A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

trarchía , nf: traschia, trascia, tríschia Definizione tempus malu meda, de abba forte, sighia, tragonaja de abba, nie, bentu totu impare; fintzes dannu, dirgràtzia, malasorte / ite traschia! = ita dannu! Sinonimi e contrari istrachia, librina, strasura / desacatu, digràtzia Frasi fit una die de iberru, s'àghera ingrisada prena de nues nighedhas pariat chi depiat iscadenare una traschia mala ◊ daghi isvanint sas últimas trascias de s'ierru, su sole mandhat piús calorias ◊ at afrontadu dogni trascia: ràndhine, abba, astrau, bedhia, nie russu, bentu ◊ est note de traschia: ruzidendhe múilat su bentu chi paret passendhe traigolzos ◊ sas tríschias de abba pariant cànnaos a pennuleri dae sas nughes de bambaghe (A.Pau) 2. bisonzat a parare fronte a totu sas traschias chi benint! ◊ li at arrivatu una tríschia de corfos de ramu, ispuntatas de pede e istuturratas ◊ fizu de mama ditzosa, de babbu s'allegria, mai ti lompat dannu, mai tenzas traschia! ◊ tue ses luna in sa traschia! Terminologia scientifica tpm Etimo ltn. thrascias Traduzioni Francese tempête, tourmente Inglese storm (snow) Spagnolo tormenta, vendaval Italiano bufèra, tempèsta, torménta Tedesco Sturm.

trarchiàrzu , nm: traschiarzu Definizione bentu fridu meda de travuntana, tempus malu, de traschia Terminologia scientifica tpm Etimo srd. Traduzioni Francese aquilon Inglese boreas Spagnolo cierzo Italiano rovàio Tedesco Nordwind.

traschía trarchía

tràschia , nf Definizione mància.

traschiàdu , pps, agt Definizione de traschiare e -are 1; chi dhi at fatu male sa traschia Sinonimi e contrari irfortunadu, mabassortau, malafadau, sciortunau | ctr. diciosu, bonu 2. pro sos betzos chi vivent in s'ammentu sunt medas sas dies traschiadas (M.L.Pisanu) Etimo srd.

traschiàre , vrb Definizione fàere traschia, distrúere sa cosa comente faet su tempus malu Frasi de tramuntana su gélidu bentu onzi pianta mala est traschiendhe (V.Sanna) Etimo srd.

traschiàre 1 , vrb Definizione fàere tràschias, màncias Sinonimi e contrari ammaciae, macrare, tacare Etimo srd.

traschiàrzu trarchiàrzu

traschillài , vrb: trischillai Definizione tocare a conca, furriare su crebedhu, ammachiare; alligrare a binu Sinonimi e contrari ammachiae, irbariare / inciarire, pischilliare Frasi ma nc'istupas de ingunis, petzu 'e tontu, ita ses, traschillendidiri?! (F.Inconis) 2. cussu portat su ciorbedhu traschillau, ghetendi perda a sa genti chi passat! ◊ dèu gei nau ca cussa est genti traschillara a conca!◊ sa bixina tenit una filla lègia e unu pagu traschillara de ciorbedhera ◊ su prus giovonedhu no fut abbituau a su binu e no ammancàt de si trischillai.

traschiòre , nm Sinonimi e contrari isentíghine Etimo srd.

traschiósu , agt Definizione nau de su tempus, chi faet a traschia, malu meda Frasi su chelu fit traschiosu de sa basca Etimo srd.

trascía trarchía

trasciàdu , agt Definizione nau de ccn., chi est fertu a traschiore, iscimpru Sinonimi e contrari bichillocu, innóchidu, ispistulonadu, listrone, scioncu, tontarrone | ctr. àbbili, abbistu, intelizente Etimo srd.

tràscina tràcina

trascúra , nf, nm: trascuru Definizione su pagu incuru in su fàere o po fàere is cosas, su lassare andhare is cosas a s'afaiu, a su chi ndhe arresurtat Sinonimi e contrari descuidu, discodiau, mindhafutia, trascuradesa, trascuràntzia, trascuronzu / scuntivíciu | ctr. contibizu Frasi pone su sonnu abbandha, ca in custa ocasione no bi cheret trascuru! ◊ sa trascura est cumpanza de sa mala ventura Etimo srd. Traduzioni Francese négligence Inglese negligence Spagnolo negligencia, dejadez Italiano trascuratézza, negligènza Tedesco Nachlässigkeit.

trascuradèsa , nf Definizione su èssere o fàere chentza incuru, cun pagu contivígiu Sinonimi e contrari trascura, trascuramentu | ctr. linghizu Traduzioni Francese négligence Inglese oversight Spagnolo negligencia, dejadez Italiano trascuratàggine Tedesco Nachlässigkeit.

trascuràdu , pps, agt: trascuratu Definizione de trascurare; chi no tenet incuru, no giaet cura Sinonimi e contrari discodiau, discoidosu | ctr. apidinadu, contipizosu 2. custu fit un'ómine chi no aiat nudha de trascuradu Traduzioni Francese négligent Inglese negligent, neglected Spagnolo negligente Italiano negligènte Tedesco nachlässig.

trascurài , vrb: trascurare Definizione pigare is cosas a pagu incuru Sinonimi e contrari discodiare, iscabidare | ctr. atèndhere, contifizare, giacurare.

trascuraméntu , nm Definizione su trascurare Sinonimi e contrari trascura, trascuradesa, trascuronzu Frasi portat grandu dannu su trascuramentu! Etimo srd.

trascurància, trascuràntzia , nf Definizione su pigare is cosas a pagu incuru, su lassare is cosas a comente bolent andhare Sinonimi e contrari abbandhonu, descuidu, disamparu, scabudu, scoidu, trascura, trascuradesa, trascuronzu | ctr. coidade, contibizu, presse Frasi dezis piànghere cun làgrimas de fogu sa trascuràntzia de custu consizu! Traduzioni Francese incurie, laisser-aller Inglese carelessness Spagnolo incuria, desidia Italiano incùria Tedesco Sorglosigkeit.