A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

tesídhu , nm: tisidhu Definitzione orrugu de linna fine chi si ponet po poderare istirada una pedhe fintzes a sicare; fustigu chi si ponet a grughe cun àteru aintru de su casidhu de ortigu; crau de linna po firmare sos ultedhos a sas cannelas in is costanas de su carru; intacu (o tassidhu) chi si faet a sa síndria provandhodha si est cota Maneras de nàrrere csn: che at a istupare che t.! = che essit cràdiu!; èssere a unu tisidhu = ufradu meda, ufradu a casidhu Ètimu srd. Tradutziones Frantzesu tendeur Ingresu tightner Ispagnolu estaca, tensor Italianu tenditóre Tedescu Spanner.

tesólzu , nm: tesorju, tesorzu Definitzione logu inue s'isterrent is trastos samunaos, s'orrobba, po asciutare Sinònimos e contràrios istendhidorzu, spraxidroxu Frases est andhendhe a tèndhere sa robba in su tesorzu ◊ ndh'at regortu sos pannos dae su tesolzu Ètimu ltn. tensoriu(m) Tradutziones Frantzesu étendoir Ingresu drying rack Ispagnolu tendedero, tendalero Italianu stenditóio Tedescu Trockengestell.

tesòne, tesòni , nf, nm Definitzione sa largaria de su tessíngiu e tessíngiu etotu; tesoni est fintzes s'arretza chi is pillonadores parant po cassare pigiones Sinònimos e contràrios istesa / tasona Frases tessiat in su telarzu sa tesone ◊ sa tesone de su pannu si segàt po ndhe fàere tiàgias po su pane e po sa mesa ◊ at fatu unu tesone mannu Ètimu ltn. tensione(m).

tesoréri , nm Definitzione chie custódiat, càstiat o tenet siendha (fintzes donos e benes de genia ispirituale, culturale) Sinònimos e contràrios cdh. tisureri Frases tesorera celestiale, divina dispensadora, alcantzàdennos, Signora, remédiu pro donzi male! Tradutziones Frantzesu trésorier Ingresu treasurer Ispagnolu tesorero Italianu tesorière Tedescu Kassierer.

tesorería , nf Definitzione parte de un'amministratzione chi manígiat su dinare.

tesórju tesólzu

tesòro, tesòru , nm Definitzione cosa de valore meda, bene mannu, oraria puru Sinònimos e contràrios pósidu, prendha, siendha / cdh. trisoru Frases chie in limba sua s'ispiegat a sos chi sunt benzendhe a mundhu ancora unu immensu tesoro lis intregat (S.Bertulu).

tesórzu tesólzu

tèssera , nf Definitzione orrugu de linna o de tauledha po dhue fàere intacos a marcare cosa (candho funt duas, po iscumbatare comente torrant duos contos, si narant t. cojadas); genia de documentu chi atrogat de comente unu si est iscritu o marcau a calecuna organizatzione, o tenet diritu a calecuna cosa Sinònimos e contràrios cuncodrai, cumpònnere 2. sa tèssera de su partidu la zughet semper in busaca ◊ chini bisat trabballadoris a istracu baratu e masedus, chini trabballadoris cun sa tèssera de su sindacau o de su partidu 3. in tempus de gherra su túcaru, che a su recatu, fit a reséstiches, totu a tèssera Ètimu ltn. texera Tradutziones Frantzesu tesselle, carte Ingresu pass Ispagnolu carné, tarjeta Italianu tèssera Tedescu Stein, Karte.

tesserài , vrb: tesserare Definitzione iscríere o marcare a calecuna cosa o organizatzione pagandho sa tèssera.

tesseraméntu , nm Definitzione su tesserare.

tesseràre tesserài

tèssere , vrb: tèssiri Definitzione intrare apare sa trama cun s'ordiu, comente si faet mescamente in is telàrgios, fintzes a manera de arresurtare s'orrobba a figuras; istèrrere unu contu, cuncordare cosas, fainas, chistiones; nau de unas cantu linnas (es. follaera), su si agguantare a is àteras linnas / maneras de tèssere: a litzus, a briali, a ramu de ogu, a punta de agu, a bagas (o a lauru), a tauledha, a un'in dente, a pibiones Sinònimos e contràrios tessire Frases tèssere sa lana a telinu, a limone ◊ tessiat fàunas, fressadas e mantas a mustra de rosas ◊ su sonu de su telarzu fuit divressu segunnu su chi tessiat ◊ passendu in is bias de tretu in tretu s'intendiant is trelaxus tessendu 2. la tesset bene: como vidimus uve parat, comente lu cumponet, su contu, e comente lu ghirat! (B.Bandinu)◊ una faghevarina atesu atesu tesset bolos de sole in sas aeras ◊ tesse sa tela de sa libbertade dae Cabesusu a Campidanu! ◊ pessones e fatos intrant apare pro tèssere s'istória de sa tzente Sambenados e Provèrbios prb: s'ómini ordit e sa fortuna tessit Ètimu ltn. texere Tradutziones Frantzesu tisser Ingresu to weave Ispagnolu tejer Italianu tèssere Tedescu weben.

tesséu , nm Definitzione s'orrobba téssia Sinònimos e contràrios tessíngiu.

tessidòra , nf Definitzione fémina chi tesset Sinònimos e contràrios tessignana / cdh., ttrs. tissidora Frases nonna mia, de Iscroca, fut tessidora de cussas solenas ◊ fustis maistra in su ricamai e brava tessidora ◊ mamma, sa cortza, fit afainada che bona tessidora ◊ benindho tradu e bessindho a bonora tue as inténdhiu sa tessidora chi tessiat sa tela Terminologia iscientìfica prf Ètimu srd. Tradutziones Frantzesu tisseuse Ingresu weaver Ispagnolu tejedora Italianu tessitrìce Tedescu Weberin.

tessidòra 1 , nf Definitzione genia de erba, a campanedhas asulas Terminologia iscientìfica rba, Ipomoea purpurea.

tessidòre, tessidòri , nm Definitzione ómine chi tesset Sinònimos e contràrios tessingianu / cdh., ttrs. tissidori Tradutziones Frantzesu tisseur Ingresu weaver Ispagnolu tejedor Italianu tessitóre Tedescu Weber.

téssidu , pps, agt, nm: téssiu Definitzione de tèssere; chi est fatu a tessidura; cosa téssia Frases iat téssiu un'abbrodu a filicitus de oru e de prata, donendidhi sétiu de ispantu 2. s'ammontighedhu antigu de su pipiu fut téssiu in telàrgiu a pibiones o a iscacu 3. ahi de cantos filos est cumpostu su téssidu de s'amore pro custa terra mia! (G.Fiori) Tradutziones Frantzesu tissu Ingresu fabric Ispagnolu tejido Italianu tessuto Tedescu Gewebe.

tessidúra , nf Definitzione su tèssere Sinònimos e contràrios tessimentu / cdh. tissitura, ttrs. tissidura Tradutziones Frantzesu tissage Ingresu weaving Ispagnolu tejedura Italianu tessitura Tedescu Weberei.

tessignàna , nf: tessingiana Definitzione fémina chi tesset Sinònimos e contràrios tessingiaja, tessidora Frases sa tessignana est tessendho fressadas Ètimu srd.