A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

ammachiósu , agt Definitzione chi ammàchiat, chi incantat de cantu est bellu, bonu, de cantu praghet Sinònimos e contràrios ammajaditu Ètimu srd.

ammàchiu , nm Definitzione cosa o unu chi faet ammachiare de cantu praghet o de cantu est bellu: nau a befa o in cobertantza, su contràriu / tènniri a. po unu = èssere ammachiados, alluscados pro unu Sinònimos e contràrios abbaradhamentu, dischíssiu 2. coromeu carigadu, ses un'ammàchiu!… Ètimu srd. Tradutziones Frantzesu enchantement, folie, tocade Ingresu madness, spell, infatuation Ispagnolu encanto, chaladura Italianu incanto, follía, infatuazióne Tedescu Zauber, Wahnsinn, Schwärmerei.

ammaciàe, ammaciài, ammaciàre, ammaciàri , vrb: ammanciai, ammarciai, maciare* Definitzione fàere marcos de diferente colore, màncias de brutore, mescamente de cosa chi no ndhe andhat; pònnere intzimia de maladia, de guastu, nàrrere cosas chi disonorant s'àteru, o fàere vilesas, male Sinònimos e contràrios macrare, tacai 1, traschiare 1 | ctr. smanciai / aciacai, anneciare, colpire, inciacai, tunconire Frases s'arenada ammàciat s'arrobba ◊ eus ammaciau su muru de ollu ◊ ant ammanciau s'arrobba 2. fillu miu, no ti ammancis de vilesas! Tradutziones Frantzesu tacher Ingresu to stain Ispagnolu manchar Italianu macchiare Tedescu beflecken.

ammacigài , vrb: ammaciucari, ammaciugai, maciugai* Definitzione pistare unu pagu, fàere a giúmburu, fàere pistadura Sinònimos e contràrios abbugnai, abburrutonare, aggatare, atzumbarare, atzumbonare Frases portamu is palas totu ammacigadas fortzendi paris, sentza de podi artziai (Maxia L.)◊ dh'iat donau una punta de pei a sa serra de sa camba e iat iscramiau frighendusí su tretu chi dh'iat ammaciugau ◊ soe benniu po ti ammaciucari Tradutziones Frantzesu écraser, battre Ingresu to bruise, to crush Ispagnolu abollar, aplastar Italianu acciaccare, pestare Tedescu treten auf.

ammacigonài , vrb Sinònimos e contràrios ammaciugai Frases chi dhu cassant in mesu, cun cussu giogu, a unu dh'istrecant e dh'ammacigonant in pulmonis! Ètimu srd.

ammaciocài , vrb: ammatzocai, ammatzucare, matzucare Definitzione iscúdere a matzucu, a fuste, tocare o ingòllere, pistare; giare ifadu, múngia meda Sinònimos e contràrios ammatolare, isciúdere, pistae, magiare / ammatanai, impeltinare, incidai Frases sa cardanera est ammaciochendusì is alas in sa càbbia ◊ babbai est sempri ammatzochendimí sa conca anca iat a èssi ora de mi circai maridu! 2. is arrúndilis si pesant a bólidu, ammatzocadas de is arrajus bàscius de sa nea ◊ in benas ti ammatzocat sa calentura Ètimu srd.

ammaciociàe, ammaciociài , vrb Definitzione fàere a macióciu, pònnere prupas, crèschere Sinònimos e contràrios imprupire Frases Olghixedha… in cussu tempus gei fuit Olghixedha, ma immoi gei s'est ammaciociada! Ètimu srd. Tradutziones Frantzesu grossir, engraisser Ingresu to fatten Ispagnolu engordar, echar carnes Italianu diventar grasso, impolpare Tedescu dick werden.

ammacionài , vrb: ammascionai, ammatzonare, matzonare Definitzione istare o pònnere cicios o crocaos coment’e allorigaos; su si pònnere che a su margiane (matzone), cuare, fàere che a su matzone Sinònimos e contràrios aciunciulire, acoconare, acuculiare, aculigionai, acuculiedhare, arruntzai / abbuare, acuae, acrodhare, intanae, istichire Ètimu srd. Tradutziones Frantzesu être aux aguets Ingresu to lie in wait Ispagnolu acechar Italianu stare in agguato Tedescu auf der Lauer liegen.

ammacitàe, ammacitài , vrb Definitzione fàere a bregúngia, brigare e fàere a befa e po cussu etotu abbatire, coment'e abbasciare a ccn. a macitu, a cosa de pagu contu Sinònimos e contràrios abbirgonzire, afachilare, ibregungire, ifachilare | ctr. abantai.

ammacitài , vrb Definitzione fàere a matzos, a matzos piticos.

ammacitàu , pps, agt Definitzione de ammacitae; chi istat allorigau crocau che is gatos, prus che àteru firmu po mandronia Sinònimos e contràrios acoconau ammacionau Ètimu srd.

ammaciucàri ammacigài

ammaciugadúra , nf: maciugadura Definitzione su ammaciugai; genia de pistadura, giúmburu de calecunu cropu Sinònimos e contràrios abbugnadura, abburrutonada, buglione, bugnu 1, bumburusone, ciumbone, cocorroi, tzulumbone Ètimu srd.

ammaciugài ammacigài

ammacocàe , vrb Definitzione fàere a macoco, essire pagu abbistu, tontu Sinònimos e contràrios abbambanai, abbrabbalucai, abbucallotare, atolondrai, atontixinare Ètimu srd.

ammacràu , agt Definitzione chi est a màncias, cotu o abbruxau a sole Sinònimos e contràrios acotilau, ammoriscau Ètimu srd.

ammacuadòri , nm Sinònimos e contràrios pistalardu.

ammaculàre , vrb Sinònimos e contràrios abbalaucare, abbengare, acisai, ammaghiare, ammainai Frases custu pudhu ammàculat sas pudhighinas!

ammaculiàdu , pps, agt Definitzione de ammaculiare; fintzes chi est atontau, ammammalucau Sinònimos e contràrios ingalenau / abbabbiocatu, abballalloadu / cdh. ammaculiatu 2. mesu ammaculiadu, sonniendhe sa fache soliana, ischidadu no so e ne drommidu (P.Muresu) l'ant ammaculiadu a bellas peràulas Tradutziones Frantzesu assoupi Ingresu drowsed Ispagnolu adormecido Italianu assopito Tedescu schlafend.

ammaculiaméntu , nm Sinònimos e contràrios ammacúliu Ètimu srd.