A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

ammàinu , nm Definitzione su ammainai Sinònimos e contràrios acisu, ammàchiu Frases custu est un'ammàinu, una maia! Ètimu srd.

ammaistràe, ammaistrài , vrb: ammastriare Definitzione imparare, giare imparu comente faent is maistos a is dischentes Sinònimos e contràrios annestrare, imparai Frases a fizu tou chie l'at ammastriadu in s'irrocare? (G.Ruju) Ètimu itl. Tradutziones Frantzesu entraîner Ingresu to exercise Ispagnolu instruir, adiestrar Italianu ammaestrare, impratichire Tedescu belehren.

ammaistraméntu , nm: ammastriamentu Definitzione su ammastriare, giare annestru, imparu, su chi faet unu maistu cun is dischentes, cun chie est imparandho o depet imparare Sinònimos e contràrios addotrinamentu, annéstriu, imparu Tradutziones Frantzesu instruction, éducation Ingresu taming Ispagnolu educación Italianu ammaestraménto Tedescu Belehren.

ammaistràu , pps, agt Definitzione de ammaistrae; chi dhi ant giau o at tentu imparu Tradutziones Frantzesu entraîné, dressé Ingresu tamed Ispagnolu amaestrado, aleccionado Italianu ammaestrato, addestrato Tedescu belehrt, dressiert.

ammajadítu , agt: ammaxaditu Definitzione chi ammajat, chi incantat de cantu est bellu, bonu, de cantu praghet Sinònimos e contràrios ammaghiadore, ammainadori, anfaneri Ètimu srd. Tradutziones Frantzesu séduisant Ingresu seductive Ispagnolu encantador Italianu seducènte, incantévole Tedescu bezaubernd.

ammajadòre ammaghiadòre

ammajàdu ammagàdu

ammajadúra ammaghiadúra

ammajàe, ammajài ammaghiàre

ammajaméntu , nm Definitzione su ammajare Sinònimos e contràrios ammaghiadura / atontadura Ètimu srd.

ammajàre ammaghiàre

ammajàre 1 ammagàre

ammajarzàre , vrb Definitzione incantare, pigare cun fatúgios, cun majarzadorias Sinònimos e contràrios abbrusciai, acisai, afatugiare, afaturai, ammaghiare, ammainai, apungare Frases medas a ti mirare si arreent ammajarzados ◊ una fémina de gai aiat ammajarzadu su primu fizighedhu nostru Ètimu srd. Tradutziones Frantzesu ensorceler Ingresu to bewitch Ispagnolu hechizar Italianu stregare Tedescu behexen.

ammajetéri , agt Sinònimos e contràrios alabantzeri, allisadori, ninnadore.

ammajoculàre , vrb: ammajucolare, ammajuculare, ammajungulare Definitzione pigare a frandhigos, pigare in bonas, fintzes abbabballucare Sinònimos e contràrios ammajucare Ètimu srd.

ammàju , nm: ammaxu Definitzione cosa chi si faet po ammajare, cosa chi ammajat, incantat Sinònimos e contràrios abbaradhu, allériu, anfania, incantu / afatúgiu, brusceria, ifumentu, maina Frases su tempus de sa recuida bi l'at sonadu s'istima a sos disamparados de sa terra sua, s'ammaju de sa terra matessi 2. sa zente sardignola isputzit su faedhu de sos ajajos e leat bona iscola de lorodhos anzenos e ammajos (P.Casu) Ètimu srd. Tradutziones Frantzesu enchantement, charme Ingresu spell, charm Ispagnolu hechizo, encanto Italianu fàscino, incantaménto, seduzióne Tedescu Verzauberung.

ammajucàre , vrb Definitzione pigare a losingas, pigare a frandhigos, in bonas Sinònimos e contràrios ammajucolare Ètimu srd. Tradutziones Frantzesu traiter avec douceur (ou avec les égards voulus) Ingresu to treats.o. with kindness Ispagnolu coger por las buenas Italianu prènder con le buòne Tedescu jdm. gut zureden.

ammajucolàre, ammajuculàre ammajoculàre

ammajungulàre ammajuculàre

ammaladiài , vrb: ammalaidae, ammalaidare, ammalaidari, ammalariai, ammobadiai, ammobeidai, maladiare Definitzione orrúere a malàidu, ingòllere maladia Sinònimos e contràrios ammagagnare, apuntorai, demare, ilmaladiare, inciacai, tunconire | ctr. sanai Frases cussa piciochedha po s'iscola fait fintzas a si ammobadiai ◊ depestus andai, ma si fiat ammobadiada sa cani e no at fatu prus (A.Garau)◊ is cosas in iscàtula ti creis ca no faint ammalariai sa genti? ◊ Pepina fiat giòvana candu si fiat ammobeidada (A.Merici) Ètimu srd. Tradutziones Frantzesu tomber malade Ingresu to fall ill Ispagnolu enfermar Italianu ammalarsi Tedescu krank werden.