A | B | C | D | E | F | G | H | I | J | L | M | N | O | P | R | S | T | TZ | U | V | X | Z

zangaúrra , nf Definitzione ambidha pitichedha Sinònimos e contràrios magalledhu, magalleri, tzingorra.

zanghèta , nf: tzacheta*.

zànita , nf, nm: giànnida*, zànitu Definitzione genia de apédhidu chi faent is canes candho funt cracandho o currendho un'animale, sa fera Sinònimos e contràrios agiannitu, gànnida, tzànnida Tradutziones Frantzesu cri du chien qui halène Ingresu barking Ispagnolu ladra Italianu scagnìo Tedescu Gebell.

zanitàre , vrb: aciannitai*, giannitai, zannidare, zannitare Definitzione su apedhare de is canes cracandho o currendho un'animale Sinònimos e contràrios gannitare, giannire, giannitai.

zànitu zànita

zànna , nf: cianna, gianna, zenna Definitzione in is domos, s'apertura de pòdere passare sa persona, a paris a terra, e su trastu chi si ponet po dha mantènnere serrada Sinònimos e contràrios polta Maneras de nàrrere csn: buca de zanna = zannile; z. de fora = portarruga, zanna de un'abbertura chi essit a fora de domo; z. de mesu = zanna de intro, pro abbertura tra aposentu e aposentu, tra unu passadore e un'aposentu; bogare una z. = fai un'obertura, me in su muru giai fatu, po dhoi fai sa porta; cantare in z. = fàghere sa serenada a sa fémina; no bi ndh'at unu chi tancat sa z. = no dhoi nd'at unu bellu a fai ccn. cosa, funti totus coment'e nisciunus, fatus e lassaus; bocàreche a ccn. in z. = bogaincedhu de domu Frases pònnere, abbèrrere, iscanzare, tambare, tancare, serrare, friscare sa zanna ◊ fit sétiu in buca de zanna ◊ ant agatau àteros portones e zennas serradas 2. custos zòvanos, sos bagadios, andhant a cantare in zanna ◊ sa fiza at dimandhatu perdonu, ma sa mama, mancari gai, che l'at bocata in zanna! Terminologia iscientìfica dmo Ètimu ltn. ianua Tradutziones Frantzesu porte Ingresu door Ispagnolu puerta Italianu pòrta Tedescu Tür.

zannaemúru zanaemúru

zannarjínu , agt Definitzione chi est de gennàrgiu, chi faet in gennàrgiu Ètimu srd.

zannàrju , nm: cennalzu, gennàgliu*, zannarzu, zennarzu Definitzione su primu mese de s'annu Sinònimos e contràrios bennalzu.

zannarólu , nm Definitzione genia de bobboitedhu chi si papat sa linna e dh'istampat, totu Sinònimos e contràrios carignàtula, degodia, tàralu, tzerrone, zànnaru Terminologia iscientìfica crp Ètimu ltn. *ciarolum + zanna Tradutziones Frantzesu ver (rongeur) Ingresu woodworm Ispagnolu carcoma Italianu tarlo Tedescu Holzwurm.

zànnaru , nm Sinònimos e contràrios tàralu, zannarolu*.

zannàrzu zannàrju

zannidàre zanitàre

zanníle , nm: ciannile, gennile* Definitzione sa pedra de sa genna, s'intrada de sa domo / zumpare su z. = intrare a una domo Sinònimos e contràrios lumenarju, terminaxi Frases su cane fit orulandhe a fàcia a su zannile ue fit su mere mortu ◊ sa mere de domo aprontat unu tale de ite papare a sos istranzos, bis prenet sa bértula e dhos saludat in su zannile ◊ si fit istadu ómine de cabbale no aiat zumpadu su zannile de domo mia!

zanníre , vrb: giannire* Definitzione s'apédhidu de su cane cracandho o currendho su sirbone o àteros animales mannos Sinònimos e contràrios aciannitai Frases a canno intenno sos canes zanninne ◊ su cane si est dau a zannire: a sirvone che at pesau?

zanníta , nf Definitzione min. de zanna Sinònimos e contràrios gennighedha, ghennitola, portighedha.

zannitàre zanitàre

zantéris , avb: gianteris* Definitzione duas dies innanti de oe / torrandho agoa in su tempus si narat: deris, zanteris, dinnantis Sinònimos e contràrios dinnantariseru.

zanujànu , agt Definitzione chi si movet piotibioti, abbellabbellu.

zàra , nf: giarra*, tzarra 1, zarra Definitzione pedra segada a piticu, a orrughedhos Sambenados e Provèrbios smb: Zara.