Ditzionàriu in línia
de sa limba e de sa cultura sarda

acriminài, acriminàre , vrb: criminai Definizione betare is neghes, sa curpa, cricare a unu po su dannu chi at fatu Sinonimi e contrari acajonare, acrupai, acusai, ifartare, imputai, incrupai Frasi no cherzo acriminare sos unos piús de sos àteros Etimo srd. Traduzioni Francese incriminer, inculper Inglese to incriminate Spagnolo imputar Italiano incriminare Tedesco anklagen.

acrisolài, acrisolàre , vrb: crisolai Definizione passare o fàere iscagiare (is metallos) in su crisolu Etimo spn. acrisolar Traduzioni Francese mijoter Inglese to simmer Spagnolo acrisolar Italiano crogiolare Tedesco schmoren, schmelzen.

acristài, acristàre , vrb: aggristare Definizione acostire o abbasciare is cristas coment'e cambiandho bisura po calecuna cosa chi no andhat o no praghet Sinonimi e contrari achizare, inchigiare, inchizire, incilliri, increstare Etimo srd. Traduzioni Francese se renfrogner Inglese to frown Spagnolo fruncirarrugar el ceño Italiano aggrondarsi Tedesco runzeln.

acroconài, acroconàre , vrb Definizione pigare crocone, arrennegu, dispraxere / acroconàresi de un'idea = incaschetare, tzacaresiche un'idea frimma in conca Sinonimi e contrari arrampedhai / abbetiae, afutare, airai, arrabbiai, arragiolire, arrannegai, inchibberare, inchietae, inchighiristai, inchimerai, infelai, infuterare, renignai Etimo srd. Traduzioni Francese s'obstiner, se mettre en colère Inglese to get angry, to become obstinate Spagnolo enfadarse, emperrarse Italiano incaparbire, arrabbiare Tedesco eigensinnig werden, zornig werden.

acrodhàre , vrb: aggradhare 1, aggrodhare Definizione intanare, cuare comente faet su grodhe, su margiane, ibertandho a furare ccn. cosa, abbasciare, su si pònnere abbasciaos coment’e po no si fàere a bíere Sinonimi e contrari abbuare, acuae, ammacionai, apatai, atanai Frasi si acrodhaiat in d-un'istrintorzu, betaiat sa sanna de su rú a s'anzone colendhe e che lu tiraiat ◊ si est acrodhadu acurtzu a una mata de chessa a fàghere de bisonzu Etimo srd. Traduzioni Francese se terrer, être aux aguets Inglese to go back to one's den, to lie in wait Spagnolo esconderse, estar alen acecho Italiano rintanarsi, stare in agguato Tedesco sich verkriechen, auf der Lauer liegen.

acrostài , vrb Definizione fàere sa crosta a is papares po chi essant orrúbios, coment’e orrostios a fora Sinonimi e contrari arrubiai, incrostai Etimo srd. Traduzioni Francese rissoler Inglese to brown Spagnolo dorar, saltear Italiano rosolare Tedesco anbraten.

acrupài , vrb: acurpai, crupai* Definizione betare a ccn. is curpas o giare sa neghe de calecuna fata de malu Sinonimi e contrari acriminai, acusai, imputai, incausai, incrupai Frasi acurpaus isceti is àterus ◊ totu pagat s'acrupau, fintzas su chi ant fatu is àterus Traduzioni Francese inculper Inglese to accuse Spagnolo culpar Italiano incolpare Tedesco beschuldigen.

acuadhigài , vrb Definizione pònnere subràbare (es. is cambas), cicire a cuadhu Sinonimi e contrari acabadhare, imperrai, incadhare Etimo srd. Traduzioni Francese croiser Inglese to overlap Spagnolo cruzar, montar a caballo Italiano accavallare Tedesco übereinanderlegen.

acuàe , vrb: acuai 1, acuare, cuai Definizione pònnere o fàere cosa a manera chi nemos dha potzat bíere e ne ischire nudha Sinonimi e contrari abbuare, acucai, afufai, apaltare, apatai, cuerrai, imbusare, impertusare, intuzare, istichire, tudai | ctr. ammostai, essire Frasi sas anades si sunt acuadas suta de s'abba candho ant intesu su fragassu ◊ sa luna si est acuada in palas de una nui ◊ tanti no dha isciu sa cosa, mancai mi dh'acuis!…◊ po nosi acuare nosi poneus su fachile in cara Etimo srd. Traduzioni Francese cacher Inglese to hide Spagnolo esconder Italiano nascóndere Tedesco verstecken.

acuartierài , vrb Sinonimi e contrari allogiai, aposentae Traduzioni Francese cantonner (mil.) Inglese to quarter Spagnolo acuartelar Italiano acquartierare Tedesco einquartieren.

acubàre , vrb Definizione fàere che cuba, ufrau de s'arrennegu, de su tzacu Sinonimi e contrari abbrodhiare, abbrufulai, abbuscinare, acasidhare, ammussolai, amprudhiare, annicare, annozare, atrafudhai, pirmare, strugnai Etimo srd. Traduzioni Francese se gonfler de colère Inglese to swell-with-rage Spagnolo hervir de ira Italiano gonfiarsi di ràbbia Tedesco böse werden.

acucài , vrb: acucare 1 Definizione coment'e cuare, partare sa conca (cuca), nau in su sensu de si cuare o carragiare fintzes cun totu sa carena, fintzes po si aprigare o pònnere asuta in calecunu logu candho est proendho o faendho àteru tempus malu (acucare a logos nau in su sensu de si incarare) Sinonimi e contrari aciunciulire, acoconare, aconcolai, acuconare, acuculiare / abbuare, afufai, ammacionai, apaltare, apatai, cuerrai, frànghere, istichire | ctr. essire Frasi canno l'intenniat a órulos, si acucaiat in d-unu corrale ◊ in su cozolu su piús asciutu mi acuco in su cabbanu ◊ geo mi acucaia in d-unu corrale tupànnemi sas oricras ◊ fit acucadu, coment'e sempre, addaisegus de calchi logu 2. dogni tantu mi acucai a sa gianna aisetandhe cudhu tedescu 3. si est acucadu dae s'abba Etimo srd. Traduzioni Francese se blottir Inglese to crouch, to protect oneself Spagnolo agazaparse, refugiarse Italiano accovacciarsi, ripararsi Tedesco sich zusammenkauern, Zuflucht suchen.

acuciài , vrb: acussai, acutare, acutzai, acutzari, agusciai, agussai, agutzai Definizione nau de una ferramenta, de un'aina chi serbit a segare o púnghere, fàere prus segante, bogare s'atza, sa punta; nau de un'animale, pònnere contr'a ccn. o contr'a calecuna cosa, atzitzare; si narat fintzes in su sensu de lòmpere de unu frutuàriu / acutzai un'orbada = mazare un'arbada; acutare unu cane = inciulai unu cani Sinonimi e contrari apunciudae, apuntare, arrodai 1, immolare / aciopai, aggussire, auntzare, incidai, inciulai, intzullire, ubetzare | ctr. irmarrare, ispuntai / asseliare Frasi si funt postus in sa costa de sa funtana po acuciai is gortedhus ◊ e innoi dha tèngiu sa pedra de acutzai? ◊ tanti no est acussa sa càvana mia… soi deretu de dh'acussai! ◊ issa fit sempre inie, corrocorrò, batínneli sa pedra de acutare o pedínneli unu lominu pro atzènnere su fogu 2. dh'iat agusciau is canis e dh'iat fatu mussiai bèni bèni… 3. candu acutzat sa figu, su formentu a mindigu Etimo ltn. acutiare Traduzioni Francese appointer Inglese to sharpen Spagnolo aguzar Italiano acuminare Tedesco zuspitzen.

acuconàre , vrb Definizione pònnere coment'e fatu a cocone, a cumossu, fintzes cuau Sinonimi e contrari aciunciulire, acoconare, aconcolai, acucai, acuculiare, acuculiedhare, acucunniare 2. cussos pecos sont acuconaos dae su fritu apozaos inue bi at concale o corcadorza ◊ candho benit isprazas avrosas si apozat acuconau in palas de unu crastu ◊ su tuturreri dormit acuconau Etimo srd. Traduzioni Francese s'accroupir Inglese to squat Spagnolo ponerse en cuclillas Italiano accoccolare Tedesco sich zusammenkauern.

acucuài , vrb: acucurae, acucurai, acucurare, acucurari, acucurrare, acugurrai, acugurrare Definizione prènnere un'istrégiu apitzu de is oros, a cúcuru (o a cucurru), ponendho prus de su chi cabet a oros; prènnere sa tita de late (nau de is animales féminas chi depent angiare) e fintzes acostire sa terra a ccn. cosa prantada, su si ammuntonare de sa gente chi acudit a unu logu; pònnere in cúcuru (nau de su giuale a is boes) Sinonimi e contrari acolumare, acucurrumedhare, afucurare / acuguciai / giúnghere / maltzire, marcitai | ctr. bocare, iscucurai, leai Frasi no cumprendu comenti apat pótziu acugurrai tanti dinai ◊ bi at logu chi sa mesura la faghent a oros, medindhe, e àteros ue l'acucurrant ◊ teniat dus canistedhus acucuraus de figu sicada 2. sas berbeghes sunt acucurrendhe ca lis cheret pagu pro anzare ◊ s'aera est acucurrendhe, acucurrendhe: s'imbucat a pròere, ndhe faghet de abba!… 3. at acucurau sa terra a sa patata ◊ totu sa genti de s'arruga si est acugurrada de is tzérrius chi apu ghetau! ◊ candu passant is isposus, sa genti, po dhus biri, at a èssi acugurrada me is ispuntonis ◊ poita ti acugurras a su petus miu? 4. mi leo su zuale e sos loros ca depo acucurrare sos boes ◊ sos basones, intantu, a custu puntu ognunu betat giuale a su giú sou e l'acucurrat a sa pedra, a triulare Etimo srd. Traduzioni Francese combler Inglese to overfill Spagnolo hacer rebosar Italiano riempire óltre i bórdi Tedesco überfüllen.

acuculiàre , vrb Definizione ponnere coment'e acuguciaus, coment'e cuaos, pònnere in s'acoiladórgiu, in s'acúliu Sinonimi e contrari aciunciulire, acoconare, aconcolai, acucai, acuconare, acuculiedhare, acucunniare, aculigionai Etimo srd. Traduzioni Francese s'accroupir Inglese to crouch (down) Spagnolo ponerse en cuclillas Italiano accoccolarsi Tedesco sich zusammenkauern.

acuculiàre 1 , vrb Definizione torrare a sa cuculia, bènnere in bisóngiu, essire pòberos Sinonimi e contrari ammiserae | ctr. irrichire Etimo srd. Traduzioni Francese appauvrir Inglese to impoverish Spagnolo empobrecer Italiano immiserirsi, impoverirsi Tedesco verelenden, verarmen.

acucullài, acuculliàre , vrb: acuguliare Definizione pònnere totu acuguciau, carragiau in conca cun ccn. cosa Sinonimi e contrari acapuciai, acubudhare, acuguciai, acugudhai, incugudhai Frasi sa criadura si acugúliat in su petus de sa mama ◊ at acuculliadu bene sa pisedha e che l'at torrada a domo de sa mama Etimo srd. Traduzioni Francese emmitoufler Inglese to muffle up Spagnolo arrebujar, arropar Italiano imbacuccare Tedesco einhüllen.

acuguciài , vrb: acugusciari, acugutzai Definizione ammontare sa conca cun cugudhu o àteru, carragiare deunudotu, fintzes cuare; rfl. èssere in s’ibertu de calecuna cosa, apitare, acostire in s’idea de dhi giare cosa Sinonimi e contrari acapuciai, acubudhare, acucullai, acucutare, acugudhai, acurruxonai, incugudhai Frasi est noti de frius, noti de cilixia: trista e sola pipia si acugúciat in foras ◊ si est acuguciau in su letu, no biemu nudha! ◊ si no ti acugúscias ti fait mali, ca est fendi frius ◊ cudh'ómine si est acugutzau in su crucuzone prus cuau e si est ammuntau 2. no ti acugucis ca tanti no est cosa po tui! ◊ si fiat acugucendi, candu at biu ca dhoi fiat cosa Etimo srd. Traduzioni Francese encapuchonner Inglese to put a hood on Spagnolo encapuchar Italiano incappucciare Tedesco mit einer Kapuze, bedeckt.

acugudhài, acugudhàre , vrb: cugudhare Definizione pònnere su cugudhu, betare cosa in conca a cugudhu Sinonimi e contrari acabbanai, acubudhare, acucullai, acucutare, acuguciai, incugudhai | ctr. iscugutare Frasi sas féminas si acugudhant sa fardeta (su fardeghinu) in conca Etimo srd. Traduzioni Francese encapuchonner Inglese to hood Spagnolo encapuchar Italiano incappucciare Tedesco eine Kapuze aufsetzen.