A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

carrógu , nm Definizione carrogu o corbu de mare; nau a disprétziu, su preide po comente est bestiu cun s’àbbidu, ómine chi no si podet bíere 2. chi estis fatu de aici, cussu carrogu de vicàriu no iat a èssi aprofitau de mandai s'espostu Cognomi e Proverbi smb: Carrogu Terminologia scientifica pzn, phalacrocorax carbo sinensis, ph. aristotelis desmarestii Etimo srd.

carronàda , nf: corronara, garronada* Definizione tretu inue unu caminu, un'orruga o àteru, girat a un'àtera bandha; fintzes buturinu, orruga istrintedha e chentza essia Sinonimi e contrari furriada / botorinu Frasi arribbada passilla passilla fintzas a sa carronada de predi Carta (B.Lobina)◊ in sa carronada de s'istradone si torreit a boltare a mi saludare ◊ est abetendu de biri su trenu passendinci in sa carronada Terminologia scientifica bdh Traduzioni Francese virage Inglese winding Spagnolo viraje Italiano tortuosità, curva di strada Tedesco Gewundenheit.

carronasséri carnanséri

carròne , nm: carroni, garrone Definizione sa parte de asegus de su pei, de prus a mancu su chi si podet bíere de su cracàngiu abbaidandho de artu (ma fintzes totu sa camba de sa néschia a su cracàngiu) Sinonimi e contrari calcanzu, carrugas Modi di dire csn: abbaidare a carrones = istare in dainanti de unu cun sos ogros bassos, a cara a terra, comente faghent sos birgonzosos, o un'afartadu, su duritosu; carroni brutu, bruta = cadhotzu, chi no s'isciàcuat mancu is peis; su ballu ’e carroni = s'úrtimu ballu de una festa Frasi su nasu a carroni pòngiast! ◊ e dèu depu abarrai atravau cun custus botinus chi funt papanduminci is carronis?! ◊ za bos piaghent sos carrones de sas féminas bellas!… 2. no po dha bantai dèu, a filla mia, ma is atras, chi ndi bogais sa filla de su rei, pigant carroni! 3. no si l'at abbaidadu a carrones, mancu, no: li at faedhadu fintzas male e catzadu puru! Cognomi e Proverbi smb: Carrone, Carroni Terminologia scientifica crn Traduzioni Francese talon Inglese heel Spagnolo talón Italiano tallóne Tedesco Ferse.

carrongiài , vrb: acarrongiai*, corrangiae, corrognare, corrongiai, corrongiare Definizione ammurutzulare, atzirbisonare, nau de una cosa a pígiu fine chi a s'usuale est o istat istirada, fàere arrasposu (nau fintzes de cosa chi si asciutat, si àrridat) Sinonimi e contrari afrangillonai, aggruncire, apigiare, arruntzai, atavellai, atribuntzire, frongire, granculai, iscrafangiai, raspinai Frasi apu carrongiau una folla de làtia cun sa manu po dha pònniri in s'abbruxadura ◊ sa pedhi crua si corròngiat 2. portat sa fronti corrongiada de pentzamentus ◊ portat sa pedhi de sa faci frunzia, corrongiada che ortigu Traduzioni Francese rendre rugueux Inglese to roughen Spagnolo curtir, agrietar Italiano irruvidire Tedesco aufrauhen.

carróngiu , nm Definizione cosa bècia totu acarrongiada, frungia Frasi dhoi fiat pagu de si ungi is làvuras de cussu carróngiu béciu, istasiu e pulixosu, de marxani! (P.Caredda)

carróngiu 1 , nm: carronzu Sinonimi e contrari carríngiu, carrulonzu Frasi dhue fui de su cuménciu a sa fini de su carróngiu de s'orrusca Etimo srd.

carròni carròne

carrónzu carróngiu 1

carrópu , nm: corropu, garropu Definizione tretu de un'erriu, mescamente in logu de orrocas, chi si che ingurtit cantu abba dhue intrat, o fintzes aperta o isperrada de s'orroca ue essit s'abba; paule de abba in is errios mannos; aperta manna in is orrocas e fintzes solu orroca; bentu a molinete Sinonimi e contrari barrocu / bàtiga, fògia 1, gurgu 1, gúrguru, pógiu, trógliu Modi di dire csn: fai s'andada de sa pedra in su carropu = fàghere sa tucada de su fumu, andhare e no torrare prus; carai che perda in corropu (nadu de cosa a manigare chi piaghet meda)= ingullire, manigare impresse Frasi sidiu che corropu ◊ gei est nudha s'àcua chi bufat, custu: parit unu corropu!… 2. a piciochedhus andastis a is corropus de s'arriu a nadai e acabussai ◊ funt carropus prenus de àcua chi in s'istadi fragant 3. ancu s'ispéntimit in d-unu carropu e no ndi abarrit arrogu! Terminologia scientifica slg Etimo srdn. Traduzioni Francese tourbillon, rivière Inglese whirlpool Spagnolo remolino Italiano górgo Tedesco Wirbel.

carròssa carròcia 1

carrossèdha , nf: carrotzella Terminologia scientifica trps Traduzioni Francese voiture d'enfant, poussette Inglese light carriage Spagnolo cochecito Italiano carrozzèlla Tedesco Kinderwagen.

carrossínu , nm: carrotzinu, carrucinu Definizione genia de carrotza pitica Sinonimi e contrari cdh. carrutzinu Frasi babbu cun su carrucinu che acumpanzaiat a mamma a crésia ◊ unu tempus sa levarora benèt a carrossinu Terminologia scientifica trps Traduzioni Francese cabriolet Inglese cab Spagnolo cochecito Italiano carrozzino Tedesco kleine Kutsche.

carrósu , agt, nm Definizione nau de ómine, chi o chie est unu feminari, sèmpere apedhiau a féminas Sinonimi e contrari donneri, ebbaresu, egueri, falderi, feminaju Frasi cussu fut ferreri bonu, no si est cojau mai ma fut unu carrosu!

carròtza carròcia 1

carrotzàbbile, carrotzàbbili , agt Definizione nau de istradas o logos po passare, chi si dhue podet passare a carrotza, a carru, a màchina Traduzioni Francese carrossable Inglese carriageable Spagnolo camino transitable Italiano carrozzàbile Tedesco befahrbar.

carrotzàju , nm Definizione maistu de carrotzas Terminologia scientifica prf.

carròtzalas , nf pl Sinonimi e contrari arraghèscias, arrangasciu, troca Traduzioni Francese chicanes, prétextes Inglese cavils Spagnolo sofisma, sutileza Italiano cavilli Tedesco Spitzfindigkeiten.

carrotzàre , vrb Definizione portare a carrotza; carrare.

carrotzèlla carrossèdha