A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

seidósu , agt Definitzione coment'e chi si lassat seidai, nau de ccn. chi si lassat pigare a ue o comente bolent is àteros, nau fintzes in su sensu chi iscurtat, cricat de cumprèndhere s'àteru Sinònimos e contràrios achistiadu, arrejonadu, resonile | ctr. rebessu Ètimu srd.

seidúra , nf Definitzione su sere, nau mescamente de sa manera de cicire Sinònimos e contràrios sédiu, setzidura / cuadhigada Ètimu srd.

séige, séighi sédichi

seíle , nm Definitzione acorru e aprigu inue s'isserrant is crabitos abandha de is mamas Sinònimos e contràrios edile*, irchile, seperadorju.

seína , nf, nm: esina, sesina, sisina, sisinu Definitzione cosa de pagu valore, su mesu de unu sodhu, chimbe centésimos de su francu sardu: si narat solu in su sensu de dinare pagu Sinònimos e contràrios isina Frases finas candho ses totu tramudadu no bales bator petzos de sesina! ◊ li dao sos pagos sisinos chi tenzo, bastet chi mi che let su pitzinnu Ètimu itl. sesino Tradutziones Frantzesu chose de quatre sous Ingresu half soldo, next to nothing Ispagnolu chuchería, de tres al cuarto Italianu mèzzo sòldo Tedescu von geringem Wert.

seirài saidài

sèiri sèdere

sèis se

seiséi , nm: sesè Definitzione su calagasu, bobboitedhu de tantas calidades chi est sa muda de s'erruca: portat alas totu coment'e pintadas, a magas de diferentes colores e paret chi portant farra e a dhas tocare lassant coment'e pruinedhu; babboi de soli, genia de bobboi cantu su podhighedhu, niedhu, a corros longos totu nodos, chi essit in is beranos Sinònimos e contràrios abadegasu, bellacasu, carravarina, lepilepi, maniposa, pabedha, papagasu / carrintolu, terriolu, tintirriolu Terminologia iscientìfica crp Ètimu srd.

seisèi , avb Definitzione a solu, de ditu suo Sinònimos e contràrios desei Frases su bixinu miu fiat murrungendi seisèi ◊ su mustu budhit seisèi ◊ sa figu si est carigada seisèi atacada a su cambu.

seiséi 1 , avb Definitzione andai s. = andhare o istare a su sei sei, coment'e cicindhosi, abbell'abbellu, a pagu a pagu, addàsiu.

seitógliu, seitórju secidórgiu

séitu , agt Sinònimos e contràrios sétidu Frases su zovanedhu non potiat mancu sa carena sua e si nche dormiat séitu in su banchitu.

séixi sédichi

sejàre , vrb Definitzione agatare, mescamente portare a ogu e agatare faendho dannu o male Sinònimos e contràrios acometare, aggreghestare, assitiai, segudare, sichire, sodigai / acatare, inseae Frases su bandhiu l'ant sejau iscorjandhe un'ochisorju ◊ aiat irballau no ca aiat furau ma ca si fit fatu sejare ◊ no amus acatau a nemos e mancu trata amus sejau ◊ e chirca chirca, lu sejat chin sa gama in d-unu campu de irbutu 2. in butzaca no fipo reséssitu a sejare s'iscatuledha de sos luminos ◊ nessune est reséssitu a sichire su funnu de sa miniera, mancu sa via chi aiant ligatu unu contone a totu sos cànnaos e sas socas sejatas in bidha Ètimu srd. Tradutziones Frantzesu suivre, talloner, surprendre Ingresu to catch, to shadow Ispagnolu seguir, pillar Italianu pedinare, sorprèndere Tedescu beschatten, überraschen.

séju ségiu

séju 1 , nm Definitzione trota pitica Sinònimos e contràrios groli, odhiolu, trotischedha, tzurrita Terminologia iscientìfica psc Ètimu srdn.

selabàtu , nm Definitzione erba o origa de molentis, genia de erba chi faet in is venadòrgios, bona po cura Terminologia iscientìfica rbc, Symphytum officinale.

selèbra , nf Definitzione genia de linna chi faet a tupa e creschet in logos de arena, de mare Sinònimos e contràrios àlimu, èlamu Terminologia iscientìfica mt, Atriplex halimus Ètimu ctl. salobre Tradutziones Frantzesu arroche halime, pourpier de mer Ingresu sea orach Ispagnolu orzaga Italianu àlimo Tedescu Keilmelde.

selédu , nm Definitzione a s. = a fragu Sinònimos e contràrios abbentada, arrancu, arrasta, fiacu 1, sentore.