A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

salarjàre salargiàre

salarzàda , nf: assalarzada Definitzione su salarzare, móvia a cropu, totinduna, coment'e po assíchidu Sinònimos e contràrios inchirriada, suguzada, sulurjada, supuzada, trúminu, zagarada / istratallada Ètimu srd. Tradutziones Frantzesu agitation, grand trouble Ingresu big agitation Ispagnolu alboroto Italianu vistósa agitazióne Tedescu Aufregung, Beunruhigung.

salarzàdu , pps, agt: assalarjatu Definitzione de salarzare; chi at tentu salarzu, chi est in pistighíngiu mannu, apretosu Sinònimos e contràrios agiagarau, assucariau, assulugliadu, isololtiadu | ctr. asseliadu, trancuillu 2. sas feras current che salarzadas a su fue fue.

salarzadúra , nf Definitzione su salargiare, nau pruschetotu de sa manera de fàere mòvere o andhare, o de fàere is cosas currendho, tropu impresse (e deosi fintzes male, faendho dannu) Sinònimos e contràrios agiagaradura Ètimu srd.

salarzàre salargiàre

salàrzu , nm: assalarzu Definitzione movimentu lestru de gente o animales fatos fuire; genia de avolotu mannu fintzas de s'ànimu, de sa mente, de su coro po dannu o cosa chi si timet Sinònimos e contràrios agiàgaru, assaltanu, atréminu, giagaradura, ispavúciu, ispràmminu, istraju, sulurju, trúminu | ctr. asseretu, sossegu 2. za l'at tentu su salarzu, siscuru, candho at ischidu de su dannu de su fizu!… Ètimu srd. Tradutziones Frantzesu agitation, effarement Ingresu dismay Ispagnolu alboroto, consternación Italianu agitazióne, sgoménto Tedescu Aufregung, Beunruhigung, Erschütterung.

salàsticu , agt: solàsticu Definitzione nau de ccn., chi crisat is cosas; chi est de ideas e cumportamentos istrambecos, chi acostumat a istare abbandha Sinònimos e contràrios afastiadori, ascamosu, ghelestiosu / arrevésciu, berbétigu, bizarrosu, trevessu Terminologia iscientìfica ntl Ètimu srd.

salatiéri , nm Definitzione istrégiu adatu a pònnere s'insalada cundhia (o fintzes àteru papare) Sinònimos e contràrios intzalatieri, siliaderi Frases abarras isciacuendi pratus… abbrunca de su salatieri! ◊ nci at calau in corpus totu cudhus culurxonis chi dhoi fiant in su salatieri! Terminologia iscientìfica stz Ètimu srd. Tradutziones Frantzesu saladier Ingresu salad bowl Ispagnolu ensaladera Italianu insalatièra Tedescu Salatschüssel.

salàu salàgiu

salaúspe, salaúspere, salaúspu , nm Definitzione s'areste de s'ispigamúrina Sinònimos e contràrios astagione Frases budhones, majarzos de promissas de trigu ingranidu dae ispigas de salauspu! (F.Cocco)◊ su salaúspere de s'ispigamúrina a sas elveghes che lis intrat in sa lana Terminologia iscientìfica rbr.

salaútzu , nm Definitzione pagu pagu de cosa (abba o cosas deasi) chi calat o essit Sinònimos e contràrios tírulu, tzirriolu 1 Frases s'afusu fit a pònnere sas funtanedhas chin s'istemma de su fàsciu, ma de abba carchi salautzu! (P.Pireddu)

salbúciu , nm: sarbussu, sarbutzu, serbussu, serbutzu Sinònimos e contràrios abrúciu, afruza, cadilloni, iscareja, iscaria, iscrarésia, iscraria, prammutu, tarabúciu, ulciareu Frases is crabas furint crocadas in mesu a su serbussu orromighendu ◊ donzi tanca a sarbutzu est fiorida ◊ sa banita est prena de salbúciu e fògia Terminologia iscientìfica rba.

salcàre , vrb Definitzione arare sa primu borta sa bíngia furriandho sa terra a mesu de s'órdine (s. a órdine) a manera de istesiare sa terra de is fundhos (candho in beranu si torrat manu s'aparígiat e a is fundhos si dhis torrat sa terra) Terminologia iscientìfica bng.

salchèdha , nf: sarchedha Definitzione genia de mucu chi si arrasigat in su gúturu e si faet a ispudadura Sinònimos e contràrios carràschiu, grúspidu, istarràsciu, larodhu, scupidura, seca, spudu Ètimu srd.

salciadòre , nm Definitzione maistu chi faet incodaos Sinònimos e contràrios impedradori, imperdaderi, incoduleri Frases a chie fut cracheraju, a chie segantinu, a chie salciadore.

salcòne , nm: sarcone, sercone Definitzione logu serrau ue si ponent is màdrias angiadas, abbandha, o fintzes àteros animales piticos (crabitos, porchedhos) Sinònimos e contràrios àrula, aulla / chirra, edile / cdh. salconi Frases cudha fémina si fit tota iscutinendhe de pàrrere una crabita essida dae su sercone: li mancaiat solu su crapinzone pro no súere! (S.Saba)

sàlda , nf Definitzione ispécia de colla o imbidonu iscagiau po usu de sa biancheria.

saldadòre, saldadòri , nm: assardadore*, sardadore Definitzione aina po assardare; chie est pràtigu a fàere assardaduras, a manigiare bene ainas po assardare Terminologia iscientìfica ans.

saldadúra , nf: assardadura*, sardadura Definitzione genia de aciuntura chi si faet, mescamente de metallos cun metallu etotu iscagiaos impare / genias de assardadura: a fràmula ossídrica, a istàngiu, a elétricu; s. de ferida = sa sinza chi abbarrat de una segada sanada Sinònimos e contràrios saldamentu / aciuntura.

saldài , vrb: assardare, saldare, sardai, sardare Definitzione aciúnghere duas cosas (pruschetotu metallos) a manera de arresurtare totu a unu; aparigiare dépidos a sardu, acabbare de pagare unu dépidu; giare sa salda a is sederias Frases deo como lu saldo in totu e in pertotu e gai cumpro a su dovere Ètimu itl. saldare.