A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

inghirialétu inghiriabétu

inghirialòcos , nm Sinònimos e contràrios andariegu, bacamundhu, bandhuleri, garroneri, rundhajolu, zirellu | ctr. remonidu Ètimu srd.

inghiriaméntu , nm: ingiriamentu Sinònimos e contràrios inghiriadura, inghíriu Ètimu srd. Tradutziones Frantzesu encerclement Ingresu surrounding Ispagnolu cerco Italianu accerchiaménto Tedescu Umschließen.

inghiriamólia , nm: inghirinamólia Definitzione movimentu a biraorba, totu a furriadas, a molinadura, a inghírios Sinònimos e contràrios giriotu, inghiriolu, inghíriu, ziramólia Frases cun totu custos inghiariamólias de istradas, su pulma mi est faghindhe a ganamala ◊ curriat a inghirinamólia Ètimu srd.

inghiriàre inghiràre

inghiriàtu, inghiriàu inghiriàdu

inghirimòla , nf Definitzione inghíriu, giru Sinònimos e contràrios inghiriamólia Frases sos istrúllios faghent s'inghirimola innantis de s'acoilare Ètimu srd.

inghirimolàre, inghirimoliàre , vrb Definitzione istare a s'inghíria inghíria, faendho inghírios, inghiriamólias, girare, fàere movimentu a furriadura che orroda Sinònimos e contràrios inghirare, inghiriotare, mobietai Frases zente meda inghirimóliat in su labberintu de sa pulítiga chena ischire a cale bandha de si dare ◊ su pitzinnu una borta chi fit abbarrau solu in montes aiat prantu e inghirimolau fintas a torrare su frade Ètimu srd.

inghirinamólia inghiriamólia

inghiringhiriúngra , nm Sinònimos e contràrios inghiriúngia Ètimu srd.

inghirintinàre , vrb Definitzione istare in giru, perilloi perillai, a s'andha e torra Sinònimos e contràrios faghinerare, rundai, sperullai.

inghiriolàre , vrb Sinònimos e contràrios incordonare, inghirare Ètimu srd.

inghiriólu , nm Sinònimos e contràrios inghíriu, inziriolu Frases s'inghiriolu de s'abba s'impèlciat in sas rocas ◊ sos pitzinnos fachiant s'inghiriolu de su focu Ètimu srd.

inghiriósu , agt Definitzione chi faet unu giru mannu, tretu meda, chi faet inghírios meda (nau de un'erriu, camminu, istrada, chi est totu furriadas) Sinònimos e contràrios garronosu | ctr. deretu Frases mancumale arriveint su matessi, finas si aiant fatu unu caminu inghiriosu ◊ s'andhera de sa sorte est inghiriosa Ètimu srd.

inghiriotàre , vrb: ingiriotai Definitzione istare a s'andha e torra, inghiriandho perdendho tempus Sinònimos e contràrios bagamundai, bandhulare, girai, giriotai Frases inghiriotamus in su firmamentu e mai ti lasso in paghe (S.Baldino)◊ no ti abarrist ingiriotendi! ◊ is istràngius in sa barraca nosta e tui innòi ingiriotendi!

inghiriótu , nm: ingirioto, ingiriotu Definitzione genia de giru, de inghíriu e fintzes movimentu a furriadura; muntone de foedhos de chie est in crica de trampare s'àteru Sinònimos e contràrios biabbólica, coileta, ifiliestu, inzamu Frases zoghendhe a s'inghiriotu su pitzinnu est rutu imbadhinadu 2. no ti perdas in chentu inghiriotos: nara su chi as de nàrrere e impresse! Ètimu srd. Tradutziones Frantzesu manigance Ingresu turn, swindle Ispagnolu rodeo Italianu giravòlta, raggiro Tedescu Drehung, Betrug.

inghíriu , nm, avb, prep: ingíliu, ingíriu Definitzione tretu chi si faet passandho totu a fúrriu a dónnia parte de una cosa o de unu logu, su fàere unu giru in totu unu logu, o fintzes incropada o lobu de cosa coment'e po acapiare; faina de pagu contu (fintzes coment'e iscusa po pèrdere tempus o perdendho tempus); chistionu tropu longu, pigau a sa larga meda, chi istentat a bènnere a concruos, a su chi prus importat de nàrrere; a logos, fintzes crufessone Sinònimos e contràrios arrolliada, giriotu, ródia, gíriu / ingroedhu Maneras de nàrrere csn: fàghere s'i. = colare de sa parte contrària po assuprire a unu matessi logu; leàresi sos inghírios = pèrdere su tempus in cosighedhas, chentza fàghere cosas de zudu; a inghíriu de… = totu a ziru; a i. meu, tou, sou, e gai = totu a ingíriu de mimi, de tui, de issu, e totu aici Frases at fatu un'inghíriu mannu pro torrare a domo ◊ mi ch'est coladu su manzanu faghindhe inghírios ◊ no ti les sos inghírios: bae a su cumandhu! ◊ sos de s'àrdia faghent tres bortas s'inghíriu de sa crésia ◊ li cheret un'inghíriu de fune o de filiverru pro lu prèndhere bene ◊ apo fatu s'inghíriu de totu su cunzadu ma su poledhu no in logu: si che depet èssere essidu! 2. a su pitzinnu totus li cantant a inghíriu sa cantone ◊ is piciochedhus si dhi pinnigant a ingíriu ◊ sa genti si càstiat a ingíriu ◊ issa est sa lughe e sa música a inghíriu meu 3. totu a inghíriu de sa binza bi cheret sa cresura ◊ si fiat agatau in mesu de una pratza a ingíriu a ingíriu de una grandu parada ◊ a inghíriu issoro bi aiat duos boes e unu poledhu 4. e chie ti los iscurtat custos inghírios tuos?!…◊ a ndhe chircas, totu, de inghírios, irmasionadu! 5. Elias no si che leaiat sa berrita de conca mancu chi iat atopau un'inghíriu Ètimu srd. Tradutziones Frantzesu tour, autour de, autour Ingresu round, around Ispagnolu giro, ambages Italianu giro, attórno, intórno, lungàggine Tedescu Runde, um, herum.

inghiriúngia, inghiriúngra, inghirúngra , nm: ingrinungra, ingriungra, ischiriúngia Definitzione infetu e matéria a inghíriu de s'unga Sinònimos e contràrios didusuisui, fannuga, infirungla, inghiriabódhighe, inungrinungra, isungrisungri, panarighe, pítziri, podhighesuisui, suisui, ungilúngia, ungriungri Ètimu srd. Tradutziones Frantzesu panaris Ingresu whitlow Ispagnolu panadizo Italianu pateréccio, giradito Tedescu Fingerwurm.

inghisài, inghisàre inghijàre

inghísci , nm: inghísciu Definitzione genia de minerale de càlciu, biancu: impastau e intostau a orrugos dh'impreant a iscríere (is maistos de pannu, de iscola), a fàere santitos e àteru Sinònimos e contràrios ghísciu* Frases est una santixedha de inghisci colorau (F.Melis)◊ ita est, de inghisci, cussu caboniscu, ca no coit?!