A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

impianitàre , vrb Definizione trebballare allisandho linnàmene a prana Sinonimi e contrari apianare Etimo srd.

impiantàre , vrb Definizione pònnere o fàere un'impiantu.

impiàntu , nm Definizione cuncordu de machinàrios o àteru chi funtzionandho in totu is partes produit calecuna cosa / zenias de i.: de s'abba, de sa lughe, de su gasu Frasi pro s'impiantu de s'abba bi cheret sa leada, chiusinu, contadore, tubbos, issetas, cundhutu de iscàrrigu ◊ at pintatu s’impiantu novu de su casifítziu ◊ in Canali Trotu dhoi ant fatu s'impiantu po isciacuai s'arena Traduzioni Francese installation Inglese plant Spagnolo instalación Italiano impianto Tedesco Anlage.

impiastabapéri , nm Sinonimi e contrari abbunzosu, coredheri, imbrutabaperi, imbrutavollus Etimo srd.

impiastài , vrb: impiastrai, impiastrare, impriastai, impriastare Definizione imbrutare cun calecuna cosa, fàere impiastos, atzorodhos, fàere faina a improdhu, chentz'arte, chentza critériu Sinonimi e contrari imbrastagare, imbrastiare, incadhotzai Frasi si creit ca a fai esamis in s'universidadi est a s'impriastai is murrus de… de… bah, ca no dhu bollu mancu nai! Etimo itl. Traduzioni Francese barbouiller Inglese to daub Spagnolo embadurnar Italiano impiastrare Tedesco beschmieren.

impiastavòllus , nm Sinonimi e contrari abbunzosu, coredheri, imbrutabaperi, imbrutavollus Etimo srd.

impiastéri , agt, nm: impiastreri, impriasteri Definizione chi o chie trebballandho no est tanti àbbile e faet sa faina male, chentza critériu, a improdhu, imbrutandho e perdimentandho sa cosa (segundhu sa faina) Sinonimi e contrari abbunzosu, aciaputzadore, aciorodhosu, afarringiadori, afioncadori, afrochedheri, ciapinu, ciapussu, ciaputzeri, coredheri, improdheri, inciorodheri, indrovigosu, martutzeri Frasi cussu fiat impiasteri, ómini chi fiat isbàglius mannus Etimo srd. Traduzioni Francese gribouilleur Inglese messer Spagnolo chapucero Italiano pasticcióne Tedesco Pfuscher.

impiàstra , nf Definizione materiale pranu, genia de matone, prus che àteru a forma retangulare o cuadrada, fatu apostadamente po fàere pomentos o fintzes po muros; predighedha ladita po giogare Sinonimi e contrari arragiola, piastra Frasi su pamentu de sos aposentos fit fatu chin impiastras biaitas a chírcios (P.Fogarizzu) Traduzioni Francese carreau Inglese tile Spagnolo baldosa Italiano piastrèlla Tedesco Fliese.

impiastradòre, impiastradòri , agt, nm Definizione chi o chie est bonu solu a impiastare, a fàere improdhos Sinonimi e contrari impiasteri Etimo srd.

impiastradúra , nf Definizione su impiastrare Etimo srd.

impiastrài, impiastràre impiastài

impiastréri impiastéri

impiàstru, impiàstu , nm: impriastu Definizione impastu de cosa de fàere o pònnere a frigadura, meighina; cosa bruta, mescamente faina fata male (o fintzes solu cunsiderada deasi); nau unu pagu cun tzacu, unu chi giaet ifadu, istrobbu, o fintzes un'improdheri, impiasteri Sinonimi e contrari abbaunzu, abbunzadura, aciorodhu, afioncu, coredhu, inciapudhu, indróvigu, martutzu 1, mistréllia, piastu 1 Frasi como nemos cret prus a custas meighinas, totus andhant a sas butecarias a comporare calesisiat impiastru ◊ dh'iat donau un'impiastu fatu de allu e de erbas bodhitas a lugori a dhu ponni in su bídhiu de su pipiu 2. mi est pigadu su badhine de ti mandhare impriastedhos mios in prosa ◊ una pischedha manna a la tèssere vi cheret die e mesa, sinono essit un'impiastru ◊ intrau in conca nci dh'est s'arrosóliu de amenta… no iscít ca de cussus impiastrus no si ndi usat prus?! 3. cussu impiastu de manorba chi apu pigau a trabballai no est bonu a fai nudha! Etimo itl. Traduzioni Francese barbouillage, gribouillage Inglese poultice Spagnolo emplasto, chapuza, cargante Italiano impiastro Tedesco Pfuscherei.

impibài , vrb Definizione pònnere sa piba, aconciare cun piba calecunu difetu de sa terràglia noa apustis bogada cota de su forru Etimo srd.

impiberàre , vrb: impibirai, impiperare Definizione cundhire cun su píbere (nau fintzes in su sensu de ndhe pònnere tropu) Sinonimi e contrari pibiristai Etimo srd. Traduzioni Francese poivrer Inglese to pepper Spagnolo sazonar con pimienta Italiano pepare Tedesco pfeffern.

impiberídu , agt Definizione nau de ccn., chi est male arrennegau, chi paret una píbera Sinonimi e contrari arrabbiosu, arrenignosu, bischiliosu, buzarrosu, croconosu, felorosu, imbischigliau, infeliu, ragiosu, stacosu, sutzuliu Frasi zughiat su coro impiberidu Traduzioni Francese furieux Inglese infuriated Spagnolo enconado Italiano inviperito Tedesco wütend.

impibirài impiberàre

impibiraméntu , nm Definizione su cundhire cun píbere Sinonimi e contrari impiperadura Etimo srd.

impicabbàbbos , agt, nm Definizione chi o chie traighet is suos etotu Etimo srd.

impicadòre , agt, nm: impicadori Definizione chi o chie impicat o faet impicare.