A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

arraspiàdu, arraspiàtu , agt Sinonimi e contrari rasposu / arrodadu Frasi a dontzi posta de cugliera chi nos ghetamus a buca nos lassat sa gula arraspiata pro met'ora 2. su massaju fit cun sa farche arraspiada a nou Etimo srd.

arràspidu , agt: ràspidu Definizione chi arreschet, coment'e arrasigandho unu pagu Sinonimi e contrari arraspinosu, arraspiosu, arrescidhosu, faratzosu, rafiganzosu, raspitzu, rasposu | ctr. lísiu, pranu Etimo srd.

arraspinósu , agt: arraspionosu, arrespinosu, raspinosu Definizione agiummai coment'e fatu a raspa, chi no est lisu, chi arreschet unu pagu a dhi passare sa manu Sinonimi e contrari arràspidu, arraspiosu, faratzosu, grispau, rafiganzosu, ràspidu, raspitzu, rasposu | ctr. lísiu, pranu Frasi su sirboni portat su dossu arraspionosu Etimo srd. Traduzioni Francese rêche Inglese coarse Spagnolo rudo, áspero Italiano rùvido Tedesco rauh.

arraspínu , agt Sinonimi e contrari arraspinosu Frasi crabas arraspinas de pilu no ndi apu tentu.

arraspinzadúra , nf Definizione su raspinzare Etimo srd.

arraspinzàre , vrb Definizione coment'e raspare, nau in cobertantza po furare, pigare a furadura Sinonimi e contrari afuruncai, aungrare, ciaspinare, furanciulai, gastochiare, respilliai, raspinnare Etimo srd. Traduzioni Francese chaparder Inglese to pilfer Spagnolo ratear Italiano rubacchiare Tedesco stehlen.

arraspínzu , nm Definizione fura de calecuna cosa Etimo srd. Traduzioni Francese petit vol Inglese pilferage Spagnolo ratería Italiano furtarèllo Tedesco leichter Diebstahl.

arraspiòni , nm Definizione mata o tupa arraspinosa Sinonimi e contrari busa 1, macra, mata, moa 1, moíngiu, tele, tupale Etimo srd.

arraspionósu arraspinósu

arraspiósu , agt: arrasposu, rasposu* Definizione chi arreschet a dhi passare cosa in pitzu, chi no est lisu Sinonimi e contrari arraspedhosu, arraspinosu, arrescidhosu, rafiganzosu, scrafangiosu | ctr. lísiu, pranu Frasi portu is manus arraspiosas de su frius Traduzioni Francese rêche Inglese rough Spagnolo rudo, áspero Italiano rùvido Tedesco rauh.

arraspisonàdu , agt Definizione nau de mata, chi est un'arraspioni, pagu tenta contu, sentz'e pudare, cun cambos bècios, sicaos.

arraspósu arraspiósu

arraspúndi , vrb: arrespòndhede, arrespòndhere, arrespònnere, arrespundi, errespòndhere, respònere* Definizione giare s’arresposta a una domandha, nàrrere su chi unu at domandhau; iscríere a unu chi at mandhau lítera o àtera posta; fintzes foedhare a gente prus manna o prus de importu chentza o cun pagu arrespetu, candho iat a èssere prus arrespetosu a citire; in su giogu o in àteru, fàere calecuna cosa coment'e adduindho a su chi proponet o cumènciat s'àteru, o fintzes contr'a su chi faet s'àteru / arrespòndhere a singru serru = donai s'úrtima arrispusta, serrai su chistionu e dónnia discussioni Sinonimi e contrari ispundhe | ctr. dimandhare, porrogare, precontare Frasi a s'anzone dha faedhaiat che candho issa dhi podiat arrespòndhere ◊ nemus dhi arrespundit mancu fuedhu ◊ no arrespundis nudha? ◊ a cussa pregonta issu no iscít arrespundi ◊ anca dh'iat arrespostu: Arresone tenes, fizu meu! 2. is tempus càmbiant: immoi unu arrespundit fintzas a su babbu! Traduzioni Francese répondre Inglese to answer Spagnolo contestar, responder Italiano rispóndere Tedesco antworten.

arraspústa , nf: arrespusta, arrisposta, errespusta, resposta* Definizione su chi si narat a una domandha, su chi s'iscriet po una lítera arrecia; su chi si faet contr'a un'incidu Sinonimi e contrari sceda, segurtade | ctr. dimandha, percunta Frasi is líteras chi arribbànt si dhas ligiat predi Frau e issu etotu dhi fadiat s'arrespusta ◊ dh'iat pregontau si abarràt a cenai e chentza de abetai s’arrespusta iat postu sa mesa 2. s'isciòperu est s’arrespusta po no èssi donau s’aumentu de sa paga Traduzioni Francese réponse Inglese answer Spagnolo respuesta Italiano rispósta Tedesco Antwort.

arrassanajólu, arrassangiólu, arrassannólu , nm: arresignolu, arressanniolu, arressenolu, arressignolu, arressinniolu, arrissinolu, arrosignolu, arrossignolu, arrussignolu, orrossinnolu, rassaniolu* Definizione pigione de beranu Sinonimi e contrari bríntzoli, cirulicorda, conchiebara, grussinnolu, izaghe, passailanti, piciorru, pínnaru, surbiarriu, tzotzo Terminologia scientifica pzn, luscinia megarhynchos Traduzioni Francese rossignol Inglese nightingale Spagnolo ruiseñor Italiano usignòlo Tedesco Nachtigall.

arrassòli , nm: arresole, arressole, arrisoli, aressoli, ressole* Definizione genia de basca candho in is istades su sole paret prus budhiu puru, coment'e po una basca serrada, chi no at isfogu, cun s'aera prena de vapore (o fintzes cun nues ma no de abba) Frasi su soli e s'arrassoli apu provau in s'argiola ◊ s'istadi si fut postu in cuaturetu, totu arrennegau fendi sempri arrassoli Terminologia scientifica tpm Traduzioni Francese réverbération du soleil Inglese glare Spagnolo bochorno Italiano rivèrbero del sóle Tedesco Wiederschein.

arràsta , nf, nm: arràstiu, arrastru, arrastu, rasta Definizione sa capacidade de ndhe bodhire is fragos cun su nasu; fragu, ma fintzes singiale, òpera o cosa chi abbarrat de comente si passat o s'istat in su logu, in sa vida; fintzes singiale de is cropos chi abbarrat in sa carre, de postas de pei o àteru deasi Sinonimi e contrari abbentada, fiacu 1, frusa / arrancu / addromu, arrestallu, frata, ilmina, peada, trata / iscringada Modi di dire csn: essiri de s'arrastu, foras de s'arrastu = essíreche fora de su chistionu, de s'argumentu; s'arrastu de sa pedhe = pedhutu, arroghedhu de petza chi abarrat atacau a sa pedhi comenti si ndi tirat iscroxendi un'animali Frasi no at lassau mancu arrasta ◊ fatzais arrastu de marxani! ◊ s'arrastu de sa peta arrustindhe ch'essit atesu ◊ margiani portat càrigas finis po s'arrastu ◊ si nci ant fatu mangiucu, dhu connòsciu de s'arrastu 2. ancu fatat un'abba chi sa capra lesset s'arrastu in sa pranedha! ◊ me is bias dhoi fiant is arrastus de is lamonis de carru ◊ a pè cun sas iscarpas bullitadas, bi fit s'arrastu in donzi caminera (A.Liori)◊ passendi no lassat arrastu mancu in s'arena 3. s'ómini si depit istreletzai de is àterus, deghinò no lassat arrastu de sa vida sua ◊ no lassat arrasta, che a su bentu passanne subra de su màrmaru ◊ ant agatau grutonis cun arrastus de genti bívia in simanas antigas ◊ sunt andaus avatu de s'arrastu ma no ant agatau su tallu 4. aciotendidhu, dónnia corpu lassàt un'arrastu arrúbiu ◊ in s'arena dhoi at arrastu de peis ispollincus 5. at cummentzau bèni a chistionai, ma apustis nc'est essiu de s'arrastu ◊ guai a dhi narri s'annomíngiu ca nci essiat luegu foras de arrastu Traduzioni Francese flair, trace Inglese track, scent Spagnolo olfato, husmo, rastro Italiano odorato, fiuto, órma, imprónta, tràccia Tedesco Geruchssinn, Witterung, Spur.

arrastadòri , agt, nm: rastadore Definizione chi o chie andhat cricandho s'ormina, s'arrastu, is postas de pei Sinonimi e contrari irdarrastadori Etimo srd.

arrastadúra , nf: rastadura Definizione crica de orminas, de peadas de bestiàmene, de arrastos Sinonimi e contrari arrastamentu, irdarrastadura Etimo srd.

arrastài , vrb: arrastare, arrastari, arrastrai, rastai Definizione andhare a s'arrastu de sa fera, pigare s'arrancu, fragare; sighire o pònnere aifatu de s'ormina, de is arrastos Sinonimi e contrari acarigai, annajare, annàsere, fiagare, isimare, nuscai, semare 1 / addromare, atratare, ildarrastare, orminare, trateare Frasi su cani miu at arrastau sa perdixi ◊ recuias a domo arrastendhe sabores dae tesu Etimo srd. Traduzioni Francese flairer le gibier Inglese to scent game Spagnolo rastrear Italiano fiutare la selvaggina Tedesco wittern.