A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

testevígliu, testevíxu tertevíllu

testificài, testificàre , vrb Definitzione fàere a testimóngiu, testimonia, atrogare, nàrrere su chi s'ischit de una cosa Sinònimos e contràrios atestimonzare Frases su chi issa contat est po testificai unu tempus de penas.

testighíle , nm: tistighile Definitzione orrughedhu de istrégiu de terra segau (pratu, cícara o àteru), de imbidru Sinònimos e contràrios cicílliu, ciciu, cínciaru, istighile, tertevillu, testile 1*, tzantzi, tzíntzulu, zínzaru 1, zínzili Frases in cussa domo su panimentu est prenu de testighile.

testilàtu , agt Definitzione nau de boe, chi portat is corros tropu ispratos, in paris (e no faet a dhu giúnghere) Ètimu srd.

testíle , nm Definitzione intacu in su giuale.

testíle 1, téstile , nm Definitzione orrughedhu de téula, de istrégiu de terra segau (pratu, cícara o àteru) Sinònimos e contràrios tabàciu / cicílliu, ciciu, cínciaru, tertevillu, trastighile, tzíntziri, tzíntzulu, zínzaru 1, zínzili Ètimu ltn. *testuile Tradutziones Frantzesu débris, tesson Ingresu tilefragment (kitchenware) Ispagnolu tejoleta, trozo de barro cocido Italianu còccio di tégola, di stovìglia Tedescu Scherbe.

testimógnu, testimóngiu , nm: distimóngiu*, testimonzu Definitzione (f. -a) chie atrogat calecuna cosa chi ischit o chi at bistu de chistiones angenas; su atrogare sa cosa chi s'ischit, su chi si narat atrogandho / testimóngiu de vista = chi at bistu sa cosa chi atrogat, chi dhue fut, si est agatau ananti a bíere su fatu Sinònimos e contràrios innetu, testimonia / cdh., ttrs. tistimognu Frases su portale de sa crésia mi siat testimognu! ◊ dognuna de cussas cosas est testimòngia de su tempus passau ◊ morit che unu cristianu sena de testimòngius po dhu pòdiri ammentai ◊ po dogna cosa chi sutzediat in sa bidha cudhas curriant in pretura a testimòngias 2. tocat a no nai falsus testimòngius Tradutziones Frantzesu témoin Ingresu witness Ispagnolu testigo, testimonio Italianu testimòne, testimònio Tedescu Zeuge.

testimonía, testimónia , nf Definitzione su chi si narat atrogandho calecuna cosa chi si connoschet po dh'àere bista / fàchere t. de una cosa = èssiri a testimòngius de ccn. cosa Sinònimos e contràrios distimóngiu, innetu Frases sa testimonia de tzertos autores cunfirmat chi sa Missa dae s'antigóriu si tzelebraiat donzi die ◊ s'istória de su pópulu si contat a paràulas ebbia, chena àteras testimonias ◊ totus li ant dadu testimónia de istima Tradutziones Frantzesu témoignage Ingresu witness Ispagnolu testimonio Italianu testimònio, testimonianza Tedescu Zeugenaussage.

testimónzu testimógnu

testírde , nf Definitzione genia de anade areste, anadi conca birdi o reale Sinònimos e contràrios concabbirdi, cracaciola Terminologia iscientìfica pzn, anas platyrhynchos Ètimu srd.

testòne, testòni , nm Definitzione moneda antiga, de prata Sambenados e Provèrbios smb: Testone, Testoni Ètimu itl. testone.

testorrúdu testarrúdu

téstu , nm Definitzione prus che àteru, istrégiu de terra po prantare calecunu frore (ma fintzes genia de sartàina po orrostire castàngia); fundhu de erba Sinònimos e contràrios brasieri, cochecastanza / paltera Frases si fuat acostiada una fémina cun d-unu testu de ollu profumau ◊ pro fàghere che babbu tou, fiore e testu destruia! ◊ dhui at unu testu de gravellus ◊ est unu testu de mairana totu ispistorau ◊ testu modhi de nènniri ◊ píganne su testu ca coghimus castanza! 2. su testu de s'afàbbica dh'apu postu in d-unu bòtu de liàuna Ètimu ltn. testu Tradutziones Frantzesu pot Ingresu vase, pot Ispagnolu tiesto, maceta Italianu vaso Tedescu Vase.

téstu 1 , nm Definitzione iscritura, fintzes líbberu iscritu Tradutziones Frantzesu texte Ingresu text Ispagnolu texto Italianu tèsto Tedescu Text.

testúghine , nm: tistúghine, tustughine Sinònimos e contràrios testainu, tistíghine Frases mi est cubanne a tustughine su segretu ascusorju de sa bida Ètimu ltn. *testugine(m).

testuíne testaínu

testulàda , nf Definitzione su testulare, móvia de unu testu a cropu po fàere girare sa cosa chi dhu'est aintru Sinònimos e contràrios testulonzu Ètimu srd.

testulàre , vrb Definitzione girare sa castàngia orrostindho in su testu cun móvias a cropu, coment'e a bentuladura, faendhodha inartare totu impare e lassandhodha orrúere aintru de s'istrégiu.

testúle , nm Definitzione conchedha de animaledhu macellau.

testulónzu , nm Definitzione su testulare, móvia de su testu a cropu po fàere girare sa cosa in s'istrégiu Sinònimos e contràrios testulada Ètimu srd.