A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

acuzàre , vrb Definizione pònnere in su cuzu, acugigonare Sinonimi e contrari achizolare, afurringonai, arreconai, inchizolare, partare Etimo srd.

acuzonàda , nf Definizione su acuzonare Sinonimi e contrari acuzonamentu Etimo srd.

acuzonaméntu , nm Definizione su acuzonare, pònnere in su cugigone Etimo srd.

acuzonàre , vrb Definizione cuare, pònnere, istare in d-unu cugigone, a una bandha, in tretu apartau Sinonimi e contrari acantonai, achizolare, achizonare, acorrunconare, acuzare, afurringonai, arreconai, inchizolare, incozolare, partare Frasi si l'acuzonas, sa cosa, irméntigas ue l'as posta ◊ mi acuzono in sa ziminera ◊ candho proghiat si acuzonabat in d-un'angrone e si aperiat su paracu Etimo srd. Traduzioni Francese rencogner Inglese to put in a corner Spagnolo arrinconar Italiano rincantucciare Tedesco in eine Ecke stellen.

acuzonàu , pps, agt Definizione de acuzonare; chi est chistiu postu a una parte Sinonimi e contrari afurrungonau, arrenconau, ingronau Traduzioni Francese rangé Inglese placed Spagnolo apartado Italiano ripósto Tedesco beiseite gestellt.

adalíde , nm Definizione persona de calidades bonas o chi at fatu proa manna, eroe, campione Frasi nche l'at pigadu a cuarteri e nessi pro una die est devénnidu s'adalide de sa bidha ◊ proite crees chi l'apo fatu a m'incarrigare sa morte de un'ómine in parte sua, pro mi fàghere adalide in cara de sa zente? ◊ adalide vitoriosu de s'esértzitu cristianu, Giorzi santu! Etimo spn. adalid.

adanàrgiu , nm Definizione logu de àdanu, cràchiri de àdanu Sinonimi e contrari martigusarzu Etimo srd.

àdanu , nm Definizione una calidade de martigusa Sinonimi e contrari inestra, scova 1 Terminologia scientifica mt, Genista aetnensis Etimo srdn? Traduzioni Francese genêt de l’Etna Inglese mount Etna broom Spagnolo genista del Etna Italiano ginèstra dell'Etna Tedesco Ginster.

adaretzài , vrb: adderessare, adderetare, adderetzai, adderetzare, adderetzari, adereciare, aderessai, aderetzai, aderetzari, arereciai, deretare Definizione fàere deretu, ténneru, pònnere prantau, istrantagiau o chi potzat istare a solu; arretirare, pònnere a postu, pònnere adderetu, chi andhet bene o comente si tocat, fintzes torrare apostu una cosa andhada male, guasta Sinonimi e contrari acampaniare, acodomai, aconciai, addirire 1, aggheretzare, assantai, assetiai, inderetare, indritare / mòere, ispostare | ctr. isordulare Frasi sa linna trota dh'aderetzat su fogu…◊ po aderetzai a tui mi seu atrotiau dèu! ◊ tocat de azeretare sos revessos ◊ sos tortos los ant azeretados ponzèndhelis unu palu ◊ est chin sas palas che agionedha: pro bi las azeretare cheret apredigada! ◊ aderetzai is istradas, fadei logu ca benit su Messia! ◊ sos piantos cherent adderetados dae minoredhos 2. est in terra e corzu a isse si no si ndhe adderetat! ◊ fatu fatu ndhe aderetzat s'ischina e s'imbarat a sa màniga de su marrone ◊ sa domu ndi est arruta: tocat a ndi dha torrai a aderetzai ◊ cia Vitória si est totu arereciara po dhi fai sa fotografia 3. candu si tenit pistocu in bértula is cosas ciai si aderessant ◊ sas féminas bi ant de adderetare su locu ◊ chi mi adderetzu mi dhus pongu totus in buciaca, cussus! ◊ adderètadi, cantu chi ses isterrigorzadu lèndheche sas terras de su paba! ◊ aderetzari milliardos de ómines chi ant pigadu unu sétiu malu no est brulla! (P.G.Mura) Cognomi e Proverbi prb: sa mata si adaretzat candu est pitica Etimo spn. aderezar Traduzioni Francese redresser Inglese to strighten, to mend Spagnolo enderezar, corregir Italiano raddrizzare, aggiustare Tedesco geradebiegen, in Ordnung bringen.

adasiài , vrb: addajare, addasiai, addasiare Definizione fàere is cosas abbellu, pigaresidha chentza presse, fàere prus abbellu, cun prus pagu lestresa, abbrandhare unu fàere Sinonimi e contrari biltentare, illesinare, istentae, tricare | ctr. acoidai Frasi tónchinos de betzesa addajant s'andhera 2. erribbau a padente iat addasiau su passu poite is matas furint intipias Etimo itl. adagiare Traduzioni Francese tarder Inglese to delay Spagnolo tardar Italiano indugiare Tedesco langsam machen.

adasiàu , pps, agt: addaxadu, addasiau Definizione de adasiai; nau de ccn., chi si dha leat tropu addàsiu, abbellu, chentza presse nudha; chi est fàcile o bonu a fàere, chi no ponet presse o pentzamentos / a s'addasiada = abbellu, in manera pàsida Sinonimi e contrari cagallente, dasianu, immajonadu | ctr. coidadosu, fúliu, impressidu, lestru 2. candu proit totu adasiau parit chi no prengat is piscinas ◊ no s'intendhet piús s'addajadu passu de su tzapu ◊ sa tzonca fit cantendhe addasiada su lamentu sou ◊ fiat caminendu cun passu lébiu, aguali, addasiau 3. innoghe za si faghet vida addasiada! 4. mi seu acostiau a su torradroxu a s’addasiada po no trumbullai su bestiàmini Terminologia scientifica ntl Traduzioni Francese lent Inglese slow Spagnolo tardado, lento, tardo Italiano indugiato, lènto, pòco sollécito Tedesco sich verbreitet, langsam.

adasiósu , agt Definizione nau de ccn., chi tenet una manera de fàere paghiosa, chi si dha leat sentz'e airu, sentz'e sufúria Sinonimi e contrari adasiau, pachiosu, pagili | ctr. airósigu, sufuriosu Terminologia scientifica ntl Etimo srd.

adatadòre , nm Definizione calecunu imbentu chi serbit po adatare una cosa a un'àtera.

adatadúra , nf Definizione su addatare Etimo srd.

adatài , vrb: addatai, addatae, addatare Definizione fàere una cosa a manera chi potzat andhare bene a o cun d-un'àtera, o po un'iscopu, una faina; rfl. cambiare su cumportamentu, s'abbitúdine, is capacidades a manera de pòdere fàere o andhare bene in àteru logu e cunditziones, in calecuna cosa o bisóngiu, fintzes cumprèndhere ite est su prus giustu de fàere in d-una faina Sinonimi e contrari aggarbai, cuncodrai / arragnare Frasi po bivi impai mairu e mullei tocat a si adatai! 2. si podis no fatzas sa noti po dí e addatadí sempri a su tempus! ◊ isse za si addatat a totu, a fàghere de mastru de muru e a maniale!◊ deo a totu sos trabàglios mi adato 3. no mi so addatada e bi apo postu tropu sale, in custu mànigu Etimo itl. Traduzioni Francese adapter Inglese to fit Spagnolo adaptar Italiano adattare Tedesco anpassen.

adataméntu , nm Definizione su addatare Sinonimi e contrari adatadura Traduzioni Francese adaptation Inglese adaptation Spagnolo adaptación, ajuste Italiano adattaménto Tedesco Anpassung.

adàtu , agt: addatu Definizione chi andhat bene, chi faet po calecuna cosa o iscopu Sinonimi e contrari afatenti, getosu Frasi tue puru ses unu 'e sos addatos e deo che a tie so cantendhe! (Màsala)◊ cussa costera no est su locu adatu pro sas binzas ◊ custu est su tempus piús adatu pro fàghere custu giambamentu ◊ cussu trabballu po tui no est adatu ◊ in cuss'arti issu gi est bèni addatu! Etimo itl. Traduzioni Francese indiqué Inglese fit Spagnolo adecuado Italiano adatto, appropriato Tedesco passend.

addabbài , vrb Definizione addobbare*, iscúdere a pitzu (movimentu a corpu), fintzes imbàtere, lòmpere a unu logu Sinonimi e contrari aciapuai, atapai 1, atumbae / infèrrere Frasi su sirboni nci fiat addabbau asuba de unu dormiu asuta de una mata (G.P.Salaris).

addabbiài , vrb Definizione andhàreche in calecunu logu, imbàtere, lòmpere comente capitat o a intzertu Sinonimi e contrari afèrrere, atapai

addabói , avb: daboi Definizione tempus apustis Sinonimi e contrari abosca, acoa, apoi, apusti | ctr. innanti Frasi si sunt fidantzados e addaboi si sunt cojuados 2. addaboi de mandhigadu si che allargat dae sos àteros Etimo srd. Traduzioni Francese après, ensuite Inglese afterwards Spagnolo después Italiano dópo Tedesco nachher.