A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

addobbàda , nf: addubbada Definition cropu chi si giaet apostadamente o de malesaura; su marcu chi abbarrat in su trastu po su cropu chi at leau Synonyms e antonyms addrobbulada, arropada, bultzonada, isciuta, trempa 2 Sentences a s'addobbada chi li at dadu ch'est rutu a buca a terra 2. ndhe at leadu, ndhe at tentu de addobbadas, cuss'isterzu, a s'imbola imbola de unu logu a s'àteru! Etymon srd. Translations French coup English stroke Spanish golpe, cardenal Italian percòssa, urto violènto German Schlag, Stoß.

addobbadòre , agt, nm Definition chi o chie addobbat, su chi addobbat, iscudet Etymon srd.

addobbadúra , nf Definition su addobbare, manera de fàere cosa a cropos Synonyms e antonyms addobbamentu Etymon srd.

addobbài , vrb: addobbare, addubbare, atobbai, atobbare, dobbare Definition iscúdere, giare cropos, atripare, pigare a cropos; atumbare o lassare andhare a cropu; acropare, cravare a cropos / a. su ferru = mazare, triballare su ferru in s'incúdine Synonyms e antonyms abbanzare, aciociai, acorpai, arropai, assurrare, atripai, cardare, carrubbare, ildobbare, isciúdere, magiare, sussare / tzocare / imbolare Sentences addòbbadi sa conca a sos muros, si no ischis it'e fàghere! ◊ intendiant cussa gennixedha addobbendisí de istrémpiu ◊ no ti paro sas palas nendhe "Addobba!" ◊ ista sériu, mighi ti addobbo! ◊ at addobbau tres cropus arrabiaus a sa genna ◊ una fémina arruendu at atobbau sa conca a unu truncu ◊ una die atobbeint a su batente: fit una pisedha minore 2. si ndh'est addobbadu subra mia 3. is sordaus iant addobbau is obbilus a Gesús po dh'apicai a sa gruxi Etymon srd. Translations French battre, frapper English to beat Spanish golpear, dar, sacudir Italian percuòtere, bàttere, sbàttere German schlagen, stoßen.

addobbaméntu , nm Definition su addobbare Synonyms e antonyms banzu, bultzonada, colpu, dobbe, irdóbbiu Etymon srd.

addobbàre addobbài

addóbbida, addóbbidu , nf, nm Definition cropu, atumbada de cosas chi andhant cun fuliesa una a cara de s'àtera, chi s’iscudent apare Synonyms e antonyms atàbbida, atapada, atumbada, atzapulada, colpu Sentences is màchinas de unu tempus candu teniant addóbbidu agiummai no dhis fadiat nudha ◊ is mascus atumbendi currint de atesu… piticu s'addóbbidu!◊ custu dolore a renes est addóbbida chi apo leadu! Etymon srd.

addóbbu , nm Definition su acropare, is cropos Synonyms e antonyms banzu, bultzonada, colpu, dobbe, irdóbbiu Sentences at inténdiu un'addobbu légiu a s'enna de ndi fai assustrai povintzas su prus abbistu Etymon srd. Translations French coup English blow Spanish golpe Italian percòssa German Hieb.

addobiàda , nf Definition su addobiare, su fàere s'atóbiu, su si agatare impare cun àteros po chistionare o fàere ccn. cosa Synonyms e antonyms abboja, abboju, abbojada, abbojamentu, abbucu, addóbiu, atopu, azóviu, incontra Etymon srd.

addobiadúra , nf Definition su addobiare Etymon srd.

addobiàre , vrb: addoviare Definition bènnere apare de personas, animales o cosas chi si movent s'unu a cara a s'àteru Synonyms e antonyms abbogiare, addopare, adobiai, azobiare, coviare, obiai / aporrire Sentences candho si addóbiant in su caminu si acúrtziant deretu ◊ at addobiau su babbu falandhe a ube fit trabballandhe ◊ apo addoviau zente meda chi mi connoschiat.

addóbiu , nm, nf: adóbia, adóbiu, atóbiu Definition su addobiare, bènnere apare, nau fintzes in su sensu de agiudu chi si giaet a s'àteru o de rimédiu a calecunu male (o fintzes manera de istare su pastore addenanti de su bestiàmene in logu apertu po chi no fatzat dannu andhandho a s’afaiu)/ fai adóbias = abbojare; tènniri adóbiu (nadu de ccn. cosa) = àere assemizu, fàghere de paragone, nadu prus che àteru a nega pro abbetiare chi bi ndhe at menzus o prus mannu Synonyms e antonyms abboja, abbojada, abbojamentu, abboju, abbucu, addobiada, addopu, atopamentu, azóviu, imbicu, incontra / agiudu, rimédiu Sentences immó un'iscuadra a cuadhu est andendu a dhi fai adóbias a su ponti de Mòguru 2. po su mali suu no nc'est addóbiu ◊ pagu bellu… no tenit adóbiu! Etymon srd. Translations French rencontre, congrès, réunion English meeting Spanish encuentro Italian incóntro, convégno German Begegnung.

addoboscàda , nf Definition su addoboscare, surra Synonyms e antonyms banzu 1, cabossa, carda, pista, sussa Etymon srd.

addoboscàre , vrb Definition batire o orrúere a malu puntu in miséria materiale e morale, atripare, pistare, fragassare Sentences fughindhe dae presone, ch'est orrutu a terra addoboscàndhesi e torrandhe in manos de zustíssia.

addochiméntu , nm Synonyms e antonyms abertimentu, ammonestamentu, ammonestu, atisbada, consígiu, tocamentu Sentences sa morte, che un'ànghelu malu, faghet s'annuntziada chentza addochimentu!

addoddoàe, addoddoài , vrb Definition su si chesciare po dolore, istare a lamentu Synonyms e antonyms poliare.

addogiàu , agt: addozau Definition chi sentit dolore, chi est totu a dolores (e addozau pps.); chi est dispràxiu 2. l'ischint sas ancas meas comente so istracu e addozau! ◊ zuchet sas manos cancaradas e addozadas dae su murghinzu ◊ babbu fit betzu, arrimau e sèmpere addozau ◊ candho pesabat fit abborticau e addozau 3. no bi resessiat a si nche istresiare dae cussu locu ammaghiau e pro cussu fit airau e addozau (S.Spiggia).

addóidu , nm Definition doa, s'illimpióngiu chi si faet ororu de unu terrenu po no intrare fogos fuios Synonyms e antonyms doa, dovatu Etymon srd.

addojadítu , agt Definition nau de su cuadhu, chi si assicat po nudha, chi est assicósigu Synonyms e antonyms addrojadu, addrojanu, apupaditu, assumbraditu, assumbrósigu, aumbraditu, subidhosu Sentences sunt cadhos solàsticos, addojaditos e iscunfiantzosos Etymon srd. Translations French ombrageux English touchy Spanish asustadizo Italian ombróso, fàcile a spaventarsi German scheu, schreckhaft.

addojàre , vrb: addrojare Definition pigare assíchidu po dónnia cositedha, bíere cosa de tímere in dónnia logu Synonyms e antonyms abbabbarrotai, adumbrai, arreselai, assumbrai, umbrai 2. sa upa de sos mannos addojat sas isperas istranzas Etymon srd. Translations French s'effaroucher English to shy Spanish ensombrecerse Italian adombrarsi German scheuen.