A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

pedhinàrju , nm Definitzione chie còmporat is pedhes po dhas conciare Sinònimos e contràrios corjarju Ètimu srd.

pedhinatòre , nm Sinònimos e contràrios brúsciu, oghiadore, pedhinu Ètimu srd.

pedhinciòni , nf Definitzione genia de giacheta fata de pedhe brebeghina: si narat fintzes de chie si dha bestit.

pedhíncula, pedhínculu , nf, nm Definitzione donniunu de is músculos de sa bentre Sinònimos e contràrios tripale Terminologia iscientìfica crn Ètimu srd. Tradutziones Frantzesu muscle abdominal Ingresu abdominal muscle Ispagnolu músculo abdominal Italianu mùscolo addominale Tedescu Bauchmuskel.

pedhínu , agt, nm: pidhinu Definitzione chi o chie podet pedhinare, pitzigare de ogu, chi podet curpire a s'abbaidada, fèrrere a ocru Sinònimos e contràrios brúsciu, oghiadore, pedhinatore Frases candho est colata sa maghiarja, in sas domos ant tancatu sos barcones pro no invènnere su ghetu de sos ocros suos, ca nachi sunt pedhinos (B.Bandinu)◊ s'ocru de su puzone est pedhinu, est un'ocru chi corfat, ghetat un'incantu Ètimu srd.

pedhítza , nf Definitzione pedhe de contzare Sinònimos e contràrios pedhe Frases sa pedhitza si sàmunat cun d-un'istratzitu assuabbadu in murza ◊ sa pedhitza s'isterret a pilu a intro subra de una ladarza.

pedhitzòla , nf Definitzione pedhe pitica, conciada, fintzes panneananti po trebballare Frases su sabbateri giughet a part'e nanti una pedhitzola totu istampolada (C.Caddeo).

pedhitzòni , agt, nm: pedhucione, pedhutzone, pellitzone Definitzione persona miseredha, totu male posta, bestia de orrobba bècia (a logos fintzes màscara de carrasegare) Sinònimos e contràrios batigone, fadigosu, famicosu, istratzolau, pendharitzone, petularzu, strícialu, zaulone / ttrs. pidhitzoni / limidu, susuncu Frases chircat su furisteri pellitzone, no importat si arroncat o apedhat Tradutziones Frantzesu gueux Ingresu beggar Ispagnolu miserable, trapajoso Italianu straccióne, pitoccóne Tedescu zerlumpter Mensch.

pedhòla , nf Definitzione pedhe de porcu; a logos, pigighedhu fine de petza, pedhutu Sinònimos e contràrios corgiolu Frases is peis pariant taxeris… benimindi pedhola! Ètimu srd.

pedhòne , nm Definitzione ómine de pagu contu, miseredhu, grusseri, de malu crabbu Sinònimos e contràrios buzurru, pedhitzoni Frases sos donnos no si abbàssiant a su paris de sos pedhones ◊ si est istracau de sa muzere, issu s'imbriacat, si brigant e… in pacas paràgulas est unu pedhone Sambenados e Provèrbios smb: Peddone, Peddoni Ètimu srd.

pedhóriu , nm Definitzione animale, pegus, prus che àteru candho est mortu iscavulau peri su logu, ispéigu Frases si c'est unu pedhóriu mortu si betant sos corvos.

pedhuciòne pedhitzòni

pedhúncru, pedhúncu, pedhúnculu , nm Sinònimos e contràrios pedhe, pedhutu Frases ne apo iscosidu sos pedhuncos de s'ajone Ètimu srd.

pedhúris , nm Definitzione genia de pigione mannu chi papat petza Sinònimos e contràrios antruxu, bentruxu 2. is mandaresus, biendi custa trupa acrutzendi sèmpiri prus, si fuant pinnigaus e puntaus a is pedhuris chen’e dhis cinniri de ogu e a cara spraudia Terminologia iscientìfica pzn, gyps fulvus Tradutziones Frantzesu griffon Ingresu griffon Ispagnolu buitre leonado Italianu grifóne Tedescu Gänsegeier.

pedhútu, pedhútza , nm, nf Definitzione pigighedhu de pedhe (o de carre fine fine de parrere pedhe), pedhighedha, fintzes cussu chi imbodhigat unu músculu Sinònimos e contràrios pedhíciula, pedhuncu, terpodhi Frases custa peta zughet pedhutu malu a mastigare Sambenados e Provèrbios smb: Peddutza, Pedduzza Ètimu srd. Tradutziones Frantzesu aponévrose Ingresu aponeurosis Ispagnolu aponeurosis Italianu aponeuròsi Tedescu Aponeurose.

pedhutzòne pedhitzòni

pédia , nf Sinònimos e contràrios múschiu, tzúniu Frases tia Pietrina, trista e chizibbàscia, intreit in domo, si setzeit in su canapè: no li esseit pédia peruna.

pediàina , nf Definitzione corr'in cúcuru, lèpuri de argiola, genia de pigione chi portat in conca coment'e unu chirrionedhu de pinnias tirau apalas Sinònimos e contràrios gavigaví, pibiaghena, pidiaghe, piliache Frases isbicadas de atacadorzas, lamentos de pediàinas, muizos de tudones Terminologia iscientìfica pzn, vanellus vanellus Ètimu srd.

pediànas peànas

pediàrbu peàrbu