A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

cadhigàda cadhicàda

cadhigadòlza, cadhigadólzu , nf, nm Definitzione pedra manna po agiudare a si che cicire a cuadhu, cicidórgiu de pedra segada e trebballada apostadamente, posta prus che àteru a oru a muru ananti de is domos / sètzere a ccn. a cadhigadolzu = aprofitaresindhe, pònnere a terachiu Sinònimos e contràrios cadhighinu, istrada 1, istradile, pedríscia, secidórgiu Ètimu srd.

cadhigadúra cadhicadúra

cadhigaméntu , nm Definitzione su cadhigare, su istare cadhighendhe Sinònimos e contràrios cadhicada, cadhiconzu, codhonzu Ètimu srd.

cadhigàre cadhicàre

cadhigaròne , nm Definitzione a c. = ciciu in codhos de un'àteru cun is cambas ananti, una a una parte e una a s'àtera de su tzugu, pendhendho in petorras / zúghere, leare a c. Sinònimos e contràrios codhilone Frases su cane meu, tuncendhe, fit fuindhe: cudhu, candho lu sighiat si lu setziat a cadhigarone ◊ sa muzere fit rassa e pesante, ma si l'aiat leada a cadhigarone Ètimu srd. Tradutziones Frantzesu à califourchon Ingresu astride Ispagnolu a horcajadas Italianu cavalcióni Tedescu rittlings.

cadhighinàre , vrb Definitzione cicire, andhare a cuadhu Sinònimos e contràrios cabadhicare.

cadhighinósu , agt: gadhighinosu* Definitzione chi portat cadhighinzu o badhine in conca, machiore, chi no est tanti giustu de conca Sinònimos e contràrios badhinosu, gadhinosu, irdollocau, mériu Tradutziones Frantzesu loufoque Ingresu looney Ispagnolu loco Italianu pazzòide Tedescu halbverrückt.

cadhighínu , nm Definitzione pedra manna o àteru logu o tretu a inue si artzat po cicire a cuadhu; a logos est s'àidu, giassu, tretu apertu po passare in d-una cresura / pònnere a c. = coment'e sétidu a cadhu Sinònimos e contràrios cadhigadolza Ètimu srd.

cadhighínzu , nm: gadheghinzu* Definitzione maladia (aumentu de pressione) chi leat a conca mescamente a is brebès e dhas faet andhare che ammachiadas; idea maca Sinònimos e contràrios badhine, badhinzu, gadhintzu, imbadhinzu, ingadheinzu, loinu, luinore, mediori Frases custu est machine, cadhighinzu: atentu no che ruat a su fogu, ca est imbriagu! Terminologia iscientìfica mld.

càdhigu , agt Definitzione chi portat su fodhe tostau, nau de s'àghina, ma fintzes àghina etotu a pibione tostau Ètimu srd.

cadhíle , nm Definitzione genia de aparatu artu, fintzes coment'e istatu, po dhue pònnere o arrimare cosa Frases it'est custu cadhile chi as fatu a pònnere sa televisione?! Ètimu srd.

cadhilóngu , nm Definitzione genia de giogu chi faent is piciochedhos cicindho a s'imperriada in palas (apitzu) de un'àteru incrubau a s'imbàtoro / leare a c. = giúghere a cadhutzos Sinònimos e contràrios càtara Ètimu srd.

cadhína , nf Definitzione idea maca, musca Sinònimos e contràrios bidhídhiri, erredha, fumacera, iscrapitzada, zibbírriu Frases a cussu li cheret catzada sa cadhina! Tradutziones Frantzesu caprice, fantaisie Ingresu whim Ispagnolu capricho Italianu caprìccio Tedescu Laune.

cadhína 1 , nf Definitzione su paru cadhinu, is cuadhos Ètimu srd.

cadhinadúra , nf Definitzione su cadhinare Sinònimos e contràrios arrumbuladura, córriu Ètimu srd.

cadhinàre , vrb Definitzione andhare, mòvere che unu cadhinu o cricu, orrumbulare Sinònimos e contràrios arrembulai, arrodulare, codulare, cullullare, istirigare, istrodhulare, lodhurare, loturare, lumburare, torrulare, trodhulare Ètimu srd. Tradutziones Frantzesu rouler Ingresu to roll Ispagnolu rodar Italianu rotolare Tedescu hinunterrollen.

cadhínca , nf Definitzione pane de farra chentza issedatzare.

cadhíntzu , nm: gadhintzu Sinònimos e contràrios badhine, gadheghinzu*, ingadheinzu, mediori.

cadhínu , nm Definitzione cricu de lamone ladu o de ferru tundhu (o àteru) po giogare: si ghiat cun su 'manúbbriu' po dhu fàere orrumbulare in terra, currendho Sinònimos e contràrios istírigu, lodhorinu Terminologia iscientìfica ggs Tradutziones Frantzesu cercle Ingresu hoop Ispagnolu círculo Italianu cérchio Tedescu Reifen.