare, furriare, girare de longu una cosa, pruschetotu orrobba, fune, filos o cosas deasi, de no èssere prus a línia dereta, comente si faet filandho lana o àteru; fintzes mòvere a iscutuladura, fàere trebballare meda; furriare, tròchere a una parte / trotoxai un'istràciu isciustu = múrghere un'istratzu
Sinonimi e contrari
acaragollai,
acordiolai,
atrocillai,
folfigiare,
forrighitare,
profizare,
tontirgiai
/
ischirchinare
/
frànghere,
partare,
tòlchere
| ctr.
isprofizare,
istrotoigare
Modi di dire
csn:
trotoxai sa coa = fàghere sa coa coment'e a lórigas; trotoxai sa matza a unu = segai sa matza, dare ifadu meda; trotoxaisí de su dolori = ischirchinàresi de su dolore; trotoxaisí coment'e un'anguidha, coment'e unu coloru; persona trotoxara = furba, chi l'ischit longa
Frasi
s'argiau si totòrgiat istrumpau in terra ◊ est totorgendusí a caragolu ◊ no mi trotoxist su bràciu ca m'iscrescit!
2.
depias ari portau su sugru tortigiau che a su pei miu po biri ci ti fust framulau in domu!
3.
trotoxissí a custa parti!
Traduzioni
Francese
tortiller,
tordre
Inglese
to twist
Spagnolo
retorcer
Italiano
contòrcere,
ritòrcere,
attorcigliare
Tedesco
auswringen,
drehen.
tortígiu , nm Definizione movimentu de atrotogiamentu, su istare a su fúrria fúrria cambiandho posidura crocaos Sinonimi e contrari foscighinzu, tortóigu, totórgiu Frasi no dormis, ses peti a tortígius in su letu!
tortigliòne , nm: tortillone Definizione bentu chi si moet a molinadura / a t. = coment'e caragolu, profizadu: nadu de cannas de fusile, chi zughent sinzas a profizadura Sinonimi e contrari bulione, furione, molione, trumujone 2. aiat dadu unu fusile betzu càlibbru vinti a cannas a tortiglione ◊ mi leei unu fusile a tortillones e candho aia tempus andhaia cun sos canes in chirca de murones (A.Casula).
tortillài , nm Definizione unu chi tenet is ideas totu atrotigadas, in nudha craras, betadas apare, trotas Frasi ite totu mi tocat a colare chin custu tortillai de maridu!…
tortillàre , vrb Sinonimi e contrari atrotixai, forrighitare, profizare.
tortillòne tortigliòne
tortiòrja , nf Definizione su èssere trotos, tostorrudos Sinonimi e contrari tortesa, tortíghine Etimo srd.
tortirbértile, tortirvértis , avb Definizione andhare a t. = a biraorba, a biabbólica, a canacosta, a colobrinu, a egaseogas, faghindhe ghiroes Frasi mancari a tortirvertis che sont arribbaos a bidha.
tortistórtis , avb Definizione andhare t. = a s'istòntona istòntona, che unu imbriagu.
tortixàe tontirgiài
tortíxu , nm Definizione su tortixae, cosa tortixada / andae a tortixos = a egaseogas, a biraorba.
tortóigu , nm: trotóigu Definizione
móvia a iscutuladura, a furriadura; lobu de filu o àteru deasi a inghíriu de calecuna cosa; fintzes furriada de camminu
Sinonimi e contrari
totórgiu,
trogadura,
trogamentu
/
inghíriu
/
biabbólica,
biraorba,
cabagosta,
egaseogas,
giraolta
Frasi
de s'arrennegu fit a trotóigos che una colora ◊ est sighindhe sos tortóigos de sos rios ◊ in su caminu seo andhadu a trotóigu
Etimo
srd.
Traduzioni
Francese
spire
Inglese
coil
Spagnolo
espira
Italiano
spira
Tedesco
Windung.
tortojàre , vrb Definizione
múrghere is trastos, s'orrobba samunandho
Sinonimi e contrari
atipriare,
atriciare,
intortijare
Etimo
itl.
(at)tortigliare
Traduzioni
Francese
tordre,
essorer
Inglese
to squeeze,
to wring clothes (out)
Spagnolo
torcer
Italiano
sprèmere,
strizzare i panni
Tedesco
auswringen.
tortoviàre , vrb Sinonimi e contrari acordiolai, folfigiare, fortzicare, profizare, tortigiai | ctr. isprofizare Etimo srd.
tórtu tóltu
tórtu 1 , nm Definizione male chi si faghet a unu chi no ndhe at neghe o chentza chi dhue intret in sa chistione Etimo itl. torto.
tortuíne testaínu