A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

aceradòlza , nf Definizione bica, logu artu de ue faet a isperiare, averguare, de ue si podet abbaidare e bíere atesu Sinonimi e contrari incraradorza Etimo srd. Traduzioni Francese vedette Inglese look out post Spagnolo atalaya Italiano vedétta Tedesco Wachtturm.

aceràre , vrb: aciarare, aciorare Definizione essire a fora, bogare sa conca o su si pònnere in craru po castiare, po bíere Sinonimi e contrari acarare, acherare, acontrare, acrarare, afacare, afaciai, imbraconare, incarai, inciarare, ingiarare, iscampiare | ctr. cuai Frasi est una not'e luna, de cudhas lunas giaras chi, candho tue ti aciaras, isperas novamente in sa fortuna (A.Casula)◊ sa luna subra de sos montes si aciarat ◊ issa si acerat a sa fentana a iscultare ◊ acèradi, bella, ca est bénnidu s'amante! ◊ si fit a fagher su contu de tantos males, mancu nos timis acerare a gianna! ◊ istaia in su balcone aciorada abbaidendhe s'abba chi pioiat ◊ deo puru mi aciorei Etimo srd. Traduzioni Francese se montrer Inglese to overlook Spagnolo asomarse Italiano affacciarsi Tedesco sich zeigen.

acerbàu , agt Definizione its, agiagarau? Sinonimi e contrari Frasi mi dhoi incraru e biu totu is crabas acerbadas e un'ómini furendi.

acerbonài , vrb: cerbonai Definizione pònnere su cerboni, s’arraiga, a bide o àteru, po dha mantènnere Sinonimi e contrari arradicare 2. issu tenit sa bíngia totu bèni acerbonada Terminologia scientifica bng Etimo srd. Traduzioni Francese échalasser la vigne Inglese vines staking Spagnolo arrodrigar Italiano méttere i palétti alle viti Tedesco pfählen.

acéri , nm Definizione genia de cosa a pònnere àcias allutas Sinonimi e contrari acera, àcia 1, blandoni, candelobbru, candheleri Etimo ctl. atxer(a) Traduzioni Francese chandelier Inglese candlestick Spagnolo candelero Italiano candelière Tedesco Kerzenhalter.

acerimoniài , vrb: cerimoniai Sinonimi e contrari faedhare, fentomare, nemonai Frasi custa cosa dha scius isceti nosu, e tui no ndi acerimonist cun nemus!

acèrriri , vrb Sinonimi e contrari arriscai, atrevire, tramesare Frasi cussu iat a acèrriri a intrai a crésia ispollau! ◊ si est acérriu a fai cussa tontesa!

acértu , nm Definizione genia de misura po pònnere sa bruvura in is fosiles antigos Sinonimi e contrari ateltzu Etimo srd.

acetài, acetàre , vrb: atzetare Definizione pigare o bòllere sa cosa chi giaet s'àteru; adduire a sa matessi idea de un'àteru Sinonimi e contrari aggradèssere, arrecire / adduire Traduzioni Francese accepter Inglese to accept Spagnolo aceptar Italiano accettare Tedesco annehmen.

acetótu , avb: acitotu Definizione aici etotu, su matessi, deasi/deosi etotu Sinonimi e contrari ateretante Frasi faidí pagai in cosa: po nosu andat bèni acetotu ◊ su piciochedhu est sétziu e sa sorri acitotu ◊ dèu puru nau acitotu! Etimo srd. Traduzioni Francese également Inglese equally Spagnolo igualmente, asimismo Italiano ugualménte Tedesco auch, gleich, in gleicher Weise

achè , avb, nm: achelu Definizione foedhu chi narant po ammostare una cosa; cositedha de pagu contu, fintzes iscusa, iscórtziga / no cumprèndhere un'achè = no cumprendi una cibudha Sinonimi e contrari acodhu, addeallu, ajallu, allodhu, midhu / arraghèscia, bóciga Frasi mih sa luna, achè su chelu cun su mare adhae adhae chi si basant! ◊ achela, in su giardinu anzenu annidada che columba ferida, che umbra de manos réndhidas! (L.Massa) 2. si agato un'achè ti che bogo dae sas terras mias! ◊ devo dare su contu a su sótziu meu e no cherzo chi bi nascat unu achè Traduzioni Francese voilà!, rien, prétexte Inglese here it is!, trifle, excuse Spagnolo he aquíahí, aquíahí tienes Italiano ècco!, nonnulla, pretèsto Tedesco hier, nichts.

achedàre , vrb: achetai, achetare, achidare 2, achietai, achietare, chietare Definizione fàere chietu, brandhu, sériu, firmu; andhare a si crocare, su note Sinonimi e contrari abbacai, abbonantzai, allenare, apachiare, apasaogare, assebiai, asselenare, assussegai | ctr. agegherai, salargiare / pesai, seguzare Frasi si ant a achietare che pitzinnedhos in coda de mama ◊ bentu chi tremis s'imbirdi, poita no ti achietas e mi lassas drommí?! Etimo srd. Traduzioni Francese apaiser Inglese to appease Spagnolo aquietar, calmar Italiano acquietare, acchetare Tedesco beruhigen, ruhig werden.

achedàre 1 , vrb: achetare 1, agedai, agedari, aghedare, axedae, axedai, axerai Definizione fàere a aghedu, nau fintzes de sa pasta cun su frammentu; in cobertantza, nau de ccn. arrennegare Sinonimi e contrari acriare, aghedinare, frammentai, imbischidare, pesai Frasi su binu cheret contivizadu, ca sinono si aghedat ◊ Cíciu mi at nau ca su binu biancu si dhi est agedau 2. dhi at ghetau unu lómburu de fromentu: dèu nau chi at a axedai! ◊ is tzípulas no ant axedau: depiat tenni písima su frammentu ◊ tenei sa pasta in sa scifedha axerendi e fui arremangada pronta a ispongiai ◊ at lassau su pane aghedandho in su tianu Etimo srd. Traduzioni Francese tourner en vinaigre Inglese to vinegar Spagnolo agriar Italiano inacetire, inacidire, fermentare Tedesco zu Essig werden, säuern, gären.

achedhadólzu , nm Definizione calesiògiat cosa chi si ponet coment’e acotzu po mantènnere cosa unu pagu in artu de terra, o posta assentada, firma (es. carradas) Sinonimi e contrari pedestàgiu Etimo srd.

achedhadúra , nf Definizione su achedhare, su pònnere cosa subra de àtera prus in artu Etimo srd.

achedhàre acedhàe

achedhàre 1 acadhài

achedhonàre , vrb Definizione fàere a chedha Sinonimi e contrari abbamare, acedhae, aggamai, aggrustare, amedhare, ammeschiare, ingamai | ctr. irgrustiare, istagiai Terminologia scientifica pst Etimo srd.

achedòre , nm: aghedore Sinonimi e contrari acriore.

achedósu , agt Definizione chi est aghedu, chi s'est aghedau Sinonimi e contrari achedau Terminologia scientifica sbr Etimo srd.