A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

pallósu , agt Definizione chi portat o dhue at pàgia meda; nau de unu, chi acostumat a si giare bàntidos Sinonimi e contrari pageri 2. ses unu pallosu bonu isceti a ti vantai (Lai).

pàlma , nf: parma, prama 1, pramma Definizione genia de linna (una calidade est fémina, una mascu) chi faet a sola in Sardigna, mescamente in logos acanta a mare: creschet a tupighedha bàscia e bogat una fògia a cambu grussu unu tretu e poi totinduna si ispartzit a tiras chi s'ispraghent a fentàgliu (dh’imperànt po fàere iscovas, crinu), su frutu chi faet (indàtili) assimbígiat a un'olia (e si faet in colore de castàngia candho est lómpiu) Sinonimi e contrari buata 1, palmitu, pràmmina Modi di dire csn: su muedhu de sa p. = cefaglioni; iscóbulu de pramma = fatu cun foza de pramma bogada a tizas fines; pintai sa p. = intèssere sa foza (o tizighedhas) comente si ndhe faghet pro sa domíniga de pramma Frasi funes de pramma filadas a dópia manu ◊ cantu follas portat una prama tantu bènis at fatu in custu mundu Cognomi e Proverbi smb: (De)palmas, Palma, Palmas, Parma Terminologia scientifica mt, Chamaerops humilis Etimo ltn. palma Traduzioni Francese palmier Inglese palm (tree) Spagnolo palmito Italiano palma Tedesco Zwergpalme.

palmaèra , nf Definizione nada fintzes pramma chentz'àtera distintzione, est una genia de linna chi benit de s'Àfrica e de s'Àsia e faet a mata manna meda: faet unu truncu modhe, paret feurra, e no si distinghent is diferentes pígios de sa linna, no faet naes ma solu fògias chi essint de su truncu etotu a bisura de corona (una a fiancu de s'àtera in su matessi paris), longas meda e in totu sa longària a tiras ispartzias (puntudas che ispinas is primas) fintzes a sa nerviadura principale chi est grussa e forte, e in pràtiga funt totus in sa punta de sa mata (ca is prus bàscias si sicant e ndhe orruent o che dhas segant), su frutu (indàtili) dhu faet cussu puru in s'oru de sa punta, ue bogat una genia de iscova manna isprata cun is pertiedhas totu càrrigas de una genia de frutu a bisura de olia chi candho est lómpiu cotu portat sa prupa druche meda e in colore de castàngia; títulu de onore chi si giaet a una/unu chi s'istimat meda, est fintzes símbulu de vitória apitzu de su male e de prémiu a is santos màrtires, est fintzes paragone po bellesa / domíniga de p. = sa domíniga innanti de Pascamanna, chi arregordat candho Cristos est intrau a Gerusalemme cun sa gente chi dhu portàt in panteos Sinonimi e contrari indàtili 2. vido s'ànima tua, parma vera, chi mi ndhe vocat donzi male! ◊ candu acabbat de curri, issu puru at a pigai sa prama ◊ fígiu 'e mamma, ses bellu che una pramma! Terminologia scientifica mtm, Phoenix dactylifera Traduzioni Francese dattier Inglese date-palm Spagnolo palma datilera Italiano palma da dàttero Tedesco Dattelpalme.

palmajólu , nm Definizione chie arregolle o trebballat sa pramma de iscovas po fàere su crinu Etimo srd.

palmèta , nf Definizione orrugu de linna chi is maistos de iscola portànt po iscúdere a manos a is iscolanos Sinonimi e contrari biltzedha, isprammeta Etimo ctl., spn. palmeta.

palmetàda , nf Definizione cropu de isprammeta giau a sa pranta de sa manu Sinonimi e contrari isprammetada Etimo ctl. palmetada.

palmítu, palmítzu , nm: parmitzu, pramitzu, prammitu Definizione su coro modhe de sa pramma de iscovas; custa calidade de pramma etotu Sinonimi e contrari cefaglioni / buata 1, palma, parmixedha, pràmmina 2. babbu fit palmajolu e su palmitzu chi segaiat issu fit su menzus de totu Terminologia scientifica rbr, mt, Chamaerops humilis Etimo ltn. palmicius.

palmizàre , vrb: aprammizare, parmitzare, prammizare Definizione castiare bene a dónnia parte, pruschetotu atesu e de logu artu e agiummai coment'e misurandho a prammu a prammu su logu chi si biet; fintzes cunsiderare a fine una cosa o chistione Sinonimi e contrari adhiare, allutzare, annotare, apompiai, avistare, chilcare, ciarizare, crasteare, iscumpassare, isperare 1, setiare Frasi gireit sos ojos coment'e a si chèrrere prammizare sas pessones ◊ est prammizendhe s'aera a bídere ite tempus faghet ◊ no ti fides, columba, ca s'astore est prammizendhe sa roca inue soles abbitare! ◊ si at parmitzatu su cassetone e si est abbitzatu de sos istampos ◊ prammizendhe dae sa sedha prus subra si sebestat su campusantu 2. ti prammizant sa cuscénscia cun su giudísciu de posca: zuighes malésigos, ite ndhe ischint de su proite de anzenas peleas? ◊ crè o no crè, in su pessamentu mi prammizaia totu sas naravellas intesas dai sos mannos (G.Ruju) Etimo srd. Traduzioni Francese scruter, dévisager Inglese to scan, to look up and down (s.o.) Spagnolo escudriñar, otear Italiano scrutare, avvistare, squadrare Tedesco beobachten, mustern.

pàlmu , nm: parmu, prammu Definizione genia de misura de longària (prammu de ossu) de sa punta de su podhighedhu a sa de su pódhighe mannu a manu bene istirada, prus su primu annoigadórgiu de su pódhighe mannu: unos binti chimbe centímetros / mesu prammu = prammita Modi di dire csn: robba de prammu = sa chi si medit a la segare segundhu su tantu chi unu cheret; butega de prammu = chi bendhet robba ’e prammu, a medidura; tirai is contus de prammu = fàghere contos pertzisos Frasi de unu palmu de tela centu berritas ◊ povinas de prammu su contu est tirau! Cognomi e Proverbi prb: s'ómine no si misurat a palmos ◊ donniunu misurat cun su palmu suu Terminologia scientifica mds Etimo palmu(m) Traduzioni Francese empan Inglese span Spagnolo palmo, cuarta Italiano palmo Tedesco Spanne.

palmútza , nf: parmúgia, parmutza, prammutza Definizione genias de erba a fògias ladas largas tundhatzas, bonas fintzes po cura, faent una genia de butonedhu bonu a papare chi narant panemundhu, paneoro, panedha / abba de p. = decotu de prammutza Sinonimi e contrari mafra, màrmara, marmarutza, nabredha, narbutza, narba, parmaredha / cdh. palmúcia Terminologia scientifica rbc, Malva parviflora, M. sylvestris Etimo srd. Traduzioni Francese mauve sauvage Inglese mallow Spagnolo malvilla, malva Italiano malvina, malva selvàtica Tedesco wilde Malve.

palómbu , nm: palumbu 1 Definizione genia de pische Sinonimi e contrari musciola Terminologia scientifica psc Etimo itl. palombo.

palonàdu , agt: apalonau* Definizione chi est postu a palu, a piantone, prantau Sinonimi e contrari ficadu, istantàrgiu, reu, ritzu Frasi fizis bois in cue, palonadu, e boche azis lassadu leare su dinari dae pes! ◊ cudha fémina abbarreit a nos abbaidare palonada.

palòne , nm Definizione logu in calada meda, chi faet a pala, a costa, ma no tanti mannu coment'e tretu Sinonimi e contrari iscrapa, tele, tèrema Frasi sa piatza, a manu de subra de s'istrada, unu tempus fit a palone e como bi ant fatu su murallone Terminologia scientifica slg Etimo srd. Traduzioni Francese talus, escarpement Inglese scarp Spagnolo escarpa Italiano scarpata Tedesco Böschung.

palòne 1, palòni pabòni 1

palòpo , nm Definizione calidade àghina bianca de papare, aghedhosa, a prupa tostada, bona po pabassa Sinonimi e contrari barofu, gabopu*, talopu.

palostrèra , nf Definizione genia de ferrada (ma podet èssere de linna o de àteru materiale) chi serbit po badrare unu passadórgiu, a usu de barandíglia Sinonimi e contrari barandíglia.

palpabàlpa , avb Definizione andhare p. = a s'apràpidu, a praponis.

palpàre , vrb: parpare, prapai, prapare Definizione fàere s'ala, is partesas, a unu, arresparmiandhodhi cosas trebballosas o difíciles; fintzes menguare, abbrandhare Sinonimi e contrari casilare Frasi sezis solos e ndh'azis culpa, ca bos sezis palpados sendhe in sa cria! ◊ sos bandhidos unu tempus furaiant a sos tropu ricos: como no palpant a niunu ◊ a isse ca est malaidonzu tocat a lu parpare ◊ parpades a issa e ponides sempre a mie a fàghere sa cosa! ◊ fit su terrore de sa famíglia, de bighinos e amigos: no palpaiat a niunu ◊ sorri mia est sempri lastimendisí, ca tenit genti chi dha prapat 2. poetare e cantare serbit a prapare istrachidúdine e disaura (G.A.Mura) Traduzioni Francese ménager, préserver, épargner Inglese to spare Spagnolo ahorrar Italiano risparmiare, aver riguardo Tedesco verschonen, Rücksicht nehmen auf.

palpàre 1 , vrb: apalpare, prapai 1, prapare 1 Definizione tocare cun is manos, cun is pódhighes, andhare o cricare a s'apràpidu, a su toca toca Sinonimi e contrari apalpidare, aplopodhare Frasi sunt palpendhe in fundhu de sa pischina, chirchendhe a bortas chi che siat faladu a fundhu Etimo ltn. palpare Traduzioni Francese palper, toucher, tâtonner Inglese to touch Spagnolo palpar Italiano palpare, brancicare Tedesco betasten.

palpassàre , vrb Definizione carculare a mente su "pesu", s'importu de unu, a bíere ite persona est.