A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

scírfu , nm Definitzione logu ue sa terra est ledreledre, modhe chi no faet a dhue colare ca si che afundhat Sinònimos e contràrios terravodha Terminologia iscientìfica slg Tradutziones Frantzesu sables mouvants Ingresu quick sand Ispagnolu arenas movedizas Italianu sàbbie mòbili Tedescu Fliesssand.

scíri , vrb: ischire* Definitzione àere idea precisa de calecuna cosa, su connòschere sa cosa comente est, arresurtau de su imparare, de su bíere o intèndhere, de su cumprèndhere, de su averguare / ind. pres. 2ˆ p. pl. scideis; pps. scípiu, scípidu Sinònimos e contràrios connòscere Maneras de nàrrere csn: s. de menti = a memória, a mente; no s. cantu fait tres = no ischire una bótziga; fai s., donai a s. = mandhare a nàrrere Frases ita ndi sciu dèu de ita fais tui? ◊ ma dhu scis ca ses tontu diaderus! ◊ no si ndi scit ni fumu e ni fraca 2. toca a innantis, ca tui innòi dhui scis a ogus serraus ◊ ndi sciu medas de fuedhus malus, ma no cussu ◊ po andai de unu logu a s'àteru tocat a sciri sa bia.

scirína , nf, nm: scirinu Definitzione biculedhu piticu de cosa, farinu Sinònimos e contràrios cífrinu, filchinida, murichia, palfaruza, pibinida, pimpirida, pistàgia, soluvrinu Ètimu srd.

scirinài , vrb Definitzione agiummai coment'e fàere a farina, a farinos, pistare bene a piticu is leas de sa terra in s'aríngiu Sinònimos e contràrios apimpirinai, irfarfaruzare, scirfinai, sciscirinai, spimpirallai, spimpiridai Frases is messajus marrant sa terra acanta de is cabitzalis po sciasciai e scirinai sa léura ◊ in s'argiola scirinant su trigu po dhu spallai ◊ sa cosa àrrira si scirinat ◊ portas cussu paninu a strúncius, ses totu scirinendidhu Ètimu srd.

scirinàlla , nf Sinònimos e contràrios pibinida, pimpirida Frases in cià mesa dhui at scirinalla de biscotus.

scirínga scerínga

sciringadúra , nf Definitzione puntura o àteru de sa genia chi si faet a siringa a is animales Sinònimos e contràrios sciringatzioni Ètimu srd. Tradutziones Frantzesu injection Ingresu injection Ispagnolu inyección Italianu iniezióne Tedescu Spritze.

sciringài scingrài

sciringatziòni , nf Sinònimos e contràrios sciringadura.

sciríngiu scaríngiu

sciringósu , agt Definitzione chi giaet ifadu Sinònimos e contràrios addeleadu, apigonau, genosu, ifadosu, imbeléschidu, nischitzosu, pibincosu, tzacarredhu Ètimu srd. Tradutziones Frantzesu importun, gênant Ingresu troublesome Ispagnolu molesto Italianu molèsto Tedescu lästig.

scirinósu , agt Definitzione chi est o est fatu a farinos, mescamente nau de terra arada Sinònimos e contràrios matroxinu, podhatzu | ctr. leurosu Frases si arat sa terra fintzas a candu no est bella scirinosa.

scirínu scirína

sciròcu , nm Definitzione bentu intr'e levante e mesudie Sinònimos e contràrios bentesobi Terminologia iscientìfica tpm Ètimu itl. scirocco.

scirràda , nf Definitzione su scirrai Sinònimos e contràrios ispampinadura, scirradura Ètimu srd. Tradutziones Frantzesu épamprage, écimage, étêtage Ingresu stripping Ispagnolu desmoche Italianu spampanata, cimata Tedescu Abblatten, Stutzen.

scirradròxa , nf: ischirradorza Definitzione aina po scirrai cresuras, a màniga longa Sinònimos e contràrios cana, cirradroxa, faltzone, fústina Terminologia iscientìfica ans.

scirradúra , nf Definitzione su scirrai; malesa o puntas de matedu segadas, matedu segau a ispuntadura Sinònimos e contràrios ispampinadura, scirrada Ètimu srd.

scirrài , vrb: iscirrare Definitzione segare is puntas de sa bide, de sa cosa chi creschet in is cresuras, e àteru: nau de sa bide in ierru, bogare in croba, segàreche is pértigas chi no si lassant po bogare frutu o fàere linna Sinònimos e contràrios isbitare, ischirrare, iscoromedhai, ispampinare, ispatare, scimai Maneras de nàrrere csn: scirrai s'ollu = sceberai o chirriare s'ozu dae s'abbagrasta; s. sa porta = iscancarare sa zanna Frases in austu si scirrat sa bíngia ◊ tocat a scirrai sa cresuri ca est pighendi tropu logu 2. portat su bistiri scirrau, po fai biri ca est créscia 3. mi dh'aberis, cussa genna, o bolis a ndi dha scirrai?! Ètimu srd. Tradutziones Frantzesu épamprer, écimer, éclaircir Ingresu to strip of its leaves (a vine), to prune Ispagnolu despampanar Italianu spampanare, cimare, sfoltire Tedescu abblatten, stutzen, lichten.

scirrótu , nm Definitzione scirradura, puntighedhas modhes de modhitzi chi si ponent a is crabitos in sa chirra Ètimu srd.

scírru , nm: iscirru* Definitzione genia de tumore tostau chi no dolet.