A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

tzocadòre 2 , nm Definitzione lóriga grussa in is portas po tochedhare Frases sa lóriga de su tzocadore lughiat chei s'oro in su portale ◊ fit unu pisedhu ingiogatzadu a pistare sa lóriga de su tzocadore.

tzocadòrza tzocadòlza

tzocài , vrb: tzocare, tzoncare Definitzione fàere tzàcurru, tzocos, cropos a sonu surdu po si fàere intèndhere; nau cun tzacu, crepare Sinònimos e contràrios dumbulare, istochidare, picare 2, sacai, tochedhare, trochedhare, tzacarrai, tzòchere, tzochire / sciopai Frases bi at linna chi in su fogu tzocat e che búlliat atesu s'iscata alluta ◊ tzocare sa limba, sas manos, sa zanna ◊ tzocat s'istranzu in domo de s'amigu ◊ Michelledhu e sas duas vachianas ant ghetatu unu brincu tzocanne sos pedes ballanne ◊ su pitzinnu est tzoncandhe sas manos, cuntentu! 2. mancari ti ufres e ti tzoches, puru: como su chi est fatu est fatu! ◊ pro carchi borta chi mamma benit a domo ti ufras… tzocadu chi ti agatent! ◊ su fogu brusiaiat su tzilibirche, apustis chi lu faghiat unfrare e tzoncare (E.Pes) Ètimu srd. Tradutziones Frantzesu faire du bruit, éclater Ingresu to make a din, to burst, to creak Ispagnolu chasquear, restallar Italianu far strèpito, scoppiare, schioccare Tedescu Lärm machen, bersten.

tzocamànos , nm Definitzione tzàcurru de manos, tzàcurros fatos iscudendho is manos a cara apare coment'e singiale de alligria, prexu, po audire a unu Sinònimos e contràrios tzacarramanu Ètimu srd. Tradutziones Frantzesu applaudissement Ingresu applause Ispagnolu aplauso Italianu applàuso Tedescu Beifall.

tzocaméntu , nm Definitzione su tzocare; genia de fàere istranu de unu, coment'e candho faet móvias o cosas chentza motivu, genia de meledu macu Sinònimos e contràrios alluinadura, dellíriu Ètimu srd. Tradutziones Frantzesu hallucination Ingresu hallucination Ispagnolu alucinación Italianu allucinazióne Tedescu Halluzination.

tzocàre tzocài

tzocàrgiu , nm Definitzione bogadore de tzoco, sa cotzina de su ghidhostre chi faent a pipas Ètimu srd.

tzocaría , nf Definitzione tzàcurros, isparos Sinònimos e contràrios isparadorju Frases s'intendhent sas allegrias de una campana e una tzocaria de fusile: est Pasca! Ètimu srd.

tzocarólu tzicalóru

tzocatzòca , nf Definitzione erba de santu Lenardu o de sos tidales, genia de erba chi faet una candhelita arta prus de mesu metro e in sa parte prus in punta is frores orrúbios, unu prus in pitzu de s’àteru chi pendhent a una matessi bandha, assimbígiant a tidales covecaos o sonagedhas apicadas: is fògias funt bonas po cura; a logos dhi narant thaparanu Sinònimos e contràrios pandheredha, podhiale, tzacatzaca 1, tzotze Terminologia iscientìfica rbc, Digitalis purpurea Ètimu srd.

tzocheàre , vrb: ciochiare, tzochiare, tzuchiare Definitzione tzucare, andhare a unu logu, ma fintzes bènnere, lòmpere, corparendhela in… (ccn. logu) Sinònimos e contràrios andai, essire, tocai 1 / lòmpere Frases e a ue tzóchias? ◊ canno ant intesu su chi fit cumbinatu in Istelai bi fint tzocheatos ◊ dae su cras matessi fint tzocheatos in bidha frusas de giornalistas Ètimu srd.

tzochedhài, tzochedhàre , vrb: tochedhare* Definitzione fàere tzàcurru iscudendho, tocandho a atripadura, tocandho a cropu forte mescamente in is gennas pedindho de intrare Sinònimos e contràrios dubbussare, dumbulare, sacai, tochitae, trochedhare, tzacarrai, tzocai Frases pro su candhelarju depies tochedhare in sos portales ◊ fit peri sas giannas, tzochedhendhe ◊ ite cres, chi no sia andhadu deo puru tzochedhendhe in sas giannas anzenas?! 2. babbu tzochedhat cun sa mazadorza iscutinendhe olia Tradutziones Frantzesu frapper, taper Ingresu to knock Ispagnolu llamar, tocar Italianu bussare Tedescu klopfen.

tzochedhósu , agt Definitzione chi tzochedhat, chi tzàcurrat Frases sa mama l'at sestadu duas isculivitas tzochedhosas, a su pitzinnu Ètimu srd.

tzochédhu , nm: tochédhidu* Definitzione su tochedhare, su cropu, su tzàcurru o sonu surdu chi si faet Sinònimos e contràrios tochedhonzu / bàtida Frases su coro meu est a tzochedhos ◊ s'intendhet su tzochedhu de sa bistrale: cussu est carchi pastore assidendhe Sambenados e Provèrbios smb: Zoccheddu.

tzòchere , vrb Definitzione fàere tzóchidos, tzàcurros, pruschetotu giare cropos a sa genna po si fàere intèndhere pedindho de intrare Sinònimos e contràrios dubbai, tochedhare, tzocai* Frases andheit deretu a domo resinnadu a tzòchere sa gianna e a si fàghere abbèrrere (G.Addis)◊ ajó a inie, tzochimus sa gianna ◊ chie giamaiat, chie tzochiat sas manos, chie frusciaiat.

tzochiàre tzocheàre

tzóchida, tzóchidu , nf, nm Definitzione su sonu surdu chi faet unu cropu (prus che àteru in cosa chi no est fata po sonare, es. linna, terra), o fintzes cosa chi orruet de artu / tz. de manu = tzacarramanu Sinònimos e contràrios colpu, tzàchidu, tzocu 2. sa zente fit totu dilliriada a tzóchidas de manos ◊ sa zente istaiat a tzóchidas de manos candho cantaiat isse Ètimu srd. Tradutziones Frantzesu coup Ingresu percussion, stroke Ispagnolu golpe Italianu percussióne, cólpo Tedescu Schlag.

tzóchidu 1 , pps Definitzione de tzòchere Sinònimos e contràrios tochedhare, trochedhare, tzocai Frases chie at tzóchidu sa gianna?

tzochighédhu , nm Definitzione tzocu piticu Sinònimos e contràrios tzochitu.

tzochínzu , nm Definitzione su tzochire, su istare tochedhandho Ètimu srd.