Ditzionàriu in línia
de sa limba e de sa cultura sarda

bolizàre , vrb: abbuligiai 1, bolluzare, boluzare, bulizare, bullizare, bullugiare, bullujare, bullutzare, bulluzare, buluzare Definition murigare, mòvere e avolotare, nau pruschetotu foedhandho de abba o cosas deasi; fàere burdellu Synonyms e antonyms abbolojare, abborotai, abbussiare, ammoroscare, bugliare, intruai, istriulare, sciambullai, trubulare, trullare, trumbugliai / abbaunzare Sentences ant boluzadu sa funtana, boluzadu est su trainu ◊ si bulluzat su mare, dae subra l'inchimerant sas nues… in pag'ora est un'inferru! ◊ su rivu curriat in mesu de pretas biancas, bullutzatu Etymon itl. bollire Translations French troubler English to numb Spanish enturbiar Italian intorbidare German trüben.

boltàre , vrb: bortare, bortiare, vortare Definition furriare a s'àtera parte, fache a ccn. po agiudu, po foedhare; fàere fúrriu, cambiare; pigaresidha contras a chie cumandhat, contras a ccn. Synonyms e antonyms colojare, furriai / cambiai, imbortare Idioms csn: bortàresi a su ferru ruju = no tènniri arrispetu po nudha e po nisciunus; boltare sos chervedhos = ammachiaisí Sentences sos mazores no ischiant a cale santu si bortare e dubba chi si lis presentat unu ◊ si ch'est bortadu a s'àtera bandha candho at bidu a mie ◊ bolta a nois sos ògios tuos! 2. onzi dimóniu si est boltadu a santu ◊ farina de tiàulu si boltat in telau ◊ s'allegria mea como si mi fit bortiandhe in tristura ◊ sa balentia dae valore che l'ant bortata in cosa leza ◊ a s'intèndhere su frúsciu de su trenu s'àinu si est boltadu a dimóniu! ◊ si tiat bortare su tempus, tandho fortzis tiat sanare 3. fint medas sos bandhios chi si bortabant in d-unu chin pastores e carbonarjos in cussos litos 4. sos minores si sunt boltendhe a sos mannos ◊ fache discostare sa runtzinalla chi si m'est bortada ◊ li at atunchiau s'istrópiu de s'orgógliu e tandho si est bortau ◊ su poledhu, candho si sapiat zente colàndheli serente, si bortabat a càrchides 5. si sutzedit calchi cosa no boltes culpas a mie! 6. est gai isurzidu chi si bortat a su ferru ruju (G.Ruju) 7. in custu carrasegare ses boltendhe sos chervedhos Etymon ltn. *voltare Translations French tourner, se retourner English to turn against s.o., to rebel Spanish darse vuelta Italian voltare, rivoltarsi German wenden, sich auflehnen.

boltulàre , vrb: bortulare, botulare, vortulare Definition furriare o fàere orrúere a terra, orrúere, betare apare sa cosa chentza órdine perunu lassandhodha posta a tréulu, pònnere sa cosa farrancas a susu Synonyms e antonyms botulare, corriare, fruschinare, imbrotulare, iscrucuedhai, isvortulare, lodhurare, tambulare Sentences ant boltuladu su logu a fundhu in susu ◊ si su padronu tiat ischire in cale ora benit su ladru, tiat bizare e no si tiat lassare bortulare sa domo ◊ s'ampulla si est male posta che podet bortulare ◊ cussa cosa fit ritza ma ch'est bortulada Etymon ltn. *vol(u)tulare Translations French renverser English to overturn Spanish revolver, volcar, mezclar Italian rivoltare, rovesciare German umkehren, umwerfen.

bombardài , vrb: bombardare, bombordare, bumbardare Definition betare bombas Synonyms e antonyms abbombiai Sentences me in Gonnus is americanus iant bombardau e iant fatu prus de centu mortus ◊ una noti iant bombardau su castedhu e ndi furiant arrutus is murus e ant tudau totu ◊ sos Americanos sunt bombardenne in Irak ◊ su tzocu mi fateit pensare a cussa nave de gherra chi bombardaiat Translations French bombarder English to shell, to bomb Spanish bombardear Italian bombardare German bombardieren.

bòmbere , vrb Definition caciare, torrare de s'istògomo sa cosa chi unu at papau, nau fintzes in su sensu de bogare cosa meda; èssere a conos, àere gana de caciare; orròschere a unu; pagare o prànghere po su male fatu: s'impreat prus che àteru a pps. (bómbidu, bómbiu) o a inf. / bòmberenche su frocu de s'ànima = catzàrendhe sos ogros, caciaindi totu Synonyms e antonyms arrevesciai, bombare, bombitai, butare, caciae, gòmbere, istercorare / marigai Sentences est a cónios e comintzandhe a bòmbere ◊ sa miniera aiat incomintzatu a bòmbere abba chi s'aiat piligatu rocas, funnos e donzi cosa ch'imbeniat ◊ ambos duos si aiant apompiatu su chi nche aiat bómbitu su frastinzu 2. como los apo bómbidos custos argas de muntonarzu chi no ischint fàghere àteru si no dare ifadu a s'àteru! 3. addaghi mi che segas ben'ene sa passéntzia che la bombes totu a una bia! Etymon ltn. vomere Translations French vomir, avoir du dégoût pour… English to vomit, to loathe sthg Spanish vomitar Italian vomitare, avére qlc. a nàusea German brechen, vor etwas Ekel empfinden.

bombiàre , vrb Definition coment'e torrare agoa su sonu candho agatat ananti ccn. cosa Synonyms e antonyms arreddobbai, arrembombai, atumbidai, intumbidare, intumbire Etymon srd. Translations French résonner, retentir English to rumble Spanish retumbar, resonar Italian rimbombare German dröhnen.

bombitài, bombitàre , vrb: bumbitare, vomitai Definition caciare, torrare de s'istògomo sa cosa chi unu at papau; bogare a fora a meda coment'e caciadura; èssere a conos, àere gana de caciare Synonyms e antonyms arrevesciai, bombare, bòmbere, butare, caciae, conare, gòmbere, istercorare Sentences su carabbineri che at bombitadu su chi zuchiat in corpus bidindhe cudhu cun su leputzedhu ficadu in su coro 2. acudesit su trenu bombitendhe fumentu, ca tandho fit a vapore Etymon itl. Translations French vomir English to vomit Spanish vomitar Italian vomitare German brechen.

bordài , vrb: abbordai, brodai, brodare Definition fàere mustras, disegnos, figuras cun d-una genia de cosidura a filu de diferente colore po bellesa in is trastos, in is orrollos / b. a tamburru, a ramus, a granu de órgiu Synonyms e antonyms alamarare, obrare Sentences abberi, pitzinnedhu innotzente, sa bertuledha chi mama tua at brodadu cun filos de oro! (G.Maieli) Etymon spn., ctl. bordar, brodar Translations French broder English to embroider Spanish bordar Italian ricamare German sticken.

bordigiài, bordigiàre , vrb Definition andhare a biraorba, furriandho de parte, navigandho a bentu contràriu Sentences su bastimentu torrat a bordigiai ◊ navighendhe a vela istesa cun fieresa bordigendhe Translations French louvoyer English to tack Spanish bordear Italian bordeggiare German lavieren.

borriàre , vrb: abborriare Definition su si pesare a boghes chi faent is àinos Synonyms e antonyms abborrochinare, barroinae, borrare, borrighinare, corrinai, orriare Sentences fit unu finimundhu s'aininu burdellu: sos àinos dae fundhu borriaiant totu (Pealesu) Scientific Terminology bga Etymon srd. Translations French braire English to bray Spanish rebuznar Italian ragliare German iahen.

borrighinàre , vrb: borrochinare, burruxinari Definition istare a corrighinos, a borróilos, nau prus che àteru de bestiàmene bulu / ite ses borrochinandhe?! = ita tenis a tzérrius?! Synonyms e antonyms abborriare, ammuilare, barroinae, borrare, borridare, corrighinare, corrinai, muniae Sentences is mallorus funt burruxinendi Etymon srd. Translations French mugir English to moo Spanish mugir Italian muggire German muhen.

borulàre 1 , vrb Definition fàere crocólios in bentre, in istentinas Synonyms e antonyms currulare Etymon srd. Translations French gargouiller English to gurgle Spanish borbotear, gorgotear Italian borbogliare German knurren.

bos , prn: bosi, vos Definition prn. de sa de duas personas pl. (o de arrespetu po una persona manna, po una persona chi no si connoschet) postu coment'e cumplementu: a boso, a bois, a bosatrus, a fustei Synonyms e antonyms si Sentences bos fato andhare, bos so nendhe, bos cherzo a domo, bos so iscurtendhe, bos dao custu ◊ custu est su líbburu chi bosi presentaus ◊ beh, adiosu: zeo bosi lasso ca tenzo de atèndhere! Etymon ltn. vos Translations French vous English to you Spanish vos Italian vi (prn) German euch, Sie, Ihnen.

botài , vrb: botare Definition pigare a befa, betare botas, foedhare a befa de ccn. Synonyms e antonyms diciare, isciafetai Etymon srd. Translations French plaisanter, badiner, persifier English to joke (about s.o., stg.) Spanish picar, vacilar Italian motteggiare German spötteln.

botzicàre , vrb rfl Definition lòmpere a pitzu a unu po dhi fàere male Synonyms e antonyms afarcai, allupiri, atzurrire, intriglire / carriai Sentences si li sunt botzicaos sos canes ◊ sa martinica si li est botzicada a supra e li at irbinarjau sas bestes 2. issu ligabat a pisíliche sas ballizas e si las botzicabat a pala Etymon srd. Translations French se jeter (sur), se lancer (sur) English to throw oneself Spanish abalanzarse Italian avventarsi German sich stürzen.

bragài , vrb: abbragare 1, bragare Definition fàere braga, èssere cuntentone de una cosa, de sèi etotu, su si pigare a bàntidu o su si giare bàntidos Synonyms e antonyms lantarinare, spamparrai Sentences fit bragandhe ca giuchiat sa camisa ammedonada a beculeris mannos ◊ una corròncia si che tzacat braghendhe in mesu de sos paones, bestida cun pumas de paone ◊ de su monte chi tenent ant resone a si ndhe bragare Etymon srd. Translations French faire le m'as- tu-vu, faire le fanfaron English to boast Spanish hacer el fanfarrón Italian spacconeggiare, fare lo spocchióso German prahlen.

bravantài, bravantàre , vrb Definition fàere su brafanteri Synonyms e antonyms bravanteriai, bravatonare, ismagliatzare, ladrare Sentences si est bravantau chi mi at basau Etymon srd. Translations French faire le bravache, se vanter English to boast, to brag Spanish jactarse Italian braveggiare, millantare German prahlen, angeben.

bravatonàre , vrb Definition fàere su brafanteri Synonyms e antonyms bravantai, bravatzare, ismagliatzare Etymon srd. Translations French faire le bravache English to grag Spanish jactarse Italian braveggiare German prahlen.

brevàre , vrb: brivai, brivare, privai Definition leare calecuna cosa a unu lassandhodhu chentza nudha, o fintzes fàere a mancu de calecuna cosa; ordinare de no fàere o de no papare calecuna cosa / pps. brivadu, brivu Synonyms e antonyms controire, ispossidiri, preubbire Sentences si est feu a si brivare de su tantu chi pro su vívere est netzessidade, s'istruvusciare est peus ateretantu! (A.Paba)◊ si est brivadu de su chi teniat pro lu dare a unu bisonzosu ◊ si mi brivant de te comente apo a fàghere! ◊ s'astrintura ti faghet brivare de dogni cosa e patire che colora! ◊ su tempus mi at brivadu de disaogu 2. su dotore dh'at brevadu de bufare binu ◊ no t'istimo, columbu, ca babbu mi at brivadu ◊ su dutore li at brivadu de fumare Etymon itl. Translations French priver, interdir, défendre English to deprive, to forbid Spanish privar, prohibir Italian privare, proibire German berauben, verbieten.

brevetàre , vrb Definition assegurare un'imbentu a chie dh'at fatu a manera chi no si ndhe aprofitet àtere Translations French breveter English to patent Spanish patentar Italian brevettare German patentieren.