A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

connóschidu , pps: connósciu (con-nó-sci-u) connóschiu Definition de connòschere (raru, s'impreat giai solu connotu) Synonyms e antonyms connotu Sentences mi at tzirriadu muzere tua, sinono deo no l'apo mancu connóschida ◊ cussos los apo connóschidos in giru peri sas bidhas.

connoschiméntu , nm: connossimentu, conoscimentu Definition su connòschere, sa capacidade de connòschere, de distínghere su bene de su male; fintzes manera de fàere de chie torrat bene po bene o giaet a bíere bonugoro po dovere / intrare in c. = atuare a su chi si faghet e currèzere su cumportamentu Synonyms e antonyms abberguadura, connoscantza, connoscéntzia, giudísciu Sentences dae bois iseto sa lughe e su connoschimentu ◊ est unu piciochedhu sentza de conoscimentu ◊ adorat su Sacramentu sentza su conoscimentu de sa perfeta arrexoni ◊ tue ses sàbia, bona e de connoschimentu ◊ cun su tempus benint sos connoschimentos puru 2. a su fígiu l'at arregalau dinare pro connossimentu Translations French discernement English detection Spanish discernimiento Italian discerniménto German Unterscheidung.

connóschiu connóschidu

connòsci connòscere

connoscidòri connoschidòre

connòsciri connòscere

connósciu connóschidu

connosséncia connoscéntzia

connòssere, connòssi connòscere

connòta , nf Definition su connòschere coment'e cosa fata, passada Sentences sa connota de Nina e sa domo de Mammai Nedha piena de zente friscionosa li aiat postu su coro in paghe Etymon srd.

connotàu , nm Definition su chi distinghet a donniunu, is piessignos chi presentat o dhu pertocant / secare sos connotaos a unu = istrupiaidhu, pònnere istrópiu Translations French signalement English description Spanish seña Italian connotato German Merkmal.

connótu , pps, agt, nm Definition de connòschere; chi si connoschet, lu connoschent; sa cosa de o comente fit unu tempus / male chena connotu = chi no l'ant ischidu o pótidu connòschere, chi no ischint ite male est Synonyms e antonyms connóschidu / cdh. cunnotu Sentences bisonzu no ndhe at connotu e pro cussu no ndhe cussiderat ◊ dh'apu connotu de sa primu dí chi est benniu! ◊ cussa cosa l'apo sempre connota cue ◊ su piciochedhu in domu de sa bírdia at connotu fàmini e frius 2. custa est zente connota, no bi at de timire 3. s’órdini púbbricu fiat su de sa traditzioni, su connotu ◊ no ti bendhas su connotu! Translations French connu English well-known Spanish conocido Italian conosciuto German bekannt.

connóu , nm: acornou* Definition dolore, dispraxere mannu, pena forte Synonyms e antonyms acronnoadura, congòscia, coroju Sentences ti paret una bijone chi finat connou e disaogu, làgrimas e lutos ◊ tropu so istadu pro te in grave pérdida e connou (P.Mossa)◊ ohi, coro pienu de connou! Translations French affliction, angoisse English affliction Spanish aflicción Italian afflizióne, angòscia German Kummer, Angst.

connútu , nm: cundhutu, cundutu Definition genia de tubbu o canale ue passat calecuna cosa / cundutu de immundítzias (fogna), de muràglia, de terratzu po iscolai s'àcua a foras Synonyms e antonyms columberi 1, fumajolu Sentences custa no est ora de lassai andai àcua de su cundutu, ca sa cora passat aranti de s'enna mia! ◊ tantu lestra in cundhutu no curreit abba pro mover roda de molinu chei su mastru poltendhe a mie ◊ apo acatau is marengos acanta de su cundhutu de s'abba 4. Etymon ltn. conductumu Translations French conduit, tuyau English tube Spanish conducto Italian condótto German Rohrleitung.

conosciméntu connoschiméntu

conósu coniósu

consideràu , agt: cussiderau Definition chi est tentu o pigau in consideru, carculau, chi sa gente ndhe faet contu Sentences no m'iscarèsciu de una persona chi mi tenit considerada!

considéru , nm: cunciberu, cunsidériu, cunsideru, cuntzideru, cussidériu, cussideru, cussiveru Definition su cunsiderare, fàere contu de is cosas, su dhue pentzare bene cricandho de bíere e cumprèndhere totu; su fàere contu de unu o de una cosa giaendhodhi importàntzia Synonyms e antonyms apensu, càlculu, contu, cunsideratzioni / giudísciu Idioms csn: intrare in c. = arrexonai, intrare in cuadernu; dare c. a unu, fàghere c. de unu = carculare, pònnere in càrculu a unu; èssere chentza c. = irzudissiadu, chi no arrexonat, chi fait is cosas sentza de dhas cunsiderai; àere o tènnere c. = èssiri atinau Sentences cust'òpera meritat donzi cunsideru e atentzione 2. bi at zente chentza cussideru, chi no atuat a nudha ◊ cussu est chentza perunu cussideru: faghet sa cosa a sa maconatza! 3. in custa bidha ch’iat poboresa, dh'ischit chie ancora ndhe faet cunsideru ◊ boliat èssi seguru chi sa genti dhu teniat in cuntzideru ◊ est balu mannu su cussidériu pro sa resorza patadesa ◊ cussu no meritat perunu cussideru ◊ de isse ne aiant totu cussiveru mannu ◊ in bellu cunsideru dhos tenes a fizos tuos, digratziau! Etymon srd. Translations French prudence, considération, pondération English carefulness, pondering Spanish consideración, ponderación, reflexión, respeto Italian consideratézza, considerazióne, riflessióne, rispètto German Bedachtsamkeit, Überlegung.

consiéntzia , nf: cunscénscia, cunsiéntzia, cuntziéntzia, cuscénscia, cuscéntzia, cuscéscia, cussénsia, cusséntzia, cusséssia, cussiéntzia, cussiéssia Definition is atuamentos, sa capacidade de atuare, de si serare de totu, e mescamente de cumprèndhere e pesare ite est bene e ite est male e de si dhu pònnere a coro, de ndhe fàere contu po no fàere male Synonyms e antonyms àmina Idioms csn: zúghere sa cusséntzia bruta, neta = àere, no àere curpa, farta, neghe; zúghere, no zúghere cusséntzia = sentire, no sentire su male chi si faghet; gàrrigu de c. = unu male o dannu fatu, neghe, su sentire sa curpa de unu male fatu, o fintzas unu dovere de fàghere; de cusséntzia! (zenia de zuramentu) = chi est nendhe sa veridade, comente li narat sa cusséntzia, chentza cuare nudha; in cusséntzi'e s'ànima = própiu cufromma a sa cusséntzia, de una manera sinzilla; fàghere una cosa a cusséssia = a subràminu, a piaghere, própiu comente si disizat, comente li narat sa cusséntzia; pessone de c. = cussentziosa, chi faghet su zustu, chi atuat a fàghere su zustu, su chi andhat bene, su dovere; mancare de cusséntzia = no fàghere su dovere, fartare in su dovere Sentences no est sempre chi sa cuscénscia resessit a l'ispuntare cun s'istintu ◊ sa cusséntzia nostra càmbiat a s'imbesse o a s'infache ◊ in nois duos bi est sa diferéntzia e gai amos divèscia sa cusséntzia ◊ no si podet piús campare: chie solet negusciare est zente sena cuscénscia! ◊ chie giughet cusséntzia no arrogantat su trotu 2. de cusséntzia, comente bos so nendhe est! ◊ amus manigadu de totu a cusséssia: sa cosa za bi fit 3. pro no àere gàrrigu de cusséntzia aiat fatu totu su possíbbile ◊ is postus coberaus cun ispintas de canis mannus pesant in sa cuscéntzia de chini si depit bendi ◊ su male chi at fatu l'at a tènnere a gàrrigu de cusséntzia ◊ in cusséntzia de s'ànima semus cunvintos chi est goi Surnames and Proverbs prb: chie no at cusséntzia in fogu no at cusséntzia in logu Etymon spn. Translations French conscience English conscience Spanish conciencia Italian cosciènza German Gewissen.

consigiài, consigiàre , vrb: aconsillai, consillai, consixae, consixari, consizare, contzillai, cossigiare, cossizare, cuncillai, cunsillai, cuntzillai, cussizare Definition giare cossígios, inditare a unu su de fàere, de nàrrere e àteru / consillaisí, cossizàresi = fuedhaisí apari innantis po nàrriri sa própiu cosa o fai a sa própiu manera Synonyms e antonyms abbèrtere Sentences dona atentzioni a is cuntzillus mius, giai chi no as tentu a chi ti cuntzillai! ◊ los ant cossizados a nàrrere gai, custos pisedhos, e dae cue no los bogas! ◊ bae e circa e ite est consixandhosi, cussu! 2. cussos duos si depent èssere cossizados: unu e àteru ti narant sa matessi cosa e dae cue no los moes! Etymon ltn. consiliare Translations French conseiller, consulter English to advise Spanish aconsejar Italian consigliare, consultarsi German raten, sich beraten.