A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

sciugamànus , nm: asciugamanu*, isciugamanos Definizione trastighedhu de orrobba, mescamente linu, po si frobbire in manos e in cara e àteru, samunandhosi Sinonimi e contrari abbammanu, tiagiola / cdh sciuamanu.

sciugàriu , nm: asciugàriu* Definizione totu is trastos de sa cojuada noa, su bene de s'isposa: istrégiu, trastos, bestimentu, mobbília, provistas Sinonimi e contrari aciva, ammanitzu, pannamenta Frasi filla mia, est prontu su sciugàriu ca depis isposai.

sciugòri , nm Definizione su èssere sciugos a buca, asciutos, genia de asciutore Frasi mi at pigau a sciugori: donamí calincuna cosa, ca portu sa buca sica! Etimo srd.

sciúgu , agt, nm: asciugu*, isciucu Definizione chi o cosa chi no portat abba a fora, o chi ndhe portat tropu paga / cadàsciu, portafógliu sciugu = chi no dhoi at nudha, chentza de dinai Sinonimi e contrari adustu, àrridu, asciutau, asciutu, sicu | ctr. ifustu, inciustu Frasi in cussu logu sciugu aundi no nc'est miza po podi bufai si morit de su sidi ◊ candu unu tenit sidi est sciugu sciugu ◊ mi seu pràndidu a pani sciugu ◊ cun custa temporada de sciutori su sartu sciugu pigat fogu ◊ donamí àcua, seu sciuga coment'e un'arrogu de ortigu!◊ mammai dhi donàt sa tita, a su pipiu, ma lati no ndi calàt, fiat sciuga che sa linna! 2. ca ses isciundendi in su sciugu! ◊ is crabitus si crocant in su sciugu Traduzioni Francese aride Inglese barren Spagnolo árido Italiano àrido Tedesco trocken.

sciugúra , nf Sinonimi e contrari ansura, asciotura, sicagna, sichéntzia, sicoi, sicúmene Etimo srd.

sciuiài, sciuidài, sciuliài , vrb: isciuliai* (sciu-i-a-i, sciu-li-a-i) sciuriai Definizione fàere fuire o giagarare is pigiones, sa musca, animales chi portant alas; fintzes fuliare o brillare cosa atesu Sinonimi e contrari agegherai, isfraitzare, ispabuciare, ispajare, isvalostiare, salargiare, sciumiai / foliai*, frundhire Frasi sciuliai sa musca ◊ in bíngia su meri at postu una pipia de tzàpulus po sciuliai is pillonis ◊ nci sciúidat sa musca, ma cussa si torrat a apatai ◊ bèngiat a nci sciuidai is pudhas! 2. custa gunnedha… sciuidancedha, est fendumí totu marànduas!◊ podit bastai unu corpu feti de balla po nci dha sciuliai, sa vida, comenti si sciúliat sa musca (I.Lecca).

sciuliamúsca , nm Definizione ispécia de ventàgliu mannu po giagarare sa musca Etimo srd.

sciuliètu , agt, nm Definizione nau de ccn., chi no pàusat mai, chi est sèmpere in movimentu Sinonimi e contrari avurriu, machillotu, scundiu | ctr. séntulu Etimo srd.

sciúma , nf: isciuma* Sinonimi e contrari gruma, ispruma, scuma.

sciúma 1 , nf Sinonimi e contrari fiotu, ifrota, masonada, sciumada.

sciumàda , nf: sciurmada Definizione unos cantu, nau de gente, fintzes gente meda Sinonimi e contrari fiotu, ifrota, masonada / zentória Frasi una sciumada de pipius Traduzioni Francese bande Inglese throng Spagnolo turba Italiano fròtta Tedesco Schar.

sciumàna , nf Definizione cosa o gente a meda, muntone Sinonimi e contrari fiotu, ifrota, masonada / zentória Frasi una sciumana de genti acullit sa proposta cun itzérrius de prexu (Fr.Onnis)◊ pigat su pètini a dhu passai me is pius de sa pipia e it'iast a bí? una sciumana de marengus de òru me in terra!

sciumbesciàdu , agt: isambesciadu* Definizione chi est iscumbessu, malegontzu, totu andhau male Sinonimi e contrari iscumbessu, malacónciu.

sciumbullài sciambullài

sciumbúllu , nm: sumbúgiu, sumbullu, sumbuzu, sumuzu Definizione movimentu e moida, istragatzu chi si faet movendho o murigandho cosa, camminandho, movimentu e moida a s’afaiu; fintzes movimentu de gente meda contras o po calecuna chistione Sinonimi e contrari abbatúliu, abbolotu, atrepógliu, iscumbullu, ispabúliu, sculumerdu, stragambullu, subuzu, trambullu, tregollu, trepollu, trobbuscàmene / trummentu Modi di dire csn: su s. de s'àcua = moida de abba currindhe, chi ruet a istràmpidu de artu; sumbullu de sa brenti = sos tzocos chi faghet in bentre; ponni sumbullu = pònnere abbolotu; sumbúgiu de istògomo = gana mala, buluzu Frasi intendu sumbullu in foras: depint èssi torrendu! ◊ intrendi a domu at inténdiu sumbullu de pratus e boxis avolotadas ◊ a dónnia sumbullu chi intendit si girat luegu a castiai a coa ◊ sumuzu surdu sas orrodas prenas, cussas a rajos sonant che campana (G.A.Mura) 2. me in Castedhu, Oristanis, Iglésias nanca dhoi at sumbullus e tréulus mannus: sa genti dha tenit contras a su guvernu ◊ cussos benint a domo a pònnere sumbuzu: fintzas sas padedhas mi cumpudant!◊ sumbullu de su coru e sumbullu chi dhi arretronat in conca no dhu lassat drommiri Etimo srd. Traduzioni Francese émoi, émeute Inglese confusion, riot Spagnolo desorden, confusión, revuelta Italiano scompìglio, subbùglio, sommòssa Tedesco Verwirrung, Unordnung, Durcheinander, Aufstand.

sciumiài, sciumiàri : scemiài

sciumingiài scimingiài

sciumíngiu scimíngiu

sciúmiu , nm Definizione moida prus che àteru de animales movendhosi Sinonimi e contrari ischimuzu, istragàciu, istrepitzu.

sciúmma , nf: ciurma, issurma, sciurma, tzurma Definizione nau mescamente de gente meda (e cun significau unu pagu metzanu), unu muntone, una chedha manna Sinonimi e contrari apubulada, zentória Frasi una sciurma de pastoris, de piciochedhus, de genti ◊ in sa strada prus dereta nc'est una sciumma de lupus famius… Etimo itl. ciurma.