A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

stramancài , vrb: istramancai*, stremancai Definizione fàere andhare male, fàere mancare, mancare de no ischire inue est unu o una cosa, pèrdere, fintzes andhare cun pagu seguresa a s'istòntona istòntona / stramancaisí de pari = nau de duos, èssere o istare tempus chentza si torrare a bíere; stramancai su mòri = pèrdere, fadhire su camminu Sinonimi e contrari malograi, pèldere | ctr. acatare Frasi cussu bòi depit èssi corrinendi su cumpàngiu, ca faint aici candu si stramancant de pari ◊ at lassau is brebeis po andai a circai sa chi s'est stramancada ◊ allà, una cosa ti nau: is congixedhus no mi stramanchist! (A.Garau)◊ apu stramancau sa lítera chi portamu, depit èssi chi mi nc'est lissinada ◊ de candu tenit a mimi a serbidori, nerit candu dh'apu stramancau una brebei! ◊ totu su chi si stramancat in su boscu si torrat a agatai ◊ candu ti biu, de cantu mi praxis stramancu sa bia! 2. at pediu agiudu ma ant circau de dhu fai stramancai ◊ issu si fiat stramancau de is cumpàngius e fiat torrau a Castedhu po ndi pigai is launedhas Traduzioni Francese perdre, s'égarer Inglese to lose (one's way) Spagnolo perder, extraviarse Italiano smarrire, smarrirsi Tedesco verlieren, sich verirren.

stramancàu , pps, agt Definizione de stramancai; chi est cuau, postu a una parte, coment'e chi manchet própriu Sinonimi e contrari apartau 2. at circau su cuadroxu prus seguru e stramancau ◊ e chini dhu scit chi custus esistint: sunt coment'e genti stramancada in sa terra! (R.Spissu)

stramàncu , nm: istramancu* Definizione su stramancai / andai a sa stramanca = a s'istòntona istòntona Frasi de sardu ingunis ndi abarrat un'arrastu, a stramancu 2. andaus in custa vida arranca arranca, a pràpidu, a sa scida, a sa stramanca.

stramàri stramài

stramballàu , agt Sinonimi e contrari istrambecu Traduzioni Francese farfelu Inglese odd Spagnolo estrafalario Italiano strampalato Tedesco verstiegen.

strambécu , agt: istrambecu* Definizione nau de ccn., chi est de ideas e de cumportamentos pagu aderetzaos, pagu giustos, no solu diferentes de comente si costumat ma chentza un'arrexone bene cunsiderada Sinonimi e contrari ildeoltu, isambesciadu, istrambóticu, levianu, sciambrecu, strólicu Frasi ma lah ca est strambeca, cussa puru, fata a filla! ◊ ma càstia ita ómini strambecu e arrevésciu!…◊ fiat totu ispantau po cussa pentzada strambeca ◊ gei nci nd'at de nòminis strambecus!…◊ ómini strambecu, una borta at fatu fumai su pipiu a zigarru ◊ cussa est genti strambeca acanta meda a su machiori Terminologia scientifica ntl Traduzioni Francese drôle, extravagant Inglese queer Spagnolo estrafalario Italiano strano, strambo, stravagante Tedesco seltsam, verstiegen, extravagant.

strambóticu, strambótigu , agt: istrambóticu* Definizione chi est unu carvedhi boltuladu, pagu giustu de conca o chi faet cosas istranas, totu a conca sua, no tanti giustas Sinonimi e contrari astrólicu, giólvinu, illeriadu, strambecu.

stràmbu , agt: istrambu* Sinonimi e contrari istrambecu, istrambóticu.

stramesíe , vrb Definizione isordulare, betare apare totu, pònnere male, a tréulu, fora de logu 2. stramesiu, est pompiandu sa fígia cun is ogros spamparraus.

stramidàdi , nf Definizione su èssere istramos, pagu crabbaos, pagu àbbiles faendho cosa Sinonimi e contrari tramalléntzia Frasi pitica sa stramidadi!… Etimo srd. Traduzioni Francese gaucherie, inexpérience Inglese ineptness, lack of skill Spagnolo torpeza, impericia Italiano goffàggine, imperìzia Tedesco Plumpheit, Unerfahrenheit.

stramóniu , nm Definizione genia de erba velenosa, pudéscia, chi narant fintzes erba ’e dente Sinonimi e contrari ischidabbabbau, nugheagreste Terminologia scientifica rba, Datura stramonium Traduzioni Francese stramoine Inglese thornapple Spagnolo estramonio Italiano stramònio Tedesco Stechapfel.

stramoriàu , agt Sinonimi e contrari spreluxiu, sprixuriau Frasi apu circau stramoriau apodhighendu in tzu scuriu ◊ si ndi fut assucunau e, stramoriau, si ndi fut andau peribellogu.

strampafóssu , nm Sinonimi e contrari calafoju, calafossu, ispéntimu, úbridu Terminologia scientifica slg.

strampódhu , nm Definizione orrugu, spiciuedhu, strónciu de pane segau e istirociau cun is pódhighes.

stramponiài , vrb: istrampoinai* Definizione imbolare, brinchidare a terra (de logu o cosa in artu), fintzes pesare a cropu a betadura de su letu Sinonimi e contrari istrampare Frasi si nd'est stramponiau a tant'oras de noti de su letu, a tzérrius ◊ cumenti su camareri dhi at nau su prétziu, si ndi strampóniat luegus e si ndi andat.

stràmpu , nm: istrampu* Sinonimi e contrari irrocadolzu, ispéntimu, scabiossu, spérruma / istrampa, istrampada / spéndula.

strampulgiài , vrb Sinonimi e contrari isciaculare, samunare, sciampuinai Etimo srd.

stràmu , agt: istramu* Definizione nau de ccn., chi no portat crabbu faendho cosa, sugetu meda a ibballiare e fàere dannu puru Sinonimi e contrari ildeoltu Frasi strama, fait feti arroris! ◊ seu stramu dantzendi ◊ stramixedhu ses: ti nci arruit sa cosa ponendidha!…◊ cussu no est futu mancu a fuedhai, ca ndi bogat fuedhus stramus de buca! Traduzioni Francese gauche, disgracieux Inglese clumsy Spagnolo desgarbado, desaliñado Italiano sgraziato Tedesco reizlos.

stramudài , vrb Definizione cambiare su bestimentu chi si portat bestiu Sinonimi e contrari atramudai, cambiai, mudai, tramudai Frasi bandu a mi stramudai, ca seu totu isciustu Etimo srd. Traduzioni Francese changer de vêtement Inglese to change one's dress Spagnolo cambiarse, mudarse Italiano cambiare vestito Tedesco sich umziehen.

stramudiài , vrb Sinonimi e contrari incerai, irgrisire, istramudire Etimo srd.