A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

ammagagnàdu , pps, agt Definitzione de ammagagnare / frutuàriu, saludu a. = mantzadu, tunconidu Sinònimos e contràrios guastu, malesanu.

ammagagnàre, ammagangiài , vrb: magagnare* Definitzione fàere totu a maganzas, a màncias, guastu Sinònimos e contràrios atufai, guastare, magunire, marcitai / ammaladiai, apuntorai, atzacorare, demare, ilmaladiare, inciacai, tunconire Frases ammagagnare su frutuàriu, su saludu Tradutziones Frantzesu abîmer, gâcher Ingresu to spoil, to corrupt Ispagnolu estropear, corromper Italianu guastare, corrómpere Tedescu verderben.

ammagaràu , agt Definitzione leau a sonnu, dormindhosi, cumenciandho a dormire Sinònimos e contràrios ammaculiadu, ingalenadu | ctr. ischidadu.

ammagàre , vrb: ammagrare, ammajare 1 Definitzione istichire in is tupas (magras); su si pònnere coment'e cuaos, incrubaos, bàscios de no fàere a dhos bíere Sinònimos e contràrios abbuare, ammatare, apaltare, apatai, atanai, atrabentare, atupare, cuerrai, frànghere, imbusare, impertusare, intanae, intupai, intuvedhare Frases su cane meu est curtu a si ammagare ca lu fint mossighendhe àteros canes ◊ bi at unu a fusile, ammagadu dae chito, ispetendhe chi colet su bolu de sos puzones ◊ su batu sorigadore si ammagat, cua cua e citu citu, a matza a terra Ètimu ctl. amagar.

ammagarinàre ammacarinàre

ammagasinài , vrb Definitzione pònnere o chistire in magasinu Sinònimos e contràrios incamasinare, incungiai Ètimu srd.

ammaghiàda , nf Definitzione su ammaghiare Ètimu srd.

ammaghiadòre , nm, agt: ammajadore, majadore Definitzione chi o chie ammàghiat, faet maias, incantat (fintzes cun sa bellesa o àteru chi praghet meda) Sinònimos e contràrios ammainadori, maghiarju / ammajaditu 2. est unu sonu gai bellu… ammajadore! ◊ in cussu mundhighedhu, in s'ospilesa ammajadora, tanta bellesa l'at fatu ismentigare sos ispannos (F.Murtinu)◊ at cantadu cun boghe ammajadora Ètimu srd. Tradutziones Frantzesu ensorcelant Ingresu charmer Ispagnolu fascinante, encantador Italianu ammaliante, ammaliatóre Tedescu bezaubernd, Zauberer.

ammaghiadúra , nf: ammajadura Sinònimos e contràrios afatugiamentu, ammajamentu Ètimu srd. Tradutziones Frantzesu envoûtement, sortilège Ingresu charming Ispagnolu encantamiento, hechizo Italianu ammaliatura Tedescu Bezauberung.

ammaghiàre , vrb: ammajae, ammajai, ammajare Definitzione pigare o acapiare cun is maias, ma pruschetotu nau po incantare cun sa bellesa, cun s'amore Sinònimos e contràrios acisai, afaturai, ammaculare, ammainai, ammajarzare, apungare, imbrusciai Frases o rosa delicada, mi as ammajadu cun sos risitos tuos delisciosos! ◊ cale vista no restat ammajada pro totu sas delíscias chi nos daet Deus?! (P.Serra)◊ est cun s'oju dae incantos ammajadu ◊ no si lassesit ammajare dae s'inzéniu sou ◊ sa fémina fit ammaghiada de issu Ètimu srd. Tradutziones Frantzesu fasciner, ensorceler, envoûter Ingresu to charm Ispagnolu encantar, hechizar Italianu affascinare, ammaliare Tedescu bezaubern.

ammaghiàu , pps, agt Definitzione de ammaghiare 2. so torrau a custa terra ammaghiada che ómine asuriu.

ammaghiúcuru , nm: ammajúculu Sinònimos e contràrios abbréngulu, carigna, imbímbinu, losinga, marieta Ètimu srd.

ammàgliu almàriu

ammagràre ammagàre

ammagunàre , vrb Sinònimos e contràrios ammadainare, ammoltighinare Frases su gatu ammàgunat su sórighe cun pagos istrapatzos.

ammaidoinàre ammadainàre

ammainadòri , agt, nm Definitzione chi o chie faet mainas; chi incantat cun sa dechidesa, cun sa bellesa Sinònimos e contràrios aciseri, ammaghiadore, brúsciu / ammajaditu 2. lébia, gallosa che una beta, mi atressas ananti cun ogus ammainadoris! (S.Mossa) Ètimu srd.

ammainài , vrb Definitzione fàere mainas, fatúgios, acapiare a fatúgios, incantare Sinònimos e contràrios acisai, afatugiare, afaturai, ammaghiare, ammajarzare, apungare, imbrusciai | ctr. spindaciai Frases mi ant ammainau custas candelas: andu a sa luxi insoru, érridu casi ◊ portat is ogus che braxas de fogu, sa castiada parit chi ammainat 2. seu ammainau de tanti bellesa! Ètimu srd.

ammainàre , vrb: ammaniare Definitzione pònnere cosa a manera de andhare bene a dha pigare, a dh’aferrare cun sa manu, chi siat pronta a impreare, a si ndhe serbire / ammaniare su bestiàmine = assetiai, fai andai o abarrai pascendi comenti andat bèni a su pastori Sinònimos e contràrios abrontai, allinzare, ammanitzare, apariciai, cuncodrai Frases ammàina su logu ca ispetamus zente ◊ issa ammaniabat su cafè chin sos pistocos ◊ a isse l'ammaniaiant s'allozu e su gustu ◊ su massàgiu ammàniat sos trastos su manzanu chito ◊ sunt ammaniandhe pro su tusinzu Ètimu srd. Tradutziones Frantzesu préparer Ingresu to prepare Ispagnolu preparar, montar Italianu allestire, dispórre Tedescu zurechtmachen.

ammainéri , agt, nm Sinònimos e contràrios aciseri, ammainadori.