Ditzionàriu in línia
de sa limba e de sa cultura sarda

immutzurràre , vrb: irmuciurrae, irmutzurrare, ismutzurrare, smuciurrai Definition segare cosa (longa) a incurtzadura, lassandhondhe unu tretu Synonyms e antonyms arrogai, ilmutzare, ilmurrutzare, immutzudhare, irmurtzinare, ismesujare, ispuntai, istuturai, mutzurrare, truncai Sentences ant immutzurradu sos ozastros pro los iferchire ◊ si si che sicat cussa inferchidura restas unu pirastru ismutzurradu ◊ su molinedhu che l'at immutzurradu su pódhighe mustradore destru Etymon srd. Translations French rompre, casser English to break Spanish romper, partir Italian spezzare German brechen.

impabonài , vrb: impaonare, impavonai, impobonai, impobunai Definition incasciare filos de oro o de prata in s’atzàrgiu po bellesa; trebballare su ferru po dhi giare unu colore lúghidu Etymon spn. empavonar Translations French damasquiner English to damascene Spanish damasquinar Italian damaschinare German damaszieren.

impabuciàre , vrb Sentences tue impabúcia pabiros e mudu! Translations French écrivailler English to scribble Spanish emborronar Italian scribacchiare German lustlos schreiben.

impaguríre , vrb: impauriri Definition tímere, fàere a tímere Synonyms e antonyms apantarjare, asciuconare, asciustrare, aterrighinare, ispramai, istrementire, spaurai, stremessiri | ctr. aminare, incoragire, incorai Sentences su dimóniu, no solu de sos minores, impagurit fintzas sos ómines de letrancas ◊ sa mama, candu at inténdiu aici, si est impauria Translations French épouvanter English to scare Spanish asustar, espantar Italian impaurire German einschüchtern.

impandheràre , vrb Definition pònnere is bandheras Synonyms e antonyms abbanderai Translations French pavoiser English to hang with flags Spanish embanderar Italian imbandierare German beflaggen.

impannàe, impannài, impannàre , vrb Definition pònnere impannu, coment'e leare sa vista cun calecuna cosa chi no lassat bíere bene (es. fumu), pònnere in ogos una genia de velu; leare o annapare sa vista cun sa lughe a tropu; a logos, fascare (mescamente nau po pipios piticos) e fintzes carragiare, ammontare, pònnere s'aforru Synonyms e antonyms afuscai, annapai, imbelare, inchelare, infuscai, intelai / alluinai, illughinare / fascai / carragiai / forrare Sentences una nue trista impannadu mi at sa vista (Grolle)◊ sos ojos mios si sunt impannados, sas manos si sunt fatas tremuleas ◊ de néula lu bides impannadu ◊ cussos ammentos li vatuant tristura a su coro impannànneli sos ocros 2. su sole m'impannat ◊ si ant postu sas manos in cara pro no los impannare su sole 3. s’àcua aviendi de sa diga nd’impannat totu su sartu bonu de sa forada de monti ◊ su sartu fut impannau de bestiàmini ◊ su celu fut impannendusì e si fut serrau in totu de s'annúelu Etymon spn. Translations French brouiller la vue English to mist (up) Spanish empañar Italian appannare German verschleiern.

impannitzíri , vrb, rfl Definition pònnere bestimentu bonu, nau de unu bestiu in poberesa; in cobertantza, migliorare, andhare in bonu, fàere fortuna Synonyms e antonyms abboniare, assusai Translations French nipper English to dress again, to get rich Spanish arreglarse, acicalarse Italian rimpannucciare German neu einkleiden.

impaperotài , vrb: impapirotare Definition fàere a imbodhigu, pònnere cosa imbodhigada, fata a imbodhigu Synonyms e antonyms imbodhiai Translations French entortiller English to put in a paper bag Spanish enrollar Italian incartocciare German in eine Tüte geben.

imparài , vrb: imparare Definition connòschere, cumprèndhere e pònnere a notu is cosas fintzes a dhas ischire fàere; ispiegare e fàere a connòschere is cosas a is àteros po chi dhas iscant e fintzes fatzant Synonyms e antonyms istudiai / insegnare | ctr. disimparare, ilmentigare Idioms csn: i. a su babbu a fai fillus = pretènnere de imparare sa cosa a chie ndhe ischit de prus; i. s'iscola = pigai un'abbitúdini de fai, de fuedhai Sentences dhue at sèmpere de imparare de sa gente antiga ◊ cada cosa chi si biet fata s'imparat a la fàchere ◊ sa filla at imparau is trassas de sa mama ◊ bene fatu: gai imparas a fàghere cosa chi no depes! ◊ po imparare a camminare, su pipiu andhat de iscannu a iscannu poderandhosi cun is manighedhas 2. beni ca babbai t'imparat a nedai! ◊ margiani mannu imparat is margianedhus ◊ iscít a iscriri gràtzias a una meri cuscensiosa chi dh'at imparau ◊ creo in Deu, prite mi ant imparadu a l'istimare dae minore mamma e babbu meu (P.Mereu)◊ a su mastru l'iscrio unu mandhatu chi segundhu su nóbbile cuntratu m'imparet trinta dies in su mese (M.Murenu)◊ cussu est mastru chi at imparadu àteros mastros Surnames and Proverbs prb: fadhendu s'imparat Translations French apprendre, enseigner English to learn, to teach Spanish aprender, enseñar Italian imparare, apprèndere, istruire, insegnare German lernen, belehren, unterrichten.

impasàre , vrb Definition firmare unu pagu po pàusu, faendho ccn. cosa Synonyms e antonyms firmai, pasai, tasire Etymon srd. Translations French faire halte English to stop Spanish pararse Italian sostare German halten.

impastài, impastàre , vrb Definition fàere s'impastu, nau mescamente de sa farra chi si ammesturat cun su frammentu e abba e si aprontat po fàere a pane, o de àteras cosas chi si ammesturant a morigadura cun abba (es. arena, cimentu, crachina, terra) Synonyms e antonyms cumassai, inturtare 2. cussos sunis bàrbaros impastados a fele Translations French pétrir, mélanger English to knead, to mix Spanish amasar Italian impastare German kneten, anrühren.

impastociàre , vrb Definition contare o nàrrere fàulas, pigare in trampa, a ingannu Synonyms e antonyms abbovai, abbuvonare, coglionai, coluvronare, imbaucare, imbelecare, imbuvonare, improsae, ingannai, ingrangugliare, piocai, scafai, trampai Etymon itl. impastocchiare Translations French raconter des histoires English to tell fibs Spanish zurcir Italian raccontare fandònie German Flausen erzählen.

impastulàre , vrb Definition impastare male, nau pruschetotu in su sensu de betare apare foedhandho, foedhare chentza precisione; rfl. imbrutare, cunfúndhere foedhandho Synonyms e antonyms impapulare, impastufare, ingannai Sentences est impastulendhe unu muntone de fàulas Etymon srd. Translations French mêler English to huddle Spanish amontonar Italian accozzare German zusammenwürfeln.

impatriài , vrb Definition torrare a sa pàtria, a logu suo Translations French rapatrier English to repatriate Spanish repatriar Italian rimpatriare German heimkehren.

impedhitzài , vrb Definition coment'e arrèschere in mesu (de sa lana) de una pedhe chentza ndhe pòdere essire, su si agatare in mesu de chistiones malas a bínchere Synonyms e antonyms impedhulare, ingarrutzai Sentences no cumintzeus a impedhitzai is cosas: pòngiat a verbali sa proposta chi ant fatu is cuntzilleris! 2. seu andau de un'atopu a s'atru, mi seu agatau mesu impedhitzau e apu tentu abbisóngiu de dinai (A.Garau)◊ no praxit mancu a fustei a èssi impedhitzau in mesu de custas cosas Translations French s'empêtrer English to pitch, to get involved Spanish meterse Italian impegolarsi, impelagarsi German sich verstricken.

impedíre, impedíri , vrb: impidire Definition istrobbare, fàere o pònnere istrobbu de no lassare fàere una cosa e ne lòmpere a un'iscopu Synonyms e antonyms chitai 1, controire, impedumare, impidizare / preubbire Sentences sa timoria de sa morti t’impedit de bivi, ma non de morri ◊ sa gherra li fit impedindhe de frecuentare in s'universidade 2. t'impedo de passare in su logu meu! Etymon itl. impedire Translations French entraver, s'opposer English to obstruct Spanish obstaculizar Italian ostacolare German behindern.

impedràre , vrb: imperdai, imperdare, imperdiai, impredare Definition fàere s'incodau, fàere su pomentu a pedra mescamente de is orrugas o de àteru tretu po passare; intostare che pedra, fàere a pedra / i. a tellas, a cogorus Synonyms e antonyms apedrare, intostai / incoduai 2. su tzúcuru postu in su fogu s'iscallat e apustis, lassau infridai, s'imperdat Etymon spn. Translations French caillouter English to cobble Spanish empedrar Italian acciottolare German mit Kieselsteinen pflastern.

impedumàre , vrb Definition istrobbare, no lassare fàere sa cosa Synonyms e antonyms impedire, isdrobbare | ctr. agiadai, audire Sentences si cheres fàghere cussu, chie ti l'impédumat? ◊ no mi poteint impedumare de lis pònnere fatu Etymon srd. Translations French empêcher English to block Spanish impedir Italian impedire German hindern.

impegnài, impegnàre , vrb: impignare, impinnare 1, impinzare Definition giare in prendha ccn. cosa, giare unu píngiu; pònnere a fàere in o a calecuna cosa, ma nau mescamente in su sensu de impromítere, pònnere cabu a fàere una cosa, fintzes decídere Synonyms e antonyms impiciai, imprendai, impromíntere, promíntere Idioms csn: i. sa fidi, su fuedhu = dare sa fide, sa peràula; i. sa peràula = assigurare su chi si narat a zisa de zuramentu, de promissa, de mineta; i. una promissa = fàghere votu (a unu santu); impinnare chi… = promíntere de…; fàghere una cosa a s'impinnada = cun s'idea frimma de la fàghere, faghindhe de totu pro resessire; sa die impinnada = sa dí decídia o impromítia po fai calicuna cosa 2. in créjia at postu sa barba sua a sa Santa comente aiat impinnadu ◊ cudhos chi navant de mi che torrare t'impinnavant su chelu ◊ a su sordau li ant impinnau chi lu mandhant a domo ◊ sos candhidaos pedindhe botos a chie impinnabant postos, a chie pasturas baratas ◊ su babbu l'at impinnada a Lillicu, a Maria ◊ mi so impinnau a sos santos pro mi fàchere sa gràssia 3. as a bídere chi lu faghes fintzas a malaggana: peràula chi t'impigno deo! ◊ aiat impegnadu de andhare a un'àteru logu Translations French engager, s'engager English to pawn, to commit oneself Spanish empeñar Italian impegnare German verpfänden, sich verpflichten.

impeorài , vrb: impeorare, impeuai, impeurai, impiorai Definition essire peus, andhare male, de male in peus Synonyms e antonyms aggravae, ammalesci, immalèsciri, impeusare, pejorare | ctr. megliorai, mediare Sentences sa maladia est impeurendi ◊ cussu trincu no est sanendi: est impiorendi ◊ ariseu tzia Belledha si est impeurada e notesta est morta ◊ isperaus chi custu no siat po impeurai is cosas! Etymon spn. Translations French empirer English to worsen Spanish empeorar Italian peggiorare German verschlechtern.