A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

isprajàre ispajàre

ispràju ispàju

ispràju 1 ispràgiu

isprallàda isperallàda

isprallànga , nf Definitzione genia de tzapulóngiu fatu male Sinònimos e contràrios tàpulu Frases cuaiant carres e birgonzas sas ziras mias fatas a latranga: domandhàdelu a mamas e a monzas e bos narant s'istória ’e s'isprallanga.

ispralletàre , vrb Definitzione istare a paraleta, alleghetandho, sèmpere naendho chentza cabu Sinònimos e contràrios argiolae, arrallai, ciaramedhare, paraletare Ètimu srd.

ispràlliu , nm Definitzione su chi si narat de calecuna cosa, solu po dhue fàere atentzione o fintzes po ndhe foedhare male Frases si est acorau meda, ca li est mortu su poledhu, ma no at prantu e ne fatu ispràlliu perunu.

ispràma , nf, nm: ispramma, isprammu, ispramu, sprama Definitzione assíchidu forte, de ndhe apèrrere su coro Sinònimos e contràrios acíchidu, arrore, asciuconu, assàntiu, assàrtiu, assúmbridu, assústidu, atzudhimentu, ilgiru, ispràmminu Frases sa càtzia russa fit un'isprammu mannu pro sos porcrabos de Monte Santu ◊ candho abbàido a su conzu, si est bóidu in terra ruo e de isprammu mi fuo! ◊ comente bi est coladu su fogu, su restuju est un'isprammu de chijina ◊ la moris a isprammu, ca at sa debbilesa de tímmere ◊ cudhu chi cheriat dare prova de corazu est mortu de ispramu ◊ unu tronu a isprammu lu ischidesit Ètimu ctl. espalm(e) Tradutziones Frantzesu horreur Ingresu horror Ispagnolu espanto, horror Italianu raccaprìccio Tedescu Schaudern.

ispramài, ispramàre , vrb: isprammare, spramai Definitzione tímere, pigare assíchidu, fàere a tímere meda Sinònimos e contràrios acicai, apramare, asciuconare, asciustrare, assantiare, aterrighinare, isprauriri, isturdinare, sadhie, spetziai, stremessiri Frases bidindhe sa mere ruta, sa teraca s'isprammat e comintzat a pònnere sas boghes ◊ su fragassu at fatu isprammare finas un'ómine valorosu ◊ sos astores falant in sas cussorzas isprammendhe sas chedhas apaxiadas ◊ bi at chie zàgarat su cane isprammàndhelu cun carchi frunzita Ètimu ctl. espalmar Tradutziones Frantzesu frémir d'horreur, horrifier Ingresu to be horrified Ispagnolu horripilar, espeluznar Italianu raccapricciare, inorridire Tedescu schaudern, entsetzen.

ispramàu , pps, agt: isprammadu, spramau Definitzione de ispramare; nau de colore, chi est biu meda, tropu alligru, chi agiummai pigat a ogos / a s'isprammada = de pàrrere faghindhe sa sprama, morindhe de assuconu, de sa timoria, a boghes Sinònimos e contràrios assantiau, assuconadu 2. che un'isprammadu so cúrridu a su dutore ca sa pitzinna istaiat male meda ◊ sa terra si li fit abberta innantis lassèndhelu tremèndhesi isprammadu ◊ boghes isprammadas as a intèndhere ◊ ispramau de sa timentza, su pastoredhu si fut fuiu cun totu is crabas 3. a sa muda piango a s'ispramada Tradutziones Frantzesu horrifié, épouvanté, vif Ingresu horrified, frightened, vivid Ispagnolu horrorizado Italianu inorridito, spaventato, vìvido Tedescu entsetzt, erschreckt, lebhaft.

ispràminu , nm Definitzione su ispramminare, su istèrrere cosa peri su logu Sinònimos e contràrios ispàbinu, ispàrtzinu Frases su chiu de s'arantzu areste si sèmenat a ispràminu in campu abbertu sestadu a arzolas largas pro fàghere sas arvuritas de infelchire Ètimu srd.

ispràmma ispràma

isprammàdu ispramàu

isprammadúra , nf Definitzione su ispramare Maneras de nàrrere csn: a i. = a s'isprammada, de pàrrere faghindhe sa sprama, morindhe de assuconu, de sa timoria; tzerriai a i. = cantu prus forte si podet Ètimu srd.

isprammàre ispramài

isprammèta , nf Definitzione orrugu de cosa (prus che àteru cantu de taulita) chi is maistos portaiant po iscúdere a manos a is iscolanos; a logos, afantallu Sinònimos e contràrios biltzedha, palmeta, pertighita Ètimu srd. Tradutziones Frantzesu férule, baguette Ingresu rod Ispagnolu férula, palmeta Italianu fèrula, bacchétta Tedescu Gerte.

isprammetàda , nf: spalmetada Definitzione cropu de isprammeta giau a sa pranta de sa manu Sinònimos e contràrios palmetada 2. ite nos restat candho isprammetadas de ingannia lódhurant faedhos e mentes e no lis dant pasu? (G.Maieli) Ètimu srd. Tradutziones Frantzesu coup de baguette Ingresu blow (with a stich) Ispagnolu palmetazo Italianu bacchettata Tedescu Gertenhieb.

ispramminadúra , nf Definitzione su ispramminare, ispartzinare / semenare (trigu, órgiu) a i. = a ispàinu.

ispramminàre isparminàre

ispramminàre 1 , vrb Definitzione fàere a tímere, assicare, pònnere agiàgaru, avolotu Sinònimos e contràrios ispapatare, ispramai, salargiare Frases cudhas ant ischirriadu a tichírrios ispramminendhe su bighinadu ◊ si no tenent pane morint ispramminados de fàmine in pagas dies Ètimu srd.