Legenda Abbreviazioni | Legenda Simboli

nesíre , vrb: niscire, nisire, nisiri, nissire Definizione sonare su nare, su nasu, innisire su mucu Sinonimi e contrari inniscire, ischisciare, ischiscire, mucai, sinire Frasi nesíresi su nasu ◊ sos mucadoredhos sunt fatos pro nisire ◊ nísidi su mucu! Etimo srd. Traduzioni Francese se moucher Inglese to blow one's nose Spagnolo sonarse, limpiarse las narices Italiano soffiarsi il naso Tedesco sich schneuzen, sich die Nase putzen.

netàre , vrb: netiare Definizione fàere netu, illimpiare Sinonimi e contrari innetare, pulire | ctr. allodrigai, imbrutai Frasi sa mama, netendhe sa persone, a sos ninnos lis dat basos e consizos Etimo itl. nettare Traduzioni Francese nettoyer Inglese to clean Spagnolo limpiar Italiano pulire Tedesco putzen, saubermachen.

niàe, niài , vrb: niare, niari, nibare, nivare Definizione betare o fàere nie, froca / 3ˆp. sing. cong. pres. niet (= niet de nàrrere puru) Sinonimi e contrari fiocare, solai, tadhainare Modi di dire csn: nàrrerendhe cantu proet e nivat, a ccn. = pònnerendhe male meda; nivare a minuzu = betare frochita minuda; nianno a podere = frochendhe aira, cràdiu, a froca carca Frasi est niendhe e ponet pizu puru ca est fritu meda ◊ custu iberru, at cumintzau a nibare no la finiat prus! ◊ ocannu at niadu pagu ◊ sa die aviat nivau meda e bi fit su nive in totuve ◊ custus annus no at niau nudha 2. sas pentzimmalas a Caterina ndhe li aviant nau cantu proet e nivat! Terminologia scientifica tpm Etimo ltn. nivare Traduzioni Francese neiger Inglese to snow Spagnolo nevar Italiano nevicare Tedesco schneien

nichelàre , vrb: nighelare Definizione podet bòllere nàrrere css. cosa chi in su mamentu (e in sa lestresa de su foedhare) no benit a mente o no s'ischit bene, o fintzes cumprendhendho e ischendho bene su chi si bolet nàrrere, mancant però is foedhos (o no si bolent nàrrere): si narat fintzes de sa manera de fàere (ma sèmpere in parte de calesiògiat àteru vrb.) Sinonimi e contrari bodalare, bodalire, innichelare, intenantai, iterinare Frasi nichela de goi, nichela de gai, nche fit colata sa note ◊ no mi poto nichelare Etimo srd. Traduzioni Francese faire (fam.), combiner Inglese to do Spagnolo hacer, decir Italiano cosare Tedesco es wird dem Inhalt gemäß übersetzt.

nidàre , vrb: anniae Definizione pònnere o fàere su niu (nau mescamente de pigiones, ma fintzes de àteru animale); cricare nios Frasi tet s'aliusta nidare in sas salas, giochire sas panedhas apicadas (S.Casu)◊ subra de sas àrbures nidant sas aes e cantant in coro ◊ cherimus un'àrbore chin chentu puzones nidandhe Etimo srd. Traduzioni Francese nicher, nidifier Inglese to nest Spagnolo nidificar Italiano nidificare Tedesco nisten.

nitzulàre , vrb Definizione istare coment'e pranghendho, unu pagu a murrúngiu, a lamentu, nau mescamente de pipios, ma fintzes de animales Sinonimi e contrari bemire, intzunchiai, tunchiare Frasi su batu, nitzulendhe totora, istirat s'anca pro si fàghere lollojare Etimo crsn. nizzulà Traduzioni Francese pleurnicher Inglese to moan Spagnolo lloriquear Italiano gèmere del bambino, frignare Tedesco wimmern.

nobenàre , vrb: nobinare, noinare, nughinare, nuinare Definizione fàere is nuinas; istare a su prega prega aifatu de ccn. de malintesa, chi no bolet iscurtare Etimo srd. Traduzioni Francese faire une neuvaine Inglese to pray novenas Spagnolo hacer novenas Italiano fare le novène Tedesco die Novene beten.

nòcere , vrb: nòchere, nòciri, nògere, nòghere, nògiri, noxi 1, nòxiri Definizione fàere dannu o male, pònnere neghe a sa salude, a sa nedidesa de su cristianu, de sa cosa, de s'animale o matedu / pps. nóchidu, nóciu, nógiu (nó-ci-u, nó-gi-u) Sinonimi e contrari addagnai, danneficai, indomaxai, scalabrai | ctr. giuai, rechèdere Frasi is mortos no podent nògere a nemos ◊ ello chie ti est nochendhe chi no ti podes irbojare? ◊ no ti dha provis meda sa conca, no ti noxat!…◊ a isse no li noghet ne caldu e ne fritu ◊ no si at a noxi prus nisciunu ingannu ◊ su mufore noghet a sas binzas ◊ a sa màchina li noghet a la dassare fora ◊ no ti pighis ferenu ca ti nocit!◊ cust'ària ti nogit!◊ su chi apu fatu no mi est nóciu 2. fuo zente connota e logos mios, mi noghet su tocu ’e sas campanas (A.Spano) Etimo ltn. nocere Traduzioni Francese nuire Inglese to harm Spagnolo perjudicar, dañar Italiano nuòcere, pregiudicare Tedesco schaden.

nodrigàre , vrb: nordigare, nudriai, nudricare, nudrigare, nurdiai, nurdigare, nutricare Definizione giare o pigare alimentu, nutrimentu, ma nau prus che àteru in sensu figurau Sinonimi e contrari alimentai, nudrire / campare Frasi no bastant sos de domo, sos de fora puru depo nordigare! ◊ su pani si núrdiat ◊ ca l'at nudrigada fitianu, sèndheli sorre, "mama" l'at giamada (P.Zedda)◊ comente si nódrigat su pipiu de naschidórgiu?◊ est nordigannodhu sa pobidha ca issu est malàidu 2. cantos pastores, teracos, aggrucant sos ierros nudricandhe s'anzenu in s'istempériu! ◊ aperzo sas ventanas a sas chertas eternas, ma núdrico in s'óspile imbaléschiu de anneos ◊ batint ranzeras e núrdigant sos annos saliosos ◊ cun totu cussu dinare si podet nudricare víssiu e godimentu cantu cheret Etimo ltn. nutricare Traduzioni Francese nourrir Inglese to feed Spagnolo alimentar, nutrir Italiano nutrire Tedesco nähren.

notiàre , vrb Definizione fàere o giare a cumprèndhere calecuna cosa chi depet ancora acontèssere Sinonimi e contrari annuntziai Frasi segundhu s'annuadura nótiat abba Traduzioni Francese annoncer Inglese to announce (pre) Spagnolo anunciar Italiano preannunziare Tedesco ankündigen.

numerài, numeràre , vrb Definizione pònnere is números, inditare cun números Sinonimi e contrari cifrai, contae Terminologia scientifica mtc Etimo ltn. numerare Traduzioni Francese numéroter Inglese to number Spagnolo numerar Italiano numerare Tedesco beziffern, numerieren.

nuscài, nuscàre , vrb Definizione pigare su fragu, fintzes fragare Sinonimi e contrari acarigai, annajare, annàsere, arrancai 1, arrastai, fiagare Frasi nusca ite fragu bellu chi li andhat a sa rosa! ◊ isse istat semper nuscandhe e leghendhe giornales de titulias! ◊ zeo mi firmo a ti nuscare, dílicu e profumatu biancu fiore! (G.Farris)◊ mi fit piàghidu de nuscare s’ària de cussos logos Etimo srd. Traduzioni Francese flairer Inglese to sniff Spagnolo olfatear Italiano fiutare Tedesco beriechen, riechen.

obbedèssiri , vrb Definizione pònnere mente, fàere comente narat s'àteru (mescamente prus mannu o chi cumandhat de prus) Sinonimi e contrari obbidiri Etimo spn. Traduzioni Francese obéir Inglese to obey Spagnolo obedecer Italiano obbedire Tedesco gehorchen

obbilàe, obbilài , vrb: obbilare, obilare Definizione pònnere is obbilos, is craos, nau mescamente de su Cristos in sa grughe Sinonimi e contrari acioae, aciolai, apunciai, atacitai, ciaitare, inclavai, intzoare | ctr. ilgiaitare, irdobbilae, isclavai Frasi a Gesús dh'ant obbilau a sa cruxi ◊ sa cadena fut obbilada a su muru 2. cun agus de frius mi obbilas su coru Traduzioni Francese clouer Inglese to nail, to crucify Spagnolo clavar, crucificar Italiano inchiodare, crocifìggere Tedesco nageln, kreuzigen.

obbligài , vrb: obbricare, obbrigai, obbrigare Definizione custrínghere a fàere una cosa, fintzes cun sa fortza, ammeletzu o àteru, o fintzes solu pònnere a unu in su bisóngiu de fàere calecuna cosa fintzes coment'e dépidu de torrare Sinonimi e contrari costrínghere, cumandai, impònnere Frasi de fronte a Deus m'intendho obbligadu a pedire perdonu (G.B.Mereu)◊ in chistiones de cojare no si óbbligat mai! ◊ si no lu cheres fàghere làssalu, za no ti l'est obbrighendhe neune! 2. sa maia depiat èssere giumpada e beniat posta in logos de anca furint obbrigaos a passare Etimo itl. Traduzioni Francese obliger Inglese to oblige Spagnolo obligar Italiano obbligare Tedesco verpflichten, zwingen.

obbrèsciri , vrb: obresci, obrèsciri, obrexi, orbèschere, orbeschi, orbesci, orbèsciri Definizione cumenciare a fàere die / su stedhu de obresci = pianeta Vènere, s'úrtimu istedhu chi si podet bíere faendho die (e su primu chi si paret iscurigandho, istedhu de chenadorzu o de su boinarxu) Sinonimi e contrari abbrèschere*, albeschire, alburiai, illuchèschere, illughintinare, ispanigai | ctr. iscorigai Frasi su bíere sa die orbeschendhe e pompiare sa taschedha bódia est pejus de àteros males! ◊ no s'iscít chi dh'obrexat, cras Traduzioni Francese faire jour Inglese to dawn Spagnolo amanecer, alborear Italiano albeggiare Tedesco dämmern, tagen.

oberàre , vrb: operai, operare Definizione fàere faina, òperas, èssere impreaos in calecunu trebballu, in calecunu impreu, cuncordare calecuna cosa de cabbale; foedhandho de males de sa carena, segare calecuna parte malàida po ndhe bogare su malu o po dha mediare Sinonimi e contrari trabagiare Frasi - E ite sezis operendhe? - Pesèndheche custa foga de muru semus! ◊ custu cristianu no est operendhe nudha, petzi in ziru! ◊ est pretzisu de istare a ocros apertos e a pessare in su malu pro operare in su bonu (M.Columbu) 2. a Fulanu l'ant operadu a su coro ◊ in custu bràciu chi mi ant operau parera ca portai fogu tenendi Traduzioni Francese agir, opérer Inglese to work, to operate on Spagnolo obrar Italiano operare Tedesco wirken, arbeiten, operieren.

obèschere , vrb: ovèschere Definizione arrèschere in su gúturu, nau de sa cosa de papare chi no andhat a bia dereta e faet a tussire o chi s'ingurtit a trebballu / mi so obéschiu = m'est postu su mossu in bula, femu allupendimí Sinonimi e contrari abèschere, ammadèschere, arrancare, arrèghere, arrèschere, iscaussire / arròsciri Frasi si mi obeschet su pane de chiarju in s'obu de sa gorgobena (G.Delogu)◊ cudhu binu nche l'at ghetau a imboladura e azomai s'est obéschiu! 2. ma proite mi sichis a ingromorare, a obèschere solu a ti bíere acoconau, incolonconiu, barrosu? Traduzioni Francese avaler de travers Inglese to go the wrong way Spagnolo atragantarse Italiano andare di travèrso (détto di cibo) Tedesco sich verschlucken, in die Falsche Kehle geraten.

obiàe, obiài, obiàre, obiàri , vrb: opiare 1, oviare Definizione fàere óbia, bènnere apare de personas, animales o cosas chi si movent s'unu a cara a s'àteru, nau fintzes in su sensu de si cricare, de si bíere, de parare fronte a unu male po dhu pòdere bínchere o fintzes firmare o furriare Sinonimi e contrari abbogiare, addopare, adobiai, azobiare, coviare, ogiare Modi di dire csn: obiare cosa apare = collire, pònnere paris, acabidai; obiare sa binza = acapiai su pàmpinu, prèndhere; obiare sa basca = pònnere cosa a fàghere umbra Frasi no mi podiat biri e candu mi obiàt nci furriàt su bruncu ◊ dh'at obiau torrendu a funtana ◊ a su piciocu dhu obiàt a iscusi ◊ custu crabineri si est opiau cun zente ladra ◊ si mi óbias naras chi no mi as bidu! 2. su fogu tocat a dh'obiari innantis chi abbruxit totu! ◊ obiadhus a fusti cussus animalis, chi no passint! ◊ óbiami sas bacas no ch'essant atesu!◊ cussu pastori no dhas óbiat is brebeis e po cussu gei fàinti dannu! 3. candho beniat de obiare apare su dinare de nosi picare su bestire ince furint is pacamentos ◊ si at afachiau zente obiada dae cada bidha ◊ assortau, cussu: at obiau una bella picioca! Etimo ltn. obviare Traduzioni Francese rencontrer Inglese to meet Spagnolo encontrar, topar Italiano incontrare Tedesco treffen.

obíre , vrb: ovire Definizione fàere is oos, ma nau de is linnas, ammadurare, fàere is ogos po isparare e fàere linna noa Sinonimi e contrari aoare / aoghire, aportzedhare, butonire Etimo srd. Traduzioni Francese bourgeonner Inglese to bud Spagnolo brotar Italiano ovare, gemmare Tedesco knospen.

«« Cerca di nuovo