A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

ammachiósu , agt Definizione chi ammàchiat, chi incantat de cantu est bellu, bonu, de cantu praghet Sinonimi e contrari ammajaditu Etimo srd.

ammàchiu , nm Definizione cosa o unu chi faet ammachiare de cantu praghet o de cantu est bellu: nau a befa o in cobertantza, su contràriu / tènniri a. po unu = èssere ammachiados, alluscados pro unu Sinonimi e contrari abbaradhamentu, dischíssiu 2. coromeu carigadu, ses un'ammàchiu!… Etimo srd. Traduzioni Francese enchantement, folie, tocade Inglese madness, spell, infatuation Spagnolo encanto, chaladura Italiano incanto, follía, infatuazióne Tedesco Zauber, Wahnsinn, Schwärmerei.

ammaciàe, ammaciài, ammaciàre, ammaciàri , vrb: ammanciai, ammarciai, maciare* Definizione fàere marcos de diferente colore, màncias de brutore, mescamente de cosa chi no ndhe andhat; pònnere intzimia de maladia, de guastu, nàrrere cosas chi disonorant s'àteru, o fàere vilesas, male Sinonimi e contrari macrare, tacai 1, traschiare 1 | ctr. smanciai / aciacai, anneciare, colpire, inciacai, tunconire Frasi s'arenada ammàciat s'arrobba ◊ eus ammaciau su muru de ollu ◊ ant ammanciau s'arrobba 2. fillu miu, no ti ammancis de vilesas! Traduzioni Francese tacher Inglese to stain Spagnolo manchar Italiano macchiare Tedesco beflecken.

ammacigài , vrb: ammaciucari, ammaciugai, maciugai* Definizione pistare unu pagu, fàere a giúmburu, fàere pistadura Sinonimi e contrari abbugnai, abburrutonare, aggatare, atzumbarare, atzumbonare Frasi portamu is palas totu ammacigadas fortzendi paris, sentza de podi artziai (Maxia L.)◊ dh'iat donau una punta de pei a sa serra de sa camba e iat iscramiau frighendusí su tretu chi dh'iat ammaciugau ◊ soe benniu po ti ammaciucari Traduzioni Francese écraser, battre Inglese to bruise, to crush Spagnolo abollar, aplastar Italiano acciaccare, pestare Tedesco treten auf.

ammacigonài , vrb Sinonimi e contrari ammaciugai Frasi chi dhu cassant in mesu, cun cussu giogu, a unu dh'istrecant e dh'ammacigonant in pulmonis! Etimo srd.

ammaciocài , vrb: ammatzocai, ammatzucare, matzucare Definizione iscúdere a matzucu, a fuste, tocare o ingòllere, pistare; giare ifadu, múngia meda Sinonimi e contrari ammatolare, isciúdere, pistae, magiare / ammatanai, impeltinare, incidai Frasi sa cardanera est ammaciochendusì is alas in sa càbbia ◊ babbai est sempri ammatzochendimí sa conca anca iat a èssi ora de mi circai maridu! 2. is arrúndilis si pesant a bólidu, ammatzocadas de is arrajus bàscius de sa nea ◊ in benas ti ammatzocat sa calentura Etimo srd.

ammaciociàe, ammaciociài , vrb Definizione fàere a macióciu, pònnere prupas, crèschere Sinonimi e contrari imprupire Frasi Olghixedha… in cussu tempus gei fuit Olghixedha, ma immoi gei s'est ammaciociada! Etimo srd. Traduzioni Francese grossir, engraisser Inglese to fatten Spagnolo engordar, echar carnes Italiano diventar grasso, impolpare Tedesco dick werden.

ammacionài , vrb: ammascionai, ammatzonare, matzonare Definizione istare o pònnere cicios o crocaos coment’e allorigaos; su si pònnere che a su margiane (matzone), cuare, fàere che a su matzone Sinonimi e contrari aciunciulire, acoconare, acuculiare, aculigionai, acuculiedhare, arruntzai / abbuare, acuae, acrodhare, intanae, istichire Etimo srd. Traduzioni Francese être aux aguets Inglese to lie in wait Spagnolo acechar Italiano stare in agguato Tedesco auf der Lauer liegen.

ammacitàe, ammacitài , vrb Definizione fàere a bregúngia, brigare e fàere a befa e po cussu etotu abbatire, coment'e abbasciare a ccn. a macitu, a cosa de pagu contu Sinonimi e contrari abbirgonzire, afachilare, ibregungire, ifachilare | ctr. abantai.

ammacitài , vrb Definizione fàere a matzos, a matzos piticos.

ammacitàu , pps, agt Definizione de ammacitae; chi istat allorigau crocau che is gatos, prus che àteru firmu po mandronia Sinonimi e contrari acoconau ammacionau Etimo srd.

ammaciucàri ammacigài

ammaciugadúra , nf: maciugadura Definizione su ammaciugai; genia de pistadura, giúmburu de calecunu cropu Sinonimi e contrari abbugnadura, abburrutonada, buglione, bugnu 1, bumburusone, ciumbone, cocorroi, tzulumbone Etimo srd.

ammaciugài ammacigài

ammacocàe , vrb Definizione fàere a macoco, essire pagu abbistu, tontu Sinonimi e contrari abbambanai, abbrabbalucai, abbucallotare, atolondrai, atontixinare Etimo srd.

ammacràu , agt Definizione chi est a màncias, cotu o abbruxau a sole Sinonimi e contrari acotilau, ammoriscau Etimo srd.

ammacuadòri , nm Sinonimi e contrari pistalardu.

ammaculàre , vrb Sinonimi e contrari abbalaucare, abbengare, acisai, ammaghiare, ammainai Frasi custu pudhu ammàculat sas pudhighinas!

ammaculiàdu , pps, agt Definizione de ammaculiare; fintzes chi est atontau, ammammalucau Sinonimi e contrari ingalenau / abbabbiocatu, abballalloadu / cdh. ammaculiatu 2. mesu ammaculiadu, sonniendhe sa fache soliana, ischidadu no so e ne drommidu (P.Muresu) l'ant ammaculiadu a bellas peràulas Traduzioni Francese assoupi Inglese drowsed Spagnolo adormecido Italiano assopito Tedesco schlafend.

ammaculiaméntu , nm Sinonimi e contrari ammacúliu Etimo srd.