A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

stragambullàu , agt Sinonimi e contrari agiagarau, salarzadu | ctr. asseliadu, trancuillu Frasi dèu cun su castiadori fustis in bíngia e issu si crocat foras: a candu dhu intendu a is tres de chitzi stragambullau, andendi e torrendi, isciustu colagola de serenu! Etimo srd.

stragambúllu , nm: istragamuzu*, stragamullu, stragamuxu Definizione genia de avolotu, de moida, istragatzu chi si faet tocandho cosa, movendhosi a meda, móvia chi si faet a cropu, de botu Sinonimi e contrari abbatúliu, abbolotu, atutina, baraundha, mamudinu, sciumbullu, subuzu, tifitanu, trambullu / sidhada Frasi arruendi a terra at fatu su stragambullu de una bértula de turras e talleris arruta de cuadhu ◊ mi ndi at iscidau su stragambullu chi ant fatu is buchemelis in s'acúliu de is pudhas ◊ pudhas e cocas ant fatu stragamullu candu seu passau Traduzioni Francese remue-ménage Inglese turmoil Spagnolo trasiego Italiano trambusto Tedesco Durcheinander.

stragaméntu , nm Definizione su stragai; su èssere immarrios Sinonimi e contrari cansamentu, cansesa, istrachesa, istrachidúdine, istracúmene, istrachiore | ctr. pasu Etimo srd.

stragamullài , vrb: istragamuzare, stragamuxai Definizione betare o pònnere apare, ammesturare chentza régula coment’efetu de movimentu, de agiàgaru; bogare o fàere fuire a unu o un’animale de mala manera, brigare, pesare (o fintzes ischidare) de botu po assíchidu Sinonimi e contrari agiolotare, atrepillai, isordulare, studugai, trumbugliai / certai, salargiare, zagarare 2. mi timu chi su sciarrocu siat mannu ca at lassau imbròglius e pagamentas: est un'eredadi bèni stragamullada! ◊ is bòis funt totu stragamullaus: no dh'as inténdiu cussu sonu? 3. po ndi dha istolli de Antoni, sa piciochedha, dh'apu bèni stragamullara! ◊ dh'apu stragamullau ca mi at segau unu pratu Etimo srd. Traduzioni Francese brouiller, mettre en désordre Inglese to upset Spagnolo desordenar Italiano scompigliare Tedesco durcheinanderbringen.

stragamúllu, stragamúxu stragambúllu

stragamuxài stragamullài

stragàsciu, stragàssu stragàciu

stragàtzu stragàciu

stragàu , pps, agt Definizione de stragai / s. che unu burricu = istracu, immarriu meda Sinonimi e contrari cansidu, fadiau, istracu | ctr. pasadu Frasi seu cambu sicau de iscraria, stragau de su bentu… 2. lassadhu dormiri in asséliu, mischinu, ca ciai est nodiu ca est stragau!

stragiài , vrb Definizione tratare male, guastare, perdimentare sa cosa Sinonimi e contrari frazare, perdimentare | ctr. atragiare Frasi su bestiàmini in s'ierru stràgiat su logu e po cussu est mellus a dhu lassai aintru ◊ cussu piciochedhu est unu dimóniu: dhi at stragiau totu is giogus a s'amighixedhu! ◊ no mandis su pipiu a portai afàbbica ca dha stràgiat! ◊ tui no ses bellu a papai su pisci: dhu stràgias! ◊ sirboni stràgiat sa bíngia: candu est satzau ndi segat is gurdonis e dhus lassat!

stragiòni , agt, nm Definizione chi o chie costumat a perdimentare sa cosa Sinonimi e contrari ibbaidore, isperditziau, istrubberi, sperdicieri Frasi ma est una stragiona, lah, custa piciochedha: de cudhu cuadernu pigat, arrogat e fúliat fintzas pàginas sentz'e iscritas! ◊ tui ses unu stragioni: cosa mia no ti lassu prus nudha! Etimo itl.l straggion Traduzioni Francese gaspilleur Inglese wastful Spagnolo despilfarrador Italiano sciupóne Tedesco Verschwender.

stràgiu , nm Definizione su stragiai sa cosa Sinonimi e contrari isperdíciu Frasi papendi at fatu unu stràgiu Etimo srd. Traduzioni Francese gaspillage Inglese waste Spagnolo derroche Italiano sciupìo, sprèco Tedesco Verschwendung.

stràgu , nm: istragu* Definizione dannu mannu de bochíere gente o animales, distrúere totu; fastídiu mannu, pena forte, dispraxere Sinonimi e contrari distrubbu, dolore, matratamentu, pena / dannu, degógliu, desacatu Frasi is màrigas, a su biri custu stragu, atumbant apari e segaras si funt ◊ billas totu sa noti timendi chi margiani iscumpudiu ti fatzat stragu mannu ◊ sa morti ti at fatu stragu mannu in corti Traduzioni Francese massacre Inglese massacre Spagnolo masacre Italiano strage Tedesco Blutbad.

stràgu 1 , nm: istragu* 1 Sinonimi e contrari cadha, cària, istrachidúdine, pelea Frasi issu depit lassai sa cassa, ca est tropu stragu e dhi fait mali! ◊ a fai a prandi in domu po sa coja est tropu stragu po sa famíglia ◊ cussa cosa a dha fai totu a una borta est unu stragu ◊ funt bennius a mengianu e torraus andai a merí: mancu su stragu, cun totu cudhu viàgiu!…

stràgu 2 , nm Definizione genia de tragu de ferru totu a punciones (o dentes, puntas grussas) asuta, de passare in sa terra arada po carragiare su sèmene, po mòvere sa terra a is laores candho funt ancora piticos a erba po dhis fàere de marríngiu Sinonimi e contrari stripadori Frasi a su trigu dhi passaus su stragu de ferru e dhu concimaus Traduzioni Francese herse Inglese drag Spagnolo grada Italiano érpice Tedesco Egge.

strallèra , nf Definizione una genia de anade, dhi narant fintzes cucumartzolu Terminologia scientifica pzn, mergus serrator Traduzioni Francese harle Inglese merganser Spagnolo serreta mediana Italiano smèrgo minóre Tedesco Mittelsäger.

strallèra 1 , nf: istrallera* Definizione fata de piciochedhos malos, de piciochedhos botosos.

stràllu , nm Definizione its, fadhina? Frasi càstiu su celu: notesta no si bit unu strallu de istellas.

stramài , vrb: istramai*, stramari Definizione bogare de pare sa trama, segare is filos de su tessíngiu, isconciare sa cosa téssia: si narat fintzes de is funes Sinonimi e contrari ilbulzare, illanivuzare, irfilusare, isfiocare, istèssere, sfibicitai, sfrocai Frasi su sebbateri ungit s'ispagu cun pixi po no si stramari.

stramancadúra , nf Definizione su stramancai, mancamentu, pérdia de calecuna cosa chi no s'ischit a ue est andhada Etimo srd.