A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

loguníu , agt: luguniu Definitzione nau de s'ou, chi est frochiu o fintzes isciaculadori, guastu; nau de s'ogu, chi est annapau Sinònimos e contràrios crochidu, lanitu, launiu, tzotzidu 2. custos versos lugunios si sorbent in s'aggorru de su coro chene peruna ispera, crochindhe solu zuntas de nàstala (F.Satta) Tradutziones Frantzesu couvé, fécondé, couvi, pourri Ingresu brooded, fertilized, rotten Ispagnolu empollado, fecundado, huevo podrido Italianu covato, fecondato, barlàccio Tedescu ausgebrütet, faul.

lòi labòre

loígnu loghíngiu

loína laína

loínu , nm: alluinu*, luinu Definitzione furriamentu de conca, coment'e perdendho s'echilíbbriu; badhinzu, male a conca de su pegus de bulu Sinònimos e contràrios ammolighinzu, imbatzinamentu, insimíngiu, lollóinu / gadhintzu, imbadhinzu, luinore, mediori.

lòlla lògia

lòlle , agt, nm Definitzione coment'e lodhe etotu, machisonzu, pagu abbistu / min. lolledhu Sinònimos e contràrios ballalloe, balossu, scimpri, sciollocau, locu, lollòi Maneras de nàrrere csn: fàghere sa tucada de l. = andai e no torrai prus; abbarrare coment'e unu l. = coment'e atontadu, meravizadu chentza cumprèndhere Frases sa tucada de Lolle chi fetat! ◊ cussu lolledhu puru a èssi bófiu cudha baborda!…◊ scit ita faint a custa lolledha? candu dha bint inchieta dhi ghetant su bratzu asuba e dhi cantant cancuna cosa! ◊ si l'est pompiandhe che lolle, a buca aperta Ètimu srd. Tradutziones Frantzesu crétin, idiot, imbécile, sot, stupide Ingresu idiot Ispagnolu imbécil Italianu cretino Tedescu Dumm.

lollíta , nf: lozita Definitzione min. de lolla, lògia pitica Sinònimos e contràrios lozedha.

lòllo, lollòi , agt: lollone, lolloni, lollore Definitzione persona pagu abbista, ma a logos dhu narant fintzes de unu pipiedhu Sinònimos e contràrios ballalloe, balossu, bovatzu, bovo, bucamindotu, locu, lolle, scimprotu, tontassu Frases lollore tontu, no betas unu passu bonu in sa vida tua! ◊ fiat nàsciu locu e de lollòi abbentau iat bíviu 2. alla ita bellu custu lolloi! Ètimu srd.

lollói , nm Definitzione bobboi de terra longu longu, tziringone Sinònimos e contràrios belme Ètimu srd. Tradutziones Frantzesu lombric Ingresu rain-worm Ispagnolu lombriz Italianu lombrico Tedescu Regenwurm.

lollói 1 , nm Definitzione unu de is tantos númenes de sa natura de su mascu, in su foedhare de o cun is pipios Sinònimos e contràrios bichiriola, bobborota, lelledha, marracoi, minninna, pichiriola, pilledha, pissiredha, puzonedha Ètimu srd.

lolloibbiàncu , nm Definitzione erba, o lillu de Sant'Antoni, lígiu de Sant'Eleni Sinònimos e contràrios assunsena, lígiu Terminologia iscientìfica frs, Lilium candidum Ètimu srd.

lollóinu , nm Sinònimos e contràrios abbadhinamentu, ammolighinzu, imbatzinamentu, insimíngiu, loinu Ètimu srd.

lolloiòsa , nf Definitzione erba de porcos, erba o latuca porchina Sinònimos e contràrios fundhurassu, limbuda 1 Terminologia iscientìfica rba, Echium plantagineum.

lollojàre , vrb Definitzione pigare a milindros, a frandhigos Frases comente tiat èssere chi mi lollojas, mi cheres drommida?! ◊ su betzu si lollojat in incantos ◊ su batu, nitzulendhe totora, istirat s'anca pro si fàghere lollojare Ètimu srd.

lollóju , nm Definitzione su lollojare Ètimu srd.

lollòne, lollòni, lollòre lollòi

lollória , nf Definitzione genia de idea firma, de pentzamentu Sinònimos e contràrios abeju, berinizu, violu Frases est totu sa dí cun cià lollória de si fui de domu! (S.D'Arco)

lóllu , agt Sinònimos e contràrios locu, macu Frases sunt lollos a fortza de bufare abba de cussa funtana! Terminologia iscientìfica ntl.

lollughinadóre , agt, nm Definitzione chi o chi acostumat a nàrrere lollúghines, iscimprórios, bodhetas Sinònimos e contràrios iscusiadore, lollughinosu Ètimu srd.