Ditzionàriu in línia
de sa limba e de sa cultura sarda

ifritàda , nf Definizione su ifridare Sinonimi e contrari ifriscada | ctr. caentada, imbudhighinada Frasi arratza de ifritada sa chi at fatu de deris a oe!… Etimo srd. Traduzioni Francese baisse de la température Inglese cooling Spagnolo baja de temperatura Italiano abbassaménto di temperatura Tedesco Abkühlen.

ifritorídu, ifritoríu, ifriturídu , agt: infirtoriu, infriduridu, infritoridu, infritoriu, infritulitu, infrituridu Definizione chi tenet fritu, chi est morindho de su fritu Sinonimi e contrari afritoridu, afrituladu, allintugliadu, atilchinzadu, ifritorau | ctr. caente Frasi sos canes sunt infrituridos ◊ ca su pipiu fut infritoriu, sa mama dh'at ammontau 2. su calore de beranu no favorit su coro meu tristu ifrituridu (P.Sechi) Etimo srd. Traduzioni Francese transi de froid Inglese cold Spagnolo muerto de frío, aterido Italiano infreddolito Tedesco durchgefroren.

ifutiméntu , nm: irfutimentu, isfutimentu, sfutimentu Definizione su pigare a befa, giare bàntidos a befa Sinonimi e contrari achírriu, irfutidura, isfutonzu Traduzioni Francese raillerie (pop.) Inglese leg-pulling Spagnolo tomadura de pelo Italiano sfottiménto Tedesco Hänselei.

ilbambarriàre , vrb: imbambarriare, impamparriare, irbabbarriare, isbabbarriare, isbambarriai, isbambarriare, ispambarriare, ispamparrai, ispamparriare Definizione apèrrere is ogos deunutotu, bene, meda; nau de aperturas o àteru, apèrrere deunudotu, apèrrere in campu; nau de unu cuau, essire de si fàere a bíere / ƒisbambarriare sas origras = allutai is origas, ascurtai bèni Sinonimi e contrari ilbarrizare, imbarritzare, irbarriolare, ispalpedhare, ispampanai, ispamparinare, ispamporionare, scampaniai, sparrancai | ctr. serrai, tancai Frasi pro ispantu ilbambàrriant s'oju a sa lugura ◊ li ant postu su retratu a ojos impamparriados ◊ cun sa fantasia isbambàrrio sas alas! ◊ fit a ojos isbambarriados ◊ su casifítziu isbambàrriat su portale dae sas ses ◊ at castiau ispamparrandu is ogros 2. nc'iat iscabulau su cupitu ci dhu cuàt e si nci fut ispamparrau Etimo srd. Traduzioni Francese ouvrir grand Inglese to open wide Spagnolo abrir de par en par Italiano spalancare Tedesco aufreißen.

illacanónzu , nm Sinonimi e contrari illacanadura, illacanamentu Etimo srd. Traduzioni Francese franchissement des limites Inglese trespassing Spagnolo violación de frontera Italiano sconfinaménto Tedesco Grenzüberschreitung.

illitadúra , nf Definizione su pònnere sa trama in is litzas, po tèssere Sinonimi e contrari arremitimentu Terminologia scientifica ts Etimo srd. Traduzioni Francese remettage Inglese drawing-in Spagnolo preparación de los lizos Italiano rimettàggio Tedesco Einhängen.

imbalabipíus , nm: imballabipius Definizione filatéria, murmutu o càntigu po asseliare o istentare is pipios Sinonimi e contrari imbalaimbala Frasi - Ita portais? - Unu crabu mortu! - Chini dh'at mortu? - Su babbu etotu! - Ita dhi at giau? - Unu bòi iscorrau! Etimo srd. Traduzioni Francese rengaine Inglese rigmarole Spagnolo cantinela, canción de cuna Italiano cantilèna, filastròcca Tedesco Kantilene, Kinderreim.

imbianchitài , vrb Definizione giare una passada de bianchita, betare bianchita Traduzioni Francese blanchir Inglese to paint with white lead (stg) Spagnolo dar de albayalde Italiano imbiaccare Tedesco mit Bleiweiß bestreichen.

impagliàda , nf: impallada, impalliada, impazada Definizione genia de butillione bestiu finas a mesania / fenu o erba de impagliadas (pro fàghere fundhos de cradeas) = Sparganium emersum, S. simplex Sinonimi e contrari fiascu Frasi de binu ndh'apo pienu tantas impazadas, ca mi l'ant bantadu meda ◊ at torrau a prèniri un'impagliada cumentzada Terminologia scientifica stz Etimo srd. Traduzioni Francese fiasque Inglese flask Spagnolo botella revestida de paja Italiano fiasco rivestito di pàglia Tedesco Strohflasche.

impamparriàdu , pps, agt: isbambarriadu, ispamparriadu Definizione de impamparriare; chi est apertu deunudotu Sinonimi e contrari scampaniau Frasi chelos ispamparriados Traduzioni Francese grand ouvert Inglese wide open Spagnolo abierto de par en par Italiano spalancato Tedesco aufgesperrt.

imprèsse, imprèsses, imprèssi , avb Definizione in presse, in manera lestra, in pag'ora, chentza istentare, chentza ibertare Sinonimi e contrari acoitu, allestru, debresse, pressispressis | ctr. abbellu Modi di dire csn: a s'impresse = coitendhe, in lestresa; nàrrere, fàghere una cosa i. e coita = impresse impresse Frasi arvesche impresses cras e pone s'amore in su coro de totus! ◊ sa pisedhutza morzeit impresse, campeit una chida ebbia ◊ acota impresse sas cosas tuas, gàrriga totu e punna de torrare! Etimo srd. Traduzioni Francese vite Inglese hastily Spagnolo de prisa, rápido Italiano prèsto, in frétta, rapidaménte Tedesco schnell.

impróntu , avb Definizione de un'i. = induninduna, a s'ingrundha Sinonimi e contrari aprontu 1, improntuitu, induninduna, totinduna Frasi faghet otavas de improntu ◊ a s'improntu est rutu mortu ca l'ant isparadu! ◊ sas féminas, de un'improntu, si ponent a irgrighillare che disatinadas Traduzioni Francese soudainement Inglese suddenly Spagnolo de repente Italiano improvvisaménte Tedesco plötzlich.

incarramacinài , vrb Definizione betare a s'afaiu trastos bècios o arrimaos, impreare su logu cun carramatzinas Sinonimi e contrari imbarratzare Etimo srd. Traduzioni Francese encombrer de fanfreluches Inglese to hamper with trifles Spagnolo llenar un lugar de baratijas Italiano ingombrare di cianfrusàglie Tedesco mit Krams überfüllen.

incarrutzài , vrb rfl: incurrutzai Definizione agiummai coment'e pònnere in su carru: pònnere, imbarare a pitzu de calecuna cosa Sinonimi e contrari acotzai, arrambare, arremai 1, asubai, imbarrigare Frasi dh'at incurrutzau a su muru ◊ no abarris sempri incarrutzau a mei: bai e gioga! ◊ incurrutzat sa conca apitzus de su coscinu, ma sonnu nudha ◊ at incurrutzau sa conca asuba de su codhu de s'amigu Etimo srd. Traduzioni Francese mettre un objet sur qqch Inglese to lay down Spagnolo poner encima de algo Italiano adagiare sópra Tedesco niederlegen.

incherínu , nm: inchirinu Definizione dinare, su tanti in prus chi si torrat a chie ndhe at giau a préstidu Sinonimi e contrari agéntzia, créciu, oriellu Frasi ci est issu, ti prestat su dinare e no ti faet pagae s'incherinu Traduzioni Francese agio, taux d'intérêt Inglese premium, interest rate Spagnolo agio, tipo de interés Italiano àggio, tasso d'interèsse Tedesco Agio, Zinsfuß.

incroàu , agt Definizione chi portat incroamentu Etimo ctl. encroar Traduzioni Francese architravé Inglese architraved Spagnolo dotado de arquitrabe Italiano architravato Tedesco mit einem Architrav versehen.

incujàre , vrb Definizione fàere calecuna cosa a un'ancuju, a unu gànciu Sinonimi e contrari ancujare*, aunchinare, incruai, indrúchere, tròdhiri | ctr. istirare Frasi sa zente isulana no incujat s’ischina a s'ocupatzione romana Traduzioni Francese baisser, courber Inglese to bend Spagnolo doblar en forma de gancho Italiano piegare ad uncino, curvare Tedesco biegen.

indunindúna, indunindúnu , avb Definizione totu a unu cropu e fintzes chentza si dh'ibertare, a s'ingrundha, de repente Sinonimi e contrari desucunas, innuna, totinduna Frasi issu fit giambendhe: mi ndhe abbizaia dae su mudímine chi li beniat induninduna, de calchi momentu de isvàriu o de una foscigada de mutzighile Etimo srd. Traduzioni Francese soudainement Inglese suddenly Spagnolo de repente Italiano improvvisaménte Tedesco plötzlich.

ingranidúra , nf Definizione su si fàere o essire matucu de su granu, su lompimentu, nau de is laores Sinonimi e contrari ingranimentu Frasi su trigu est friscu, a mesu ingranidura Etimo srd. Traduzioni Francese maturation du blé Inglese ripening Spagnolo maduración de cereales Italiano maturazióne del grano e sìmili Tedesco Reife.

ingropíre , vrb: ingrupire Definizione artzare o fàere de codhos, coment'e po nàrrere chi de su chi at intesu, unu, o dhi ant pediu no ndh'ischit, no ndhe dh'importat Sinonimi e contrari incodhare, ingrutzare, ispallaritzare Etimo srd. Traduzioni Francese hausser les épaules Inglese to shrug one's shoulders Spagnolo encogerse de hombros Italiano far spallùcce Tedesco die Achseln zucken.