A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

imbràssidu, imbràssu , nm: impràssidu, impràssiru Definizione su betare is bratzos a inghíriu de s’àteru coment’e singiale de istima forte Sinonimi e contrari abbrantzu, afiagnu, impressu Frasi is bratzus de tzia Conceta m'iant istrintu a forti e si fut traténnia meda in s’impràssidu 2. in s'impràssidu de s'ierru is nuis che mantixedhas imbódhiant is montis ◊ su bentu africanu nd’iat prenu sa màchina imbussendidhu: S’impràssidu de sa terra mia est custu, iat nau Etimo srd.

imbrastagàre , vrb Definizione imbrutare meda cun ccn. cosa Sinonimi e contrari imbrastiare, impastissai, impiastai, imprastulare, incadhotzai Frasi s'abe s'imbràstagat de pódhine in sos fiores ◊ sos telarzos no sunt cosa de como: trinellant e imbràstagant sa domo e ponent tríulu…◊ pustis imbràstagat un'àtera tatzita e si che la bufat a corpu Traduzioni Francese barbouiller Inglese to besmear Spagnolo emplastar, embadurnar Italiano impiastricciare Tedesco beschmieren.

imbrastiàdu , pps, agt Definizione de imbrastiare; chi est totu brutu de ccn. cosa Sinonimi e contrari cdh. imbrastacatu Traduzioni Francese barbouillé Inglese besmeared Spagnolo emplastado, embadurnado Italiano impiastricciato Tedesco beschmutzt.

imbrastiàre , vrb Definizione pònnere, frigare o betare imbràstiu, biastu, imbrutare meda cun ccn. cosa Sinonimi e contrari imbrastagare, imbrastulare, impiastai, incadhotzai Frasi su preíteru batijaiat sas criaturas, beneichiat sos cojúvios, imbrastiaiat s'ozu santu a sos malàitos ◊ m'imbràstio cust'ozu in totu sa carena ◊ sa barca la depes imbrastiare de bitúmene a intro e a foras 2. su trau rutu fit imbrastiadu de cascasina ◊ l'ammossat su matzone a mossu licu mancari imbrastiadu de piúere Etimo itl. impiastrare

imbrastiéri , agt Definizione chi cricat de cumbínchere s’àteru cun bellos foedhos, foedhandho meda (no pro su bonu) Sinonimi e contrari bantzigadore, improseri Frasi est unu mintevogu de sos mannos, e imbrastieri puru! Etimo srd. Traduzioni Francese bonimenteur Inglese quack Spagnolo engatusador Italiano imbonitóre Tedesco Anreißer.

imbrastiósu , agt, nm Definizione chi o chie costumat a fàere improdhos, atzorodhos, cosas fatas male Sinonimi e contrari abbunzosu, aciorodhosu, ciaputzeri, coredheri, impiasteri, improdheri, indrovigosu Etimo srd.

imbràstiu , nm Definizione ammesturu de cosas chi si ponet po meighina a calecunu male, a impacu Sinonimi e contrari ingràstiu, maltu 1 Frasi at betadu s'imbràstiu a una brusiadura ◊ at chérfitu proare deretu s'imbràstiu meraculosu Etimo srd. Traduzioni Francese cataplasme Inglese poultice Spagnolo cataplasma Italiano cataplasma Tedesco Breiumschlag.

imbrastulàre , vrb Sinonimi e contrari imbrastiare Etimo srd.

imbràstulu , nm Definizione su imbrastulare, imbrastiada, imbrastiadura Sinonimi e contrari imbràstiu Etimo srd.

imbratadúra , nf: imbrutadura Definizione su imbrutare Sinonimi e contrari inghisidura, imbrutamentu.

imbratàre , vrb: imbrutai, imbrutare, imburtare Definizione fàere brutu, fèrrere o picigare brutore o àteru a cosa chi no ndhe depet portare, pònnere pígiu de calecuna cosa a bisura de mància, de colore: in cobertantza, foedhare male de ccn; foedhandho cun delicadesa, andhare de su corpus / imbrutai unu muru (faedhonzu de muradores) = dàreli sa prima manu de intúnigu a pizighedhu Sinonimi e contrari abbotinare, abbrutai, acadhotzai, aligae, ammusinzare, immusungiai, incadhossai, insodrigai, insuciai, lorire, musucare, orroigai, sordigai / brutare, cacare | ctr. innetiare, limpiai, samunae Frasi traballat chena malíssia e no timet de s'imbrutare sas manos ◊ paret intrighinandhe, imbratandhe de iscuru su locu ◊ s'onori miu no bollu chi mi dhu imbrutis tui! ◊ unu pizichedhu de nibe at imbratau s'istradone 2. dh'at aferrau a sa braba, gei dh'at fatu cadredhai: fiat acanta a s'imbrutai puru! ◊ funt intrendi a is domus a furai e si dhoi imbrutant puru, fendi lochidadis a prus de su dannu! Cognomi e Proverbi prb: chie faghet sos fatos suos no s'imbrutat sas manos Etimo itl., ctl. imbrattare, embrutar Traduzioni Francese salir Inglese to dirty Spagnolo ensuciar Italiano sporcare Tedesco beschmutzen.

imbratàu , pps: imbrutatu, imbrutau Definizione de imbratare, chi est brutu Sinonimi e contrari brutu, inghisiu 2. su pitzinnu est masticandhe su culatzu de sa pinna imbratau de tinta.

imbràtu , nm Definizione unu tanti pitichedhu, unu pagu de cosa, fintzes orrugu Sinonimi e contrari pimpiredhu, pimpirida, podhicada / arrogu, bículu, tancu Frasi no si bidet istedhu e ne imbratu de luna (G.Piga)◊ semus un'imbratu de prúghere e de chisina ◊ mancu imbratu de lucore si biet in s'iforru de sa note ◊ connoschent un'imbratu de s'istória ◊ pro cundhire su fenúciu servit un'imbratu de casu friscu fratau Etimo itl. imbratto Traduzioni Francese pincée Inglese pinch Spagnolo pizca Italiano pìzzico Tedesco Kniff.

imbratzàda imbrassàda

imbratzadúra , nf Definizione su imbratzare 1, imbestire in su bratzu o pigare cun is bratzos Sinonimi e contrari afranzadura Etimo srd.

imbratzàe, imbratzài, imbratzàre imbrassài

imbratzàre 1 imbaltzài

imbratzetàu , agt Definizione chi andhat a bratzeto Sinonimi e contrari abbratzetau Frasi sas bachianas àntziant e falant imbratzetadas passizandhe pro atopare bachianos…

imbratzète , avb Definizione leare a unu a s'i. = abbratzetadu, a bratzeto.

imbratzimadòri , nm Definizione chie est de s’arte po imbalsamare Traduzioni Francese embaumeur Inglese embalmer, taxidermist Spagnolo embalsamador Italiano imbalsamatóre Tedesco Einbalsamierer.