A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

afoghizaméntu , nm Definitzione su afoghizare, su pònnere fogos, su istare abbruxandho cosa po illimpióngiu Sinònimos e contràrios afogonzu Ètimu srd.

afoghizàre afocazàre

afoghízu afochízu

afoginàre , vrb Definitzione cuare o pònnere in sa fogina (nau de is sirbones) Sinònimos e contràrios abbuare, acrodhare, atanai Frases su silbone costumat a si afoginare Ètimu srd.

afoglietàdu , pps, agt: foglietadu Definitzione de afoglietare; nau de ccn., chi andhat o faet che unu fogliete, a sa maconatza, chi no est giustu de conca Sinònimos e contràrios desessidu, dischissiau, disvariadu, ilvariadu, iscabiladu Maneras de nàrrere csn: , Frases sa mariposa, afoglietada, ispàstigat su bolu, a ciascu postu, nendhe: "Semus in beranu: si devet ispassare chie est sanu!" Ètimu srd. Tradutziones Frantzesu étourdit, distrait Ingresu reckless, rash Ispagnolu atolondrado Italianu sventato Tedescu leichtsinnig.

afoglietàre , vrb Definitzione prnl, fàere a sa maconatza, cun pagu cunsideru, fintzes a giogu comente faent is imbeléschidos, is ifadosos Frases si cussu pitzinnu si afoglietat catzachelu!

afogogliàre , vrb Definitzione abbruschiare, auscare a fogu, a fràmula Sinònimos e contràrios afracuai, aframiai, aframucionare, summuscrare.

afogonài, afogonàre , vrb Definitzione aconciare su fogu, istare aciunghendho linna o àteru de dhu fàere tènnere e durare a meda, abbruxare malesa Sinònimos e contràrios afocazare Ètimu srd.

afogónzu , nm Definitzione illimpióngiu de is terras chi si faet abbruxandho sa malesa Sinònimos e contràrios afoghizamentu Ètimu srd.

afogóriu , nm Definitzione basca manna de istade Sinònimos e contràrios afocu, caldana, fogora Ètimu srd.

afogósu afocósu

afógu afócu

afogulàre , vrb: fogulare* Definitzione abbruxare unu pagu cun fogu (nau de terrenu), cun cosa budhia Sinònimos e contràrios afocazare Frases daghi fit s'ozu budhendhe, che at tzacadu totas duas manos e afogulada s'est!

afolfigàre , vrb Definitzione nàrrere male de unu Sinònimos e contràrios aferritai, aforticare 1, annegiai, slinguai, terraguzare Frases già de l'intèndhere ndhe fia istracu, afolfighèndhemi su bighinadu cun sas sabunadoras in su lacu (G.Ruggiu) Ètimu srd. Tradutziones Frantzesu médire Ingresu to talk behind Ispagnolu hablar mal Italianu sparlare Tedescu schlecht reden.

afollaméntu , nm Definitzione su dhue àere gente meda totu impare, mescamente si est in pagu tretu, in pagu logu Sinònimos e contràrios afiotulada, apubulada, atrepógliu, atrupamentu, atutina Tradutziones Frantzesu rassemblement Ingresu crowding Ispagnolu muchedumbre Italianu affollaménto Tedescu Gedränge.

afollàre , vrb Definitzione su andhare o istare in medas totu impare, mescamente in pagu logu Sinònimos e contràrios apubulare, atrumare, atutinare.

afollitàu , agt Definitzione chi portat fogighedhas, chi est fatu a fogighedhas po bellesa Frases fatzu unu cacòi totu afollitau e a pitzicorredhus Ètimu srd.

afoltigàre , vrb: aforticare, afortigae, afortigare Definitzione fàere prus forte Sinònimos e contràrios afortiai, afortire, afortzare, arrefortzai, fortalèssiri | ctr. irdebbilitare Frases ti afóltigat su tempus andhadu, su faedhare cun sos mortos (O.Bidhau)◊ est truncandhe ramos pro aforticare sa corte chin sida noba ◊ cherimus afortigare su sardu, ca si morit s'isperdent sos Sardos ◊ candho afórtigo a cambas esso torra a ziru Ètimu srd.

afoltunàdu , agt: afortunadu, afortunau, fortunadu Definitzione chi at tentu o tenet fortuna, chi dhi curret sa fortuna, chi dhi andhat bene totu Sinònimos e contràrios addiciadu, assortadu, auradu, aurosu, benaventurau, diciosu, fadosu, iscofadu, orbau / cdh. afultunatu | ctr. deldiciadu, disagurau, ifoltunadu, mabassortau Frases sos de Sune de Pàdria e de Sindia chi si content totu afortunados…◊ filla mia, ita mali afortunara chi ses istétira! ◊ nos potimus cussiderare afortunatos, in custos montes!◊ chini mai podit èssiri prus afortunada de tui?! Ètimu srd. Tradutziones Frantzesu qui a de la chance Ingresu lucky Ispagnolu afortunado, suertudo Italianu fortunato Tedescu glücklich.

afonteràre , vrb: afunterare, fonterare Definitzione pigare e poderare una cosa o a ccn. cun is manos Sinònimos e contràrios aferrai, afuntènnere, agganciai, ammantènnere, infuntènnere Frases su pitzocu est essiu lestru po afonterare sos redinagos de s'ebba ◊ sa fiza si tzetzit afaca a sa mama e bi afonterat sa manu treme treme.