A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

trantzilléri, trantzillóru transilléri

trantzíre, trantzíri trancíre

trantzíri 1 transíre

trantzíu transíu

tranviéri , nm Definizione chie trebballat in o cun is tranvios.

tranvíu , nm Sinonimi e contrari tram.

traócu , nm, nf: trauca, traucu Definizione una segada a bisura de ogu in s'orrobba cun s'inghíriu orrollau cun filu po intrare unu butone o una limeta, in bestimentu; nau in cobertantza, segada fata cun aina segante e puntuda Sinonimi e contrari ageta, bachíglia, baga, oghedhu, sisa, trabu, traca Frasi at postu su dischente a fàghere sos traucos e a ifretzire 2. si agatat a calicunu conchedha che a isse etotu li faghet carchi traucu a lepa! Etimo ctl. trauc Traduzioni Francese boutonnière Inglese buttonhole Spagnolo ojal Italiano occhièllo, àsola Tedesco Knopfloch.

tràpa , nf Definizione apertura chi si faet in is teuladas po intrare lughe e pruschetotu in is intaulaos po pòdere andhare a su bàsciu o a su sostro (de serrare o apèrrere coment'e una porta cuadrada a tapu, in paris); genia de ferrada chi tupat is tumbinos de is orrugas a manera de lassare intrare s'abba próina; segada puru Sinonimi e contrari caderata / abberta, trapada Frasi agatat sa trapa, l'abberit e che falat in sas iscalinas ◊ pro falare a sa cantina bi est sa trapa ◊ andhat a batire vinu e ndhe rughet in sa trapa ◊ sa pitzinna ascurtaiat sos contos dae sa trapedha de su taulatu 2. sa ballina mi ch'est ruta in su tumbinu: amus alciadu sa trapa e ndhe l'amus bogada 3. punghes e lassas in su coro addoloridu de puntas e trapas sa peuta (A.Porchedhu) Etimo ctl. trapa Traduzioni Francese trappe Inglese trapdoor Spagnolo trampa Italiano bòtola Tedesco Bodenluke.

tràpa 1 , nf Definizione genia de pigione chi faet su niu in terra in mesu de is laores Sinonimi e contrari atapadita, piatarita Frasi agatei unu nidu de trapa chi fit ciochendhe sos chimbe os minoredhos in colore de chixina e randhinados ◊ sa prendha chi mi faghiat piús dícia fit candho agataia in terra unu nidu de trapa (P.Fogaritzu) Terminologia scientifica pzn.

tràpa 2 , nf Definizione pértiga furada, pértiga ciurpa, canna de bide chi si interrat a betare arraighinas chentza che dha segare de su fundhu Frasi sa trapa si mullit e s'interrat, ma bollit de corina, no pértia de frutu!

trapacería , nf: trapasseria Definizione su èssere o fàere su trapasseri Sinonimi e contrari faltzidúdine, ingànniu, trapassa | ctr. sincheresa, singillidadi Frasi de su coro benit sa malesa, is afancedhaduras, sa trapaceria Etimo spn. trapacería.

trapàda , nf Definizione su trapare; segada o tzacada chi si faet e gurtedhu apostadamente a s'olia de cunfetu po dha pònnere a indrucare impresse, o chi si faet a sola in cosas tostadas, comente sicant o àteru (es. fintzes in sa carre, in sa pedhe po su fritu) Sinonimi e contrari calpida, secada, tachedhada, trapadura, trapu Frasi a s'olia de cufetu si li faghet unas bàtoro trapadas e si ponet a modhe in abba a indurcare Etimo srd. Traduzioni Francese incision Inglese incision Spagnolo incisión Italiano incisióne, intàglio Tedesco Einschnitt.

trapadígliu, trapadíllu , nm: traparígliu Definizione ispétzia de trebballu trapau chi faent is féminas in sa tela / a t. = fatu trapau Frasi si est posta a recramare unu trapadillu a bentallos, totu a punta de acu ◊ pro su príntzipe ant fatu fàghere una camisa a trapadígliu Etimo spn. trepado.

trapàdu , pps, agt Definizione de trapare; chi portat trapadas, apertas, segadas (prus che àteru piticas) Sinonimi e contrari isgrenadu 2. zuto sas laras trapadas de sa frebba ◊ sas manos sunt totu trapadas de su fritu, parent unu ratagasu!

trapadúra , nf Definizione su trapare; su trapai; genia de segada, de aperta, de istampu, fintzes puntu de ricamu (t. a àrgias, a culurgionedhos, de filei a naischedhas, a s'ingresa) Sinonimi e contrari secada, trapada / istampadura Frasi zughet sos pes insambentados dae sas trapaduras de sos zelones Etimo ctl. trepadura Traduzioni Francese fente, coupure Inglese notch, piercing Spagnolo incisión, agujero Italiano incisióne, strafóro Tedesco Einschnitt, Bohrung.

trapài , vrb: trapari Definizione istampare, fàere totu a istampos de una parte a s'àtera, passare de parte in parte Sinonimi e contrari istampai, trabbanare Etimo ctl. trapar Traduzioni Francese percer, forer, cribler Inglese to drill Spagnolo taladrar, acribillar Italiano trapanare, straforare, crivellare Tedesco durchbohren.

trapajòni trabajòni

trapanadòre, trapanadòri , agt, nm Definizione chi o chie faet trapanaduras.

trapanadúra , nf Definizione su trapanare, su trebballare a trapante Traduzioni Francese forage, perçage, trépanation Inglese drilling Spagnolo taladrado Italiano trapanazióne Tedesco Durchbohrung.

trapanài, trapanàre , vrb Definizione istampare a trapante Sinonimi e contrari trabbanare, trapai.