A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

apantaviàre , vrb Definition fàere a tímere meda, pigare assíchidu Synonyms e antonyms apantejare, apramare, apupurrare, asciuconare, asciustrare, aterrighinare, ispramai, istrementire, isturdinare Sentences faghent tzocos e sonos chi apantàviant totu sos de sa leada ◊ bidindhe a Maria Intaulada si sunt apantaviados totu Translations French effrayer English to frighten heavily Spanish aterrorizar Italian intimorire forteménte German verängstigen.

apantàviu , nm Definition timoria manna, assíchidu Synonyms e antonyms acíchidu, apantarju, aporu, asciuconu, assàrtiu, assúmbridu, assústidu, atraghentu, dannu, ilgiru, isprama Sentences sos "ohis" e sos "ahis" pariant essendhe dai s'isprofundhu, orizados de traschias, de assuconos, de apantàvios e de minetas (G.Ruju) Etymon srd. Translations French terreur, effroi, frayeur English terror, dismay Spanish terror, desconcierto Italian terróre, sbigottiménto German Schrecken, Bestürzung.

apantejàre , vrb Definition pigare assíchidu, tímere, fàere a tímere Synonyms e antonyms apramare, asciuconare, asciustrare, aterrighinare, ilgirare, ispramai, istrementire, stremessiri Sentences si est apantejatu canno at intesu carabbineris ◊ sos fitzos sont apantejatos videnne su babbu goi male vogliatu ◊ si apantejat a su cantu de s'istria ◊ custu l'ant imbentatu pro apantejare sos pitzinnos chi cherent essire a denote Etymon srd. Translations French épouvanter English to frighten Spanish asustar Italian spaventare German erschrecken.

apantéju , nm Synonyms e antonyms acíchidu, arrore, asciuconu, assàrtiu, assúmbridu, assústidu, ilgiru, ispantu, ispàsamu, isprama, tzurrumbu Sentences bidia sos chelos minetandhe s'apanteju Etymon srd. Translations French peur English fear Spanish miedo Italian paura German Angst.

apantroxài , vrb Definition abbarrare crocaos che una pantòrgia, istare a tropu in su letu po mandronia Synonyms e antonyms arreulare Sentences cantu bortas mi ndi apu a èssi pesada sentza de orbesci, e cussu apantroxau me in su letu! ◊ su nai ca teniu su cuadhu atacau de is cincu e cussa a is otu fiat ancora apantroxada che una madri próssima! Etymon srd.

apantzighedhàdu , agt Definition nau pruschetotu de gente, chi portat bentre manna, bentrudu Synonyms e antonyms bentrimannu, bentrone, frentudu, porodhosu, sachetone, matimannu Etymon srd.

apapàre , vrb Definition prus che àteru tocare aprapidandho, a s'aprapu, tocare, bènnere apare Synonyms e antonyms tocai Sentences sas ideas no si apapant: in sa vida ti atapas! Etymon srd.

apapasciàre apabassài

apapassàda , nf Definition su apabassare Synonyms e antonyms apabassadura Etymon srd.

apapassadúra apabassadura

apapassàre apabassài

apapassàu , pps, agt Definition de apapassare; chi est fatu a pabassa.

apapiàre , vrb Definition ispergiare o betare abba a istídhigos Synonyms e antonyms babbiscare, ispergiare.

apapinàre , vrb Definition istare, abbarrare o èssere coment'e ammammalucaos, su si troboire foedhandho; pigare s'àteru a ingannu, in trampa Synonyms e antonyms impampinare / coglionai, colovrinare, imbovai, ingannai 2. pro apapinare sa zente su deputadu est torradu a preigare in piata boghendhe a pizu promissas Etymon srd. Translations French s'embarbouiller English to get flustered Spanish embarullarse, trabucarse Italian impappinare German sich verhaspeln.

apapíngiu , nm Synonyms e antonyms apapiu, iscalfíngiu, mandhichintzu, pàpidu, ratinzu Sentences tèngiu apapíngiu a is peis Etymon srd.

apapiràre , vrb Definition fàere in paperi s'interessu a unu Sentences bidenne su bonu incrinu chi bi poniat su pitzinnu in su travàgliu, l'at apapiratu e canno est mortu li at lassatu totu Etymon srd.

apapíu , nm Definition papíngiu, bisóngiu de s'iscràfere; nau de unu fàere, su istare buscandhosidha, cricandho ocasiones Synonyms e antonyms iscalfíngiu, mandhichintzu, pàpidu, papiu, ratinzu 2. cussa piciochedha mi parit ca tenit apapiu!… Etymon srd.

apàpu apàlpu

apapughinàu , agt Synonyms e antonyms ammeravizadu, trassicu Sentences andhat a si apompiare in s'ispricu ma abbarrat apapughinau biendhe chi sas uricras si li sunt incurtziadas! Translations French étonné English astonished Spanish asombrado Italian stupito German erstaunt.

àpara , nf, nm: àparu Definition porru de angioni, genia de erba areste chi faet unu pagu che a s’àgiu, ma a cambu meda prus fine, biancu, unu pagu a conca (pagu prus grussa de su cambu) in s'oru de is arraighinas, unu pagu a triàngulu (in setzione), frores biancos a pubusone in punta furriaos conca a bàsciu a bisura de campana, de fragu e sabore forte, bona a papare Synonyms e antonyms antzangioni, gusaju, porru / cdh. sàmbula Idioms csn: falàresi chei s'àpara in su mese de maju = arrui acomenti fait cust'erba in maju, candu si acaramat e sicat; genia de frastimu: abbasciau chei s'àpara!; vívere a coa de àpara = campare a fàmine, a dilléziu, cun cosighedhas de pagu contu Sentences sos amministradores ant intituladu carrelas e piatzas a zente chi a bidha no li at dadu mancu un'àpara ◊ che fuint essidos time time, cun sas ancas modhes che àparu in maju (A.Cossu)◊ amus fatu sa falada chei s'àpara de maju! Scientific Terminology rba, rbz, Allium triquetrum Etymon ltn. cappara Translations French ail à trois angles, ail triquètre English wild garlic Spanish lágrimas de la virgen Italian àglio angolare German Glöckchen-Lauch.