A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

memmè, memmèa, memméi memèi

mémmu mélmu

memória , nf: mimória Definizione sa capacidade chi tenet sa mente de registrare e arregodare totu o in parte su chi dhue intrat; foedhandho de computeras o àteru machinàriu, logu, materiale inue iscriet is datos; cosa de arregodare o chi si arregodat Sinonimi e contrari mente / ammentu, arregordu Modi di dire csn: fàghere m. = chircare de ammentare; batire ccn. cosa a m. = arregodare cosa a is àteros; bènnere a m. = bènnere in mente, ammentare; essire, falare, rúere, fuire de m. = immentigare, iscarèsciri Frasi cussu pisedhu zughet una bella memória: no li fuit nudha, si ammentat totu ◊ sas computeras zughent una memória ROM, una RAM e una fissa o discu 2. fit faghindhe memória ca no si ammentaiat su númene 3. bos lasso una memória in custu Sacramentu! ◊ a de die minnanna isterriat sas memórias de sa pareda e de sos parentados, a note nos contàt sas paristórias ◊ in sa bidha sos contos sont sas memórias de sa tzente ◊ cumbenias iscrita in donzi istória in modu de restare sa mimória Etimo itl. Traduzioni Francese mémoire Inglese memory Spagnolo memoria Italiano memòria Tedesco Gedächtnis, Speicher, Erinnerung.

memória 1 mammórias

mémula , nf: mímula, mímulos, múmula Definizione genia de murmutu ifadosu, cantighedhu, boghe o sonu no tanti fortes ma sighios; male, genia de doloredhu chi si sapit in sa carena, aintru (es. m. de coro, de istògomo) Sinonimi e contrari càntara 1, laredha, mumuliu, taja / ttrs. mímmura Frasi s'intendhet sa mémula de una cantone ◊ s'intendhet sa mímula de sos ribos ◊ cheres cantare sa mímula de sas chícheras ◊ s'intendhet coment'e una mémula: sunt sas pregadorias de sa zente ◊ ammuinada dae su caldu a múmulas de chígula ti drommias (G.Branca) 2. nosse, su dutore, no est dolore a su coro: una mímula est! Etimo srd. Traduzioni Francese rhonchus Inglese dirge, painful sensation Spagnolo cantilena, dolor en el pecho Italiano rónco, nènia, sensazióne dolorósa Tedesco Röcheln, Geleier, kleiner Schmerz.

memulàre , vrb: mimulare, mimuliare Definizione istare a mémula, sèmpere naendho cosa pedindho, a lamenta, a murrúngiu, o àteru Sinonimi e contrari achigulare, annischissai, apibiare, apurrire, arrosci, cascaviare, pibincai Frasi su pópulu at mimuliadu contra a isse ca fit chene abba 2. t'incaminas chin passu treme treme, mimulandhe s'orassione a Deus ◊ at intesu una monza memulendhe antigas pregadorias Etimo srd.

memulòne , avb Definizione a mémula, memulandho.

memulósu , agt: mimulosu Definizione chi est o istat a mémula, chi faet mémula Sinonimi e contrari achiguladu, chensciosu, miaulosu, piantinosu, piantuleu, pibinosu, piciosu, spreàrgiu Frasi su cucu nachi inzertat sos annos de sa vida cun su càntigu sou mimulosu ◊ s'intendhet su lamentu mimulosu de su matzone ◊ s'intendhent sas toncas mimulosas ◊ sas chígulas mimulosas como si sunt cagliadas ◊ mimulosa est s'istria candho cantat Etimo srd. Traduzioni Francese plaintif Inglese peevish Spagnolo quejoso Italiano quèrulo Tedesco klagend.

mèna , nf Sinonimi e contrari mina, miniera Frasi sunt recuendhe istracos dae sa mena, triballendhe suta de terra.

menaída , nf Definizione genia de arretza po piscare.

mènas , avb Sinonimi e contrari fena*, finces.

menchixèdha , nf: menghixedha Definizione genia de pigiones mannos, a bicu longu, chi faent abbitu in Sardigna prus che àteru in passera: m. bianca o menga bianca pitica (egretta garzetta), m. groga (ardeola ralloides), m. pitica (ixoerychus minutus) Terminologia scientifica pzn.

mèndha , nf, nm: mendhu Definizione calecuna cosa de malu in is calidades o in su cumportamentu de una cosa o de unu, siat chi si ndhe tèngiat neghe o nono / pònnere m. a unu = afitziai Sinonimi e contrari falta, físsiu, mendhea, peca 1 / dismendhu, smendu Frasi li pones tropu mendhos a su pisedhu! ◊ it'est custu mendhu?! ◊ si sa prudhera si leat su mendhu de che betare s'ómine, fata! (Z.Porcu) Etimo ltn. mendum Traduzioni Francese défaut, vice Inglese vice, defect Spagnolo defecto, vicio Italiano difètto, vìzio Tedesco Fehler.

mendhàda , nf Definizione su mendhare / m. de terrinu = bonífica, trebballu chi si dhi faet a manera de dhu pòdere, semenare, laorare Sinonimi e contrari acónciu, acontzura, aderetzu, arràngiu 3. cussu s'at dadu una mendhada, ma ndhe depet fàghere de tretu, ancora!… Etimo srd.

mendhadòre , nm Definizione su maistu chi mendhat o acònciat teuladas Etimo srd. Traduzioni Francese couvreur Inglese roof mender Spagnolo techador Italiano conciatétti Tedesco Dachdecker.

mendhàdu , pps, agt: mennatu Definizione de mendhare 1 2. no apas imbígia de priucu ingrassatu ne de pogheredhu mennatu.

mendhadúra , nf Definizione trebballu chi si faet po illimpiare e torrare a cuncordare sa teulada Sinonimi e contrari regutzamentu Frasi arratza de mendhadura chi nos at fatu, su mastru: si proet falant sos butios malepeus! Terminologia scientifica dmo Etimo srd.

mendhàre , vrb: mennare Definizione aconciare is istídhigos, illimpiare sa teulada, cambiare is téulas segadas o aderetzare cussas móvias innanti de intrare s'atóngiu e de pròere; a logos, remíntere, torrare a semenare su sèmene chi no est naschiu; pònnere apostu o illimpiare sa cusciéntzia Sinonimi e contrari regutzai / remíntere Frasi sa cabertura cheret mendhada chentza che lassare essire su mese de austu 3. sighiat a pregare coment'e pro si chèrrere mendhare de sa vida mala chi s'ostinu, o su mundhu, l'aiat ispinta a fàghere Etimo ltn. emendare.

mendhàre 1 , vrb: amindai Definizione pònnere o betare su bestiàmene a pàschere in sa mindha Sinonimi e contrari apasciare.

mendhàre 2 , vrb: ammendhare 1 Sinonimi e contrari ammedare / ismendhare.