A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

bichiàre , vrb Sinònimos e contràrios biculare, bicullitare, ispitudhare, ispitulare, papai, spurtiri Ètimu srd.

bichibbòco , nm Definitzione cosa de gioghistos: fuste o listellu de linna (de diferente longària), unu po dónnia camba, fatu de pòdere pònnere su pèi a mesania o de prus puru a manera de camminare cun cambas prus longas Tradutziones Frantzesu échasse Ingresu stilt Ispagnolu zanco Italianu tràmpolo Tedescu Stelze.

bichighédhu , nm: bichixedhu Definitzione min. de bicu Sinònimos e contràrios bichitu.

bichigrússu , nm: bichirussu, bicugrussu Definitzione genia de pigione a bicu curtzu ma grussu, papat meda su sèmene de is frutuàrios cun ossu Sinònimos e contràrios picirrone, piciurussu, picugroxu, sciacaméndhulas, tzacaméndhula / cdh. bichigrossu Terminologia iscientìfica pzn, coccothraustes coccothraustes insularis Ètimu srd. Tradutziones Frantzesu gros-bec Ingresu grosbeak Ispagnolu picogordo Italianu frosóne Tedescu Kirschkernbeißer, Kernbeißer, Finkenkönig.

bichíle , nm Definitzione orrugu de linna, puncione, cravau in su muru po dhue acapiare un'animale Ètimu srd.

bíchili , nm Definitzione orrugu, cantu de cosa, fintzes terrenu Sinònimos e contràrios bículu Frases zòvanu bonu a maridu… ma e bíchilis a ndhe tenet?

bichillitàre , vrb Definitzione segare faendho arresurtare bicos, puntighedhas / foza bichillitada = a dentes, a segheto, assarretada ororu.

bichillócu , agt, nm Definitzione chi est tontatzu, pagu abbistu Sinònimos e contràrios gallullu, innóchidu, ispistulonadu, listrone, macu, scimpri, scioncu, tontarrone Tradutziones Frantzesu idiot Ingresu idiot Ispagnolu idiota Italianu idiòta Tedescu dumm, Dummkopf, Idiot.

bichillói, bichilói, bichilóni , agt Sinònimos e contràrios baliodha, bichimmeo, bovatzu, bucalloto, gingiorre, gongoatzu, isimpre, tolondro Tradutziones Frantzesu naïf, niais Ingresu ingenuos Ispagnolu simplón, ingenuo Italianu semplicióne Tedescu dumm, einfältig.

bichimmèo , agt Sinònimos e contràrios babbalocu, baliodha, bucalloto, gingiorre, prantamone, tolondro Tradutziones Frantzesu sot, stupide Ingresu obtuse Ispagnolu necio, soso Italianu babbàccio Tedescu dumm, einfältig.

bichinàdu, bichinàtu, bichinàu , nm: bighinadu, biginau, bixinau, vichinadu Definitzione parte de una bidha, is domos acanta de pare in sa matessi orruga, de is orrugas prus acanta; sa gente chi dhue istat Sinònimos e contràrios apendítziu, arrodu 1, bodheu, trechinzu Frases si no acodint is de biginau a dhas istagiai ciai si donant una craminada! ◊ sa genti de bixinau dh'iant consillau de andai a guventu ◊ sa zente de su bichinau no bi resesso a l'irmenticare ◊ so essindhe, za no istésio, so in bighinadu! 2. candu est mortu su pobidhu, agitoriendi at fatu acudiri totu su bixinau ◊ arrori dha cundat, e fémina: tenit arrexoni su chi narat su bixinau! Sambenados e Provèrbios prb: coja e còmpora in bidha tua e si podes in bighinadu! Terminologia iscientìfica bdh Ètimu ltn. vicinatus Tradutziones Frantzesu voisinage Ingresu neighbourhood Ispagnolu vecindad Italianu vicinato, rióne Tedescu Nachbar.

bichínu , agt, nm: bighinu, biginu, bixinu, vichinu Definitzione (f. -a) chie istat apresu a domo, in su matessi bighinau / a bighinu a… = acanta a…, apunt'apunta a… Sinònimos e contràrios bighinante, carrerali, probianu, trichinzarju / bighinadu Frases su bichinu est prus de su parente, ca a s'apretu est in costazu ◊ si no bos lu bantaes bois, a babbu bostru, bichinos malos azes! ◊ is bixinas parint nàscias po donai cuntzillus! ◊ candho bociant su mannale, a is biginus si arregallàt su spinedhu (petza, sàmbene e figau) 2. apenas pro piànghere li afrimmant sos ojos, a bighinu a si sicare! Sambenados e Provèrbios prb: bixina bona, funtana in pratza Ètimu ltn. vicinus Tradutziones Frantzesu voisin Ingresu neighbour Ispagnolu vecino Italianu vicino (di casa) Tedescu Nachbar.

bíchiri , nm Definitzione ominedhu de pagu giudu Sinònimos e contràrios bàchiri Sambenados e Provèrbios smb: Bícchiri, Bíchiri Ètimu srd.

bíchiri 1 , nm Definitzione ballu sardu sartau, a brínchidos Frases fint totu note in piata ballendhe su passu torradu e su bíchiri (T.Cau) Ètimu srd.

bichirinàdu , agt Definitzione nau de ballu, chi est fatu a brínchidos; nau de istrégiu, irbicadu, chi dhi mancat orrughedhos, o, segundhu ite, chi est fatu a bichitos Frases piticos e mannos bisionant ballos bichirinados (F.Manca).

bichiriòla , nf Definitzione foedhandho de o cun piciochedhos, sa natura de su mascu, de s'ómine Sinònimos e contràrios bobborota, chichia, lelledha, marracoi, minninna, pichiriola, pilledha, pillighita, pisciuledha, tórrina Ètimu srd.

bichiritàre , vrb Definitzione andhare brinchidandho, a brínchidos Frases cussas piciocas che sunt pigadas a chéjia bichiritendhe che catedhu in fossu (A.Dettori) Ètimu srd.

bichirrói , nm Sinònimos e contràrios borrutone, ciumbone, cocoroi 1, tzulumbone.

bichirússu bichigrússu

bichitàre , vrb Definitzione papare, arregòllere sa cosa cun su bicu Sinònimos e contràrios abbicai, biculitare, ispidhuncare, ispirtzulare, pibitzuai Frases calchi poforinu andhaiat onzi tantu a bichitare su trigu Ètimu srd. Tradutziones Frantzesu prendre avec le bec, becqueter, picorer Ingresu to peck Ispagnolu picar, picotear Italianu beccare Tedescu aufpicken.