A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

nesigàdu nesicàu

nesigàre nesicàre

nesíre , vrb: niscire, nisire, nisiri, nissire Definitzione sonare su nare, su nasu, innisire su mucu Sinònimos e contràrios inniscire, ischisciare, ischiscire, mucai, sinire Frases nesíresi su nasu ◊ sos mucadoredhos sunt fatos pro nisire ◊ nísidi su mucu! Ètimu srd. Tradutziones Frantzesu se moucher Ingresu to blow one's nose Ispagnolu sonarse, limpiarse las narices Italianu soffiarsi il naso Tedescu sich schneuzen, sich die Nase putzen.

néspua, néspula , nf Definitzione genia de mata a fògia larga meda e longa, a punta, e frutu (upm) agiummai cantu una nughe, grogo candho est cotu, de sabore unu pagu aghedu ma druche, cun sèmene matucu, unu de is primos frutuàrios noos in beranu / àtera creze de n. = néspula de zerru o sarda (Mespilus germanica); n. ciampone = n. de su Giapone Terminologia iscientìfica frt, Eryobotrya japonica Ètimu ltn. *nespila po mespila Tradutziones Frantzesu néflier, nèfle Ingresu medlar (tree) Ispagnolu níspero Italianu nèspolo, nèspola Tedescu Mispel, Japanische Mispel.

nespulàrgiu , nm Definitzione giardinu prantau a néspulas.

nessàrgiu, nessàrzu nassàrgiu

néssi nénsi

néssia néschia

néssiga , nf Sinònimos e contràrios nésica*, neche.

néssis nénsi

néssiu , agt, nm Definitzione nau de ccn., chi o chie no est bonu a nudha, fatu e lassau, de pagu abbilidade Sinònimos e contràrios acinnessi, bovo, cartzellete, casticau, dissalliu, iltrudhadu, innangaradu Ètimu spn. necio Tradutziones Frantzesu de rien, incapable Ingresu unfit, incompetent Ispagnolu incapaz, inepto Italianu dappòco, inètto Tedescu untüchtig, nichtsnutzig, Nichtskönner, Stümper.

nessúne nesciúne

nessúnu nensúnu

nèta , nf Definitzione fémina fígia de una sorre, o de unu frade, de una fígia o fígiu, de unu fradile o sorresta (po nàrrere is prus de acanta)/ min. netichedha, netixedha Frases ti pertzeto, neta istimada, contadhu a is fígios tuos, po tènnere sèmpere presente su connotu! ◊ a sa tia li daet cara sa neta ◊ nosu seus tziu e neta ◊ sa mama de Bannedhu no ndh'istabat in sa beste de sa cuntentesa pro sa nàschia de sa netichedha ◊ Pissentica dhi fut neta, filla de su fillu Terminologia iscientìfica ptl Ètimu ltn. nepta Tradutziones Frantzesu nièce, petite-fille Ingresu niece (she) Ispagnolu nieta Italianu nipóte Tedescu Nichte.

netàre , vrb: netiare Definitzione fàere netu, illimpiare Sinònimos e contràrios innetare, pulire | ctr. allodrigai, imbrutai Frases sa mama, netendhe sa persone, a sos ninnos lis dat basos e consizos Ètimu itl. nettare Tradutziones Frantzesu nettoyer Ingresu to clean Ispagnolu limpiar Italianu pulire Tedescu putzen, saubermachen.

netèsa , nf Definitzione su èssere o abbarrare netu, límpios Sinònimos e contràrios limpidore, pulidesa | ctr. brutesa Frases tocat a pessare a sa netesa de sas manos innantis de manigare Ètimu srd. Tradutziones Frantzesu propreté Ingresu cleaning Ispagnolu limpieza Italianu pulizìa Tedescu Sauberkeit.

netiàre netàre

netighèdha, netixèdha , nf Definitzione neta pitica, pipia Tradutziones Frantzesu petite-fille, nièce Ingresu little niece (she) Ispagnolu nieta pequeña Italianu nipotina Tedescu kleine Nichte.

netiòre , nm Sinònimos e contràrios limpidesa, limpidore, netesa | ctr. brutore Ètimu srd.

nétu , agt Definitzione chi no portat malesa, muga, brutore, àliga; nau de su fàere, de sa cusciéntzia, chi no tenet pecos, cosas de si pentire, vítzios, fatas malas de si fàere perdonare Sinònimos e contràrios lígiu 1, límpidu / onestu | ctr. brutu, cadhóciu, mugosu Maneras de nàrrere csn: èssere n. de pecados = chi no tenet pecados, chentza gàrrigos de cusséntzia; èssere n. de fizos = no tènniri fillus nudha; paris n. = logu aici bonu chi no dhoi at nudha de podi fai arrúiri; triballu n. = chi no dhoi at de s'imbrutai; dinari n. = guadàngiu, dinai de contai e bastat, a billetus, foras totu is ispesas, fintzas guadangiau cun pagu trabballu, sentz'e s'imbrutai; n. chei s'oro = fintzas luxenti de cantu est límpiu, netu meda Frases su trigu como chi est purgadu e samunadu est netu ◊ sa robba neta cheret prantzada e remonida ◊ sa carrela est neta ca l'apo mundhada 2. fizu nostru est netu de istravíscios e de giogos ◊ sos pecos chi apo no dent èssere medas, ma de su totu, tzertu, no so netu ◊ est mortu chin s'ànima neta de pecas ◊ nos cheret s'ànima neta de culpas e impuridade 3. sos iscontriados trambucant a sole altu in su paris netu ◊ menzus chi serba carchi zoronada chi no a che bogare su dinari netu pro nos fàghere s'ozu ◊ su professore za est triballu netu, no est che a fàghere su pastore o su mastru de muru! Tradutziones Frantzesu propre, pur Ingresu clean Ispagnolu limpio Italianu pulito, lìmpido, móndo, scévro, puro Tedescu sauber, rein.