A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

búrvura brúvera

burvuràdu , agt Definizione chi est coment'e fatu a bruvura, niedhu che bruvura, a pruine, a malu istadu Frasi sa terra est cota e burvurada dae su sole ◊ sos pastores sunt burvurados, a colpos de suspiros invochendhe gràscias pro no che lis mòrrere su bestiàmine ◊ cussos chi ponent fogu gighent sa cuscéscia niedha, burvurada chei sos titones Etimo srd.

burvuràju brufulàgiu

burvúsa bubúsa

búrza búlza

búrza 1 búgia

burzàca , nf: buzaca Definizione genia de sachitu cosiu in su bestimentu (pantalones, giacheta, e àteru) a pònnere calecuna cosa (muncadoredhu, sa lepedha, s'arrellórgiu, su portafógliu) Sinonimi e contrari buciaca* Traduzioni Francese poche Inglese pocket Spagnolo bolsillo Italiano saccòccia Tedesco Tasche.

burzàdile , agt Definizione nau de orrobba, de trastu, chi est a, o portat, pendhiligiones, tramas segadas, o chi est acabbau a fràngias.

búsa , nf Definizione ferru longhitedhu e fine, a punta in d-una o ambas partes, po tèssere lana a manu / macarrones de b. = macarrones de ferritu, longos (no meda) e bucados a zisa de tubbighedhu Sinonimi e contrari busoni, ferritu Frasi su filu, cun is puntus ghetaus a unu a unu de s'una a s'atra busa, tessit unu maglioni ◊ busas po fai mígias dhoi tenis, a bendi? 2. seis acanta de fai a busas su pràngiu puru!… Cognomi e Proverbi smb: Busa Terminologia scientifica ans Etimo itl.s busa.

búsa 1 , nf Definizione chirrione mannu, tupa de matedu Sinonimi e contrari macra, mata, moa 1, tele, tupa Frasi su logu fit totu busas de rú ◊ busas de ruo, de martigusa, de calarighe, de prunitza Cognomi e Proverbi smb: Busa Etimo srd.

busàca buciàca

busachèra , nf Definizione agu manna de cosire arretzas, sacos, banitas, e cosas deasi Sinonimi e contrari agusachera.

busàda , nf Sinonimi e contrari businada, furriada, furriotu, mobinada, inghiriotu Etimo srd. Traduzioni Francese pirouette Inglese turn Spagnolo vuelta, pirueta Italiano giravòlta Tedesco Drehung.

busàle , nm: buzale Definizione brebè bècia o malandhada (o fintzes àteru animale), ma si narat de persona puru Sinonimi e contrari bodha, tzica 1, tzurra Frasi si no morint carchi tidori o carchi busaledhu de sirvone, dae sa catza pacu cosa che tirant! ◊ cussu tziu est unu busale betzu Etimo srd.

busàle 1 , agt Definizione nau de porcu, chi s'istésiat de su tàgiu Etimo srd.

busalòne , nm Definizione chie giughet bentre manna Sinonimi e contrari budhudu.

busàmene, busàmine , nm Definizione cosa segada de is busas, de is tupas de matedu, fintzes ammesturitzu de erba, cardu e àteru imballau po brovendha a is animales Sinonimi e contrari busonalla, fustigalla, struvu Etimo srd. Traduzioni Francese broussailles Inglese brushwood Spagnolo zarzal Italiano sterpàglia Tedesco Gestrüpp.

busàre , vrb Definizione girare, furriare, mòvere coment'e a molinadura; trebballare a busa Sinonimi e contrari businare, busitare, girai, musinare 1 Frasi busare sa marrocula ◊ su marroculone fit un'ispetàculu a lu bider busendhe intro de s'apusentu ◊ ballendhe, comare busat che sedatu in sedatajola! 2. pustis isparitzadu, si poniat sas otzeras e si seiat in s'oru de sa ziminera a busare Etimo srd. Traduzioni Francese voltiger Inglese to twirl, to roll Spagnolo revolotear Italiano volteggiare, ruzzolare Tedesco kreisen, rollen.

busàtzu , nm Definizione pegus, angione o prochedhu, làngiu e piticu / fàghere cosa pro unu b. = in debbadas, po nudha Sinonimi e contrari buscinu 2 Frasi sos busatzos aiant agatadu unu poju de abba e si bi fint imbrossinados 2. féminas de dinari, si giogant "s'ischedina" ruspiada e solamente pro unu busatzu.

búsca , nf Definizione su cricare, mescamente in giru, pedindho a s'unu e a s'àteru; sa cosa buscada Sinonimi e contrari cherta 1, derrama / intrada Modi di dire csn: andhare in b., a sa b. = essire in chirca; èssere in b. = èssiri circhendi; tirare in buscas = tirare a billetes o àteru de gai, pro chirriare sa parte, sa chi tocat tocat chentza partzialidades Frasi si est dadu a sa busca ◊ so in busca de unu mere ca chèglio tzeracare 2. andhao che cane craparesu nusca nusca in bidea de fàghere cussa busca ◊ cun totu sas buscas chi at, sa Comune nostra tenet dinari meda ◊ is burricus funt sentz'e busca, disigendi palla Etimo spn. busca Traduzioni Francese quête, recherche, recette Inglese begging, procurement, receipts Spagnolo colecta Italiano quèstua, procacciaménto, intròito Tedesco Betteln, Besorgung, Einnahme.