A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

manchítzia , nf Sinonimi e contrari mancànscia.

mància màcia

mància 1 màcia 1

manciadúra , nf Definizione su èssere guasta, no bene sana de una cosa, su tènnere difetu, neghe, su no èssere liera Sinonimi e contrari nenciadura Etimo srd. Traduzioni Francese abîmé, défaut Inglese rotting Spagnolo picadura Italiano bacatura Tedesco Wurmstich.

manciài, manciàre maciàre

màncias , nf pl Definizione màcia*, genia de fodhe: istrumentu chi suspit e mandhat a fora s'ària, serbit po is istrumentos de sonu e podet èssere a unu o a duos bentos.

manciàu , pps, agt Definizione de manciai / cari manciada = nau de fémina príngia, chi dhi at essiu màncias in faci; bòi manciau a istedhus = boe istedhadu Sinonimi e contrari machinzadu, manciuladu.

mancióglu , agt, nm Definizione chi o chie est a un'ogu Sinonimi e contrari bajocu, bisogru, cadrogu.

mancipài mancebài

manciulàdu , pps, agt Definizione de manciulare; chi portat mància, calecunu guastu o difetu Sinonimi e contrari guastu, machinzadu, manciau, nenciadu | ctr. líaru, sanu 2. a su gènere umanu as regaladu frutu divinu chi det sustenner dogni manciuladu (P.Casu)◊ cussu est nàschidu manciuladu e no daiat isperànscias de vida.

manciulàre , vrb Definizione pònnere taca, mància, fàere guastu (a gente, a frutuàriu) Sinonimi e contrari ammagagnare, guastai, maciare, neciare Etimo srd.

mancòsa , nf Definizione duas de is cannitas de is launedhas: mancosa manna, o mediana, e mancosa pitia o mancosedha o destrina; una calidade de canna? 2. su bentu mui mui in s'oru de s'arriu est gioghendi cun is cannas mancosas: ma no sunt launedhas!

mancósu , agt Definizione nau de ccn., chi portat prus abbilesa a fàere faina, prus capacidade, cun sa manu manca, chi si serbit pruschetotu de sa manca (bolet nàrrere chi portat sa perra de su crebedhu de dereta prus isvilupada, cosa de prus pagu gente); fintzes su de manca, chi est postu a manca Sinonimi e contrari manchedhu, manchinosu, mànchinu, manimancosu | ctr. déstrinu / mancu 1 Frasi cuss'òpera dha depit ai fata un'ómini mancosu 2. su boe zughiat sa pinna mancosa move move Cognomi e Proverbi smb: Mancosu Etimo srd. Traduzioni Francese gaucher Inglese left-handed Spagnolo zurdo Italiano mancino Tedesco linkshändig.

màncu , nm, avb, cng: immancu, mancus Definizione prus pagu, nau prus che àteru a su postu de unu no forte o fintzes po afortigare su no, s'idea de mancare, de no èssere; inditat sèmpere s'idea de farta o de méngua, de mancare (es. sas oto mancu deghe = mancant dexi minutus a is otu; is noi oras mancu cincu = mancant chimbe minutos a is noe) e in matemàtica tenet a símbulu / – / Sinonimi e contrari nemmancu | ctr. finces, prus Modi di dire csn: chena mancu = chentza farta; mancu, mancus chi... (e fintzas "mancus" solu, + su vrb. a su cong.) = mancuberi, coment'e chi…, itl. nemmeno fosse; mancu su/sa/sos/sas…(+ númene, nadu coment'e a impudu, dispiàghidos) = no at pagadu, no ndh'est bàfidu, no ndhe balet (+ númene); èssere ómine de pacu prus o mancu = pagu ’e tzou, de pagu cabbale; èssere a mancu maledhu = istai unu pagu mellus de saludi; fàghere a mancu de carchi cosa = istare chentza, lassare istare; mancu po conca, po sonnu = mancu a bi pessare!; bènnere mancu, torrai de mancu = menguai, pèrdiri fortzas, essire peus, andhare de male in peus Frasi ch'est colau su prus e no che at a colare su mancu? 2. si est gai mancu bi andho ◊ mancu a lèzere faghet, cun custa lughe ◊ no bi andhas tue e mancu deo! ◊ machisonza, no ti ndhe faghes mancu sa birgonza de faedhare gai?! ◊ no timet mancu sas annadas malas ◊ non piaghet mancu a isse ◊ cun custu corriaxu, sa bachixedha mancu si acatat de èssi giunta! 3. diaderus ndi fatzu de mancu de atrus trumentus! ◊ faghídendhe a mancu de fumare! ◊ no si ndhe podet fàghere de mancu a manigare 4. no ndhe at iscobiadu a sa muzere ca issa si fit posta chena mancu a sa parte de sa cuscénscia 5. mi brigat puru, mancu lu apa fatu pro cumbénia mia! ◊ mi catzas mancus chi sia unu cane! ◊ ite presse, mancu chi sias una chida sena papare?! 6. a mie mi ant acumpanzadu duas féminas fatendhe lughe cun d-unu titzone inchesu e brinchendhe muros de tres tancas: mancu sas rutas chi amus leadu!…◊ za nos est costadu cust'ozu… mancu su fritu chi amus leadu collindhe s'olia! 7. sa cosa chi no benit mai mancu est sa paràgula de Deus ◊ custa est funtana chi no benit mai mancu, ne in istiu e ne in annadas de sicore ◊ sa mere de domo, custa dea-pobidha, non beniat mai mancu in sas netzessidades (Z.Zazzu) Cognomi e Proverbi smb: Mancu Etimo itl. Traduzioni Francese moins, non plus, pas, même Inglese not so much as Spagnolo menos, ni, ni siquiera Italiano méno, nemméno, neppure Tedesco wenigste (Subst.), weniger (Adv.), nicht einmal (Adv.).

màncu 1 , agt Definizione chi est a s'ala de sa manu manca (foedhandho de posidura) Sinonimi e contrari mancosu | ctr. destru Etimo ltn. mancus Traduzioni Francese gauche Inglese left wing Spagnolo izquierdo Italiano sinistro Tedesco linke.

mancubéri , avb Definizione mancus chi…, coment'e chi… Frasi mi at iscorduladu tota sa domo mancuberi che apet intradu dannarzos! ◊ ti che ses andhadu luego, mancuberi t'apemus faedhadu male! ◊ no essit dai su giannile de sa domo sua, cussa maca, mancuberi siat batia ◊ proite pranghes si babbu tou est malàidu? mancuberi chi siat mortu! (G.Ruju) Etimo srd.

mancumàle , avb Definizione foras male Sinonimi e contrari bellaggai Frasi mancumale s'annu a poi fatesit annada bona e su bestiàmine si campesit ◊ mancumale arriveint su matessi, finas si aiant fatu unu caminu inghiriosu Traduzioni Francese heuresement (que) Inglese just as well Spagnolo menos mal Italiano méno male Tedesco Gott sei Dank!.

mancúnu , agt Definizione mancu unu, nudha Sinonimi e contrari perunu Frasi cussus non si perdint mancunu interru, andhant sempri ◊ mancunu nòmini de pilgioni iscit, cussu ◊ mancunu lèpuri apu cassau, oi!◊ a sa libbertade no bi at rinuntziadu mai mancunu pópulu Traduzioni Francese aucun Inglese no, any Spagnolo ningún Italiano nessuno, alcuno Tedesco kein.

màncus màncu

mandàda , nf: mandhada Definizione su mandai, mandhare; cosa (petza, matzàmene, lardu, àteru) chi si mandhat a parentes e bighinos candho si bochit su mannale, petza chi is pastores mandhant a is parentes e amigos po Pasca (e fintzes una genia de parte chi si mandhat a is chi no funt pótzios bènnere a una festa) Sinonimi e contrari imbiada, imbiu, mandarza 2. poni a parti sa petza de su porcu po is mandadas! ◊ a cena teneus sa mandada chi at mandau tziu Sarbadoricu Terminologia scientifica sntz Etimo srd. Traduzioni Francese envoi Inglese mailing Spagnolo envío Italiano invìo Tedesco Sendung.